പൈല്‍സ്‌ ലക്ഷണങ്ങള്‍
പലപ്പോഴും ആളുകള്‍ തങ്ങള്‍ക്ക്‌ പൈല്‍സ്‌ ആണന്ന്‌ തിരച്ചറിയാറില്ല. പൈല്‍സിന്റെ പ്രശ്‌നമാണ്‌ എന്ന്‌ തിരിച്ചറിയാന്‍ ചില പ്രകടമായ ലക്ഷണങ്ങള്‍ സഹായിക്കും. വേദനയും മലദ്വാരത്തില്‍ നിന്നുളല രക്തസ്രാവവും സാധാരണ ലക്ഷണമാണ്‌. മലദ്വാരത്തിന്‌ ചുറ്റുമായി വീക്കം ഉണ്ടാകുന്നതായി കാണാം , ഇതും പൈല്‍സിന്റെ ലക്ഷണമാണ്‌. ചൊറിച്ചിലും മലദ്വാരത്തില്‍ നിന്നുള്ള ഡിസ്‌ചാര്‍ജും ആണ്‌ മറ്റൊരു ലക്ഷണം. പൈല്‍സ്‌ എങ്ങനെ ചികിത്സിച്ച്‌ ഭേദമാക്കും എന്ന്‌ ഓര്‍ത്ത്‌ നിങ്ങള്‍ വിഷമിക്കേണ്ടതില്ല . ഭാഗ്യവശാല്‍ ഈ പ്രശ്‌നം പരിഹരിക്കാനുള്ള മാര്‍ഗ്ഗം നിങ്ങളുടെ വീട്ടില്‍ തന്നെ ഉണ്ട്‌.
പൈല്‍സില്‍ നിന്നും രക്ഷനേടാന്‍ സഹായിക്കുന്ന ചില വീട്ടു മരുന്നുകളെ കുറിച്ചാണ്‌ ഇവിടെ പറയുന്നത്‌
പൈല്‍സിന്റെ ഏക കാരണം മലബന്ധമാണ്‌ എന്നാണ്‌ ആയുര്‍വേദ വിദഗ്‌ധനായ ബിഎന്‍ സിന്‍ഹയുടെ അഭിപ്രായം.
ദീര്‍ഘ നേരം ഇരുന്ന്‌ ജോലി ചെയ്യുന്നവരില്‍ ഈ പ്രശ്‌നം വളരെ സാധാരണമാണ്‌. വ്യായാമങ്ങളില്‍ ഒന്നും ഏര്‍പ്പെടാത്തവര്‍ക്കും ശരീര ചലനം കുറവുള്ളവരിലും പൈല്‍സ്‌ വരാനുള്ള സാധ്യത വളരെ കൂടുതലാണ്‌ എന്നാണ്‌ സിന്‍ഹയുടെ വിശ്വാസം.
2-3 ആഴ്‌ചക്കുള്ളില്‍ പൈല്‍സ്‌ പൂര്‍ണമായി ഭേദമാക്കാന്‍ സഹായിക്കുന്ന വീട്ടു മരുന്നുകള്‍ ഇതാ ചുവടെ:
1. തൃഫല ചൂര്‍ണ്ണം
പൈല്‍സിന്റെ പ്രധാന കാരണങ്ങളില്‍ ഒന്ന്‌ മലബന്ധം ആയതിനാല്‍ തൃഫല ചൂര്‍ണം പതിവായി കഴിക്കുന്നത്‌ നല്ലതാണ്‌. മലബന്ധം ഇല്ലാതാക്കി പൈല്‍സ്‌ വരുന്നത്‌ തടയാന്‍ ഇത്‌ സഹായിക്കും.
എങ്ങനെ ഉപയോഗിക്കണം?
കിടക്കുന്നതിന്‌ മുമ്പ്‌ 4 ഗ്രാം തൃഫല ചൂര്‍ണ്ണം ചൂടു വെള്ളത്തില്‍ ചേര്‍ത്ത്‌ കുടിക്കുക. പതിവായി ഇത്‌ കുടിച്ചാല്‍ ഫലം വളരെ വേഗത്തില്‍ ലഭിക്കും.
