പുതിയ സാമ്പത്തിക വർഷത്തിൽ ഇപിഎഫ്ഒ ജീവനക്കാരുടെ പ്രൊവിഡന്റ് ഫണ്ട് (ഇപിഎഫ്) 8.15 ശതമാനമായി നിശ്ചയിച്ചതായി വാർത്താ ഏജൻസിയായ പിടിഐ വൃത്തങ്ങളെ ഉദ്ധരിച്ച് റിപ്പോർട്ട് ചെയ്‌തു. 2021-22ൽ ഇപിഎഫ്ഒ പ്രഖ്യാപിച്ച 8.1 ശതമാനം പലിശ നിരക്കിനേക്കാൾ 0.5 ശതമാനം കൂടുതലാണ് പുതിയ നിരക്ക്, ഇത് ഏകദേശം നാല് പതിറ്റാണ്ടിനിടയിലെ ഏറ്റവും താഴ്ന്ന നിരക്കായിരുന്നു.
കഴിഞ്ഞ രണ്ട് വർഷമായി പിഎഫ് പലിശ നിരക്ക് കുത്തനെ കുറയുന്നത് 5 കോടിയോളം വരുന്ന വരിക്കാർക്ക് ഇടയിൽ നിരാശ ഉണ്ടാക്കിയിരുന്നു. എന്നിരുന്നാലും, ഇപ്പോൾ ശുപാർശ ചെയ്‌ത 8.15 ശതമാനം പലിശ നിരക്ക് “മിച്ചം സംരക്ഷിക്കുകയും അംഗങ്ങൾക്ക് വർദ്ധിച്ച വരുമാനം ഉറപ്പ് നൽകുകയും ചെയ്യുന്നു” എന്ന് തൊഴിൽ മന്ത്രാലയം പറഞ്ഞു.
“എംപ്ലോയീസ് പ്രൊവിഡന്റ് ഫണ്ട് ഓർഗനൈസേഷന്റെ പരമോന്നത തീരുമാനമെടുക്കൽ ബോഡിയായ സെൻട്രൽ ബോർഡ് ഓഫ് ട്രസ്‌റ്റീസ് ചൊവ്വാഴ്‌ച നടന്ന യോഗത്തിൽ 2022-23ലെ ഇപിഎഫിന് 8.15 ശതമാനം പലിശ നൽകാൻ തീരുമാനിച്ചു.” അടുത്ത വൃത്തങ്ങളിലൊന്ന് പിടിഐയോട് പറഞ്ഞു.
സെൻട്രൽ ബോർഡ് ഓഫ് ട്രസ്‌റ്റീസിന്റെ തീരുമാനത്തിന് ശേഷം, 2022-23 ലെ ഇപിഎഫ് നിക്ഷേപങ്ങളുടെ പലിശ നിരക്ക് ഉയർത്തിയത് അംഗീകാരത്തിനായി ധനമന്ത്രാലയത്തിന് അയയ്ക്കും. ധനമന്ത്രാലയത്തിൽ നിന്ന് അനുമതി ലഭിച്ചതിന് ശേഷം ഇപിഎഫ് നിക്ഷേപങ്ങളുടെ പലിശ നിരക്ക് ഇപിഎഫ്ഒ അംഗീകരിക്കും. 2020 മാർച്ചിൽ, EPFO പിഎഫ് നിക്ഷേപങ്ങളുടെ പലിശ നിരക്ക് 2018-20 ലെ 8.65 ശതമാനത്തിൽ നിന്ന് 2019-20ലെ ഏഴ് വർഷത്തെ ഏറ്റവും താഴ്ന്ന നിരക്കായ 8.5 ശതമാനമായി കുറച്ചിരുന്നു.
EPFO അതിന്റെ വരിക്കാർക്ക് 2016-17ൽ 8.65 ശതമാനവും, 2017-18ൽ 8.55 ശതമാനവും പലിശനിരക്ക് നൽകി. 2013-14ലും, 2014-15ലും പലിശ നിരക്ക് 8.75 ശതമാനമായി നിജപ്പെടുത്തിയപ്പോൾ 2015-16ൽ 8.8 ശതമാനമായിരുന്നു പലിശ നിരക്ക്. 2012-13ൽ വീണ്ടും 8.5 ശതമാനവും 2011-12ൽ 8.25 ശതമാനവുമായിരുന്നു.
