തൃശൂർ: സംസ്ഥാനത്ത് കോവിഡ് വ്യാപനം രൂക്ഷമായിരിക്കുന്ന സാഹചര്യത്തിൽ സമ്പർക്ക സാധ്യതകൾ പരമാവധി ഒഴിവാക്കണമെന്ന് മന്ത്രി വി.എസ്. സുനിൽകുമാർ. സംസ്ഥാന മന്ത്രിസഭായോഗം ഓൺലൈനാക്കിയതിലൂടെ സമ്പർക്ക സാധ്യതകൾ പരമാവധി ഒഴിവാക്കുകയെന്ന സന്ദേശമാണ് സർക്കാർ നൽകുന്നതെന്നും അദ്ദേഹം പറഞ്ഞു.മന്ത്രിസഭാ യോഗത്തിൽ പങ്കെടുത്തശേഷം സംസാരിക്കുകയായിരുന്നു മന്ത്രി.
സമ്പർക്ക വ്യാപനം തടയുന്നതിന്‍റെ ഭാഗമായാണ് കാബിനറ്റ് യോഗം ഓൺലൈൻ വഴിയാക്കിയത്. കേരളത്തിന്‍റെ ചരിത്രത്തിലാദ്യമാണ് മന്ത്രിസഭാ യോഗം ഓൺലൈൻ വഴി നടക്കുന്നതെന്നും അദ്ദേഹം പറഞ്ഞു.
