ശ്രീനഗർ: ജമ്മു കാഷ്മീരിലെ ശ്രീനഗര്‍ ജില്ലയിലെ രണ്‍ബീര്‍ഘട്ടില്‍ സുരക്ഷാസേനയും ഭീകരരും തമ്മില്‍ ഏറ്റുമുട്ടലുണ്ടായി. ആക്രമണത്തിൽ ഒരു സൈനികന് പരിക്കേറ്റു. ഇദ്ദേഹത്തെ 92 ബേസ് ആശുപത്രിയിലേക്കു മാറ്റി.
പ്രദേശത്ത് ഭീകരരുടെ സാന്നിധ്യമുണ്ടെന്ന രഹസ്യവിവരത്തെ തുടർന്ന് സുരക്ഷാസേന തെരച്ചില്‍ നടത്തിയിരുന്നു. ഇതിനിടെ ഭീകരര്‍ വെടിയുതിര്‍ക്കുകയായിരുന്നു. പ്രദേശത്ത് മൂന്ന് ഭീകരര്‍ ഒളിച്ചിരിപ്പുണ്ടെന്നാണ് റിപ്പോര്‍ട്ട്. സേന തെരച്ചില്‍ നടത്തുകയാണ്.
