നാഷണലിസ്റ്റ് കോണ്‍ഗ്രസ് പാര്‍ട്ടിയില്‍ (എന്‍സിപി) വന്‍ മാറ്റം.പാര്‍ട്ടി അധ്യക്ഷന്‍ ശരദ് പവാറിന്റെ മകള്‍ സുപ്രിയ സുലെയേയും പ്രഫുല്‍ പട്ടേലിനെയും പുതിയ വര്‍ക്കിംഗ് പ്രസിഡന്റുമാരായി നിയമിച്ചു. പാര്‍ട്ടിയുടെ ഈ തീരുമാനം മുതിര്‍ന്ന നേതാവ് അജിത് പവാറിന് തിരിച്ചടിയായി വിലയിരുത്തപ്പെടുന്നു.പാര്‍ട്ടി അധ്യക്ഷ സ്ഥാനത്തേക്ക് അജിത് തന്നെ മത്സരിച്ചിരുന്നതായി വിദഗ്ധര്‍ പറഞ്ഞു.നിലവില്‍ മഹാരാഷ്ട്ര നിയമസഭയിലെ പ്രതിപക്ഷ നേതാവാണ് അദ്ദേഹം.
അടുത്തിടെ പാര്‍ട്ടി അധ്യക്ഷന്റെ ചുമതല ഒഴിയുന്നതായി ശരദ് പവാര്‍ പ്രഖ്യാപിച്ചിരുന്നു. ഇക്കാര്യം ആലോചിക്കാന്‍ രൂപീകരിച്ച സമിതി മെയ് 5 ന് അദ്ദേഹത്തിന്റെ രാജി സ്വീകരിക്കാന്‍ വിസമ്മതിക്കുകയും പാര്‍ട്ടി അധ്യക്ഷനായി തുടരാന്‍ ആവശ്യപ്പെടുകയും ചെയ്തിരുന്നു. പ്രവര്‍ത്തകരുടെ അതൃപ്തിയും നേതാക്കളുടെ അനുനയവും കാരണം അദ്ദേഹം പിന്നീട് തീരുമാനം പിന്‍വലിച്ചു.എന്നാല്‍ പാര്‍ട്ടിയില്‍ രണ്ട് പുതിയ വര്‍ക്കിംഗ് പ്രസിഡന്റുമാരെ നിയമിച്ച് ഹൈക്കമാന്‍ഡ് വീണ്ടും അത്ഭുതപ്പെടുത്തിയിരിക്കുകയാണ്. എന്‍സിപിയുടെ 25-ാം സ്ഥാപക ദിനത്തിലാണ് ഈ സുപ്രധാന മാറ്റമെന്നതും ശ്രദ്ധേയമാണ്.
എന്‍സിപിയെ ശക്തിപ്പെടുത്താന്‍ നമ്മള്‍ എല്ലാവരും പ്രവര്‍ത്തിക്കണമെന്ന് പാര്‍ട്ടി അധ്യക്ഷന്‍ ശരദ് പവാര്‍ പറഞ്ഞു.പ്രഫുല്‍ പട്ടേലിനെയും സുപ്രിയ സുലെയെയും പ്രവര്‍ത്തക സമിതി അധ്യക്ഷരാക്കാനാണ് തീരുമാനം.ഹരിയാനയുടെയും പഞ്ചാബിന്റെയും ചുമതലയാണ് സുപ്രിയ സുലെയ്ക്ക് നല്‍കിയിരിക്കുന്നത്.
