പ്രധാനമന്ത്രി നരേന്ദ്ര മോദിയെ പ്രശംസിച്ച് ഗായകൻ അനുപ് ജലോട്ട. അദ്ദേഹത്തെ പാക്കിസ്ഥാനിലെ ജനങ്ങൾ പോലും സ്നേഹിക്കുന്നു. തങ്ങൾക്കും മോദിയെപ്പോലൊരു നേതാവിനെ വേണമെന്നാണ് ആഗ്രഹമെന്നും അദ്ദേഹം പറഞ്ഞു. സിഡ്‌നിയിലെ ഖുഡോസ് ബാങ്ക് അരീനയിലാണ് അനുപ് ജലോട്ടയുടെ പരാമർശം.
“ജനങ്ങൾ പ്രധാനമന്ത്രി മോദിയെ സ്നേഹിക്കുന്നു. പാക്ക് പോലും അദ്ദേഹത്തെ സ്നേഹിക്കുന്നു. അദ്ദേഹത്തെ പോലെയുള്ള ഒരു നേതാവിനെ തങ്ങൾക്ക് ആവശ്യമാണെന്ന് പാക്കിലെ ആളുകൾ പറയുന്നു… സിഡ്‌നിയിലെ ആളുകൾക്ക് ഒരു കാര്യമുണ്ട് — അവർ അദ്ദേഹത്തെ സ്ഥിരം പ്രധാനമന്ത്രിയായി ആഗ്രഹിക്കുന്നു,” അനൂപ് ജലോട്ട വാർത്താ ഏജൻസിയായ എഎൻഐയോട് പറഞ്ഞു.
മൂന്ന് ദിവസത്തെ ഓസ്‌ട്രേലിയ സന്ദർശനത്തിനായി തിങ്കളാഴ്ചയാണ് മോദി സിഡ്‌നിയിലെത്തിയത്. ജി 7 നേതാക്കളുടെ ഉച്ചകോടിയിൽ പങ്കെടുത്ത പാപ്പുവ ന്യൂ ഗിനിയ, ജപ്പാന് എന്നിവിടങ്ങളിലേക്ക് യാത്ര ചെയ്ത ശേഷമാണ് അദ്ദേഹം രാജ്യത്തെത്തിയത് . സിഡ്‌നിയിൽ എത്തിയ പ്രധാനമന്ത്രി മോദിയെ ഇന്ത്യൻ സമൂഹം സ്വീകരിച്ചു. രാജ്യത്തെ പ്രമുഖ വ്യവസായ പ്രമുഖരുമായി അദ്ദേഹം കൂടിക്കാഴ്ച നടത്തി.