2. ആവണക്കെണ്ണ
ആവണക്കെണ്ണയുടെ ഗുണങ്ങള്‍ നിരവധിയാണ്‌. ഇതില്‍ ആന്റി ഓക്‌സിഡന്റ്‌ ധാരാളം അടങ്ങിയിട്ടുണ്ട്‌ മാത്രമല്ല ഫംഗസ്‌, ബാക്ടീരിയ എന്നിവയെ പ്രതിരോധിക്കാനുള്ള ഗുണങ്ങളും ഉണ്ട്‌. കൂടാതെ പ്രതിജ്വല ശേഷിയും ഉണ്ട്‌. അതിനാല്‍ പൈല്‍സിന്റെ വലുപ്പം കുറയ്‌ക്കാനും വേദന മാറ്റാനും ആവണക്കെണ്ണ സഹായിക്കും.
ഉപയോഗിക്കേണ്ടത്‌ എങ്ങനെ?
എല്ലാ ദിവസവും രാത്രി 3എംഎല്‍ ആവണക്കെണ്ണ പാലില്‍ ചേര്‍ത്ത്‌ കുടിക്കുക. അതുപോലെ പുറമെ പുരട്ടുകയും ചെയ്യാം.പതിവായി ആവണക്കെണ്ണ കുടിക്കുന്നതും പുറമെ പുരട്ടുന്നതും വേദനയും പൈല്‍സിന്റെ ലക്ഷണങ്ങളും ഇല്ലാതാക്കാന്‍ സഹായിക്കും.
3. അത്താഴത്തിന്‌ കട്ടിയായ ആഹാരം കഴിക്കരുത്‌
ഇന്ന് നമ്മള്‍ നേരിടുന്ന പല ആരോഗ്യപ്രശ്‌നങ്ങളുടെയും മൂലകാരണം നമ്മുടെ ഭക്ഷണ ശീലങ്ങളാണ്‌. പൈല്‍സ്‌ ഭേദമാക്കുന്നതിന്‌ ആദ്യം വേണ്ടത്‌ മലബന്ധം ഇല്ലാതാക്കുകയും വേദന കുറയ്‌ക്കുകയും ചെയ്യുന്ന ഭക്ഷണങ്ങള്‍ കഴിക്കുകയാണ്‌. പൈല്‍സിന്റെ പ്രധാന കാരണം മലബന്ധമാണ്‌.
അമിതമായി ഫൈബര്‍ (നാരുകള്‍) അടങ്ങിയിട്ടുള്ള ഭക്ഷണം കഴിക്കാതിരിക്കാന്‍ ശ്രദ്ധിക്കണം. ഫൈബര്‍ കൂടുതല്‍ അളവില്‍ മലം ഉണ്ടാകാന്‍ കാരണമാകും. അതിനാല്‍ ഇത്‌ ഒഴിവാക്കുക. മലം കട്ടി കുറഞ്ഞ്‌ പോകുന്നതിന്‌ കാരണമാകുന്ന വിരേചനൗഷധങ്ങള്‍ അമിതമായി കഴിക്കരുത്‌ പൈല്‍സ്‌ ഉള്ളവരില്‍ ഇത്‌ കൂടുതല്‍ അസ്വസ്ഥതകള്‍ ഉണ്ടാക്കും. വറുത്ത ഭക്ഷണങ്ങളും പൈല്‍സിന്‌ ദോഷമാണ്‌. ഇവ ദഹനപ്രവര്‍ത്തനം സാവധാനത്തിലാക്കുന്നത്‌ കുടലിന്റെ ചലനം ക്രമരഹിതമാകാന്‍ കാരണമാവുകയും എരിച്ചില്‍ കൂട്ടുകയും ചെയ്യും. ഇത്‌ വേദനയും അസ്വസ്ഥതയും കൂടുതലാക്കും. കട്ടി കൂടിയ ഭക്ഷണത്തിന്‌ പുറമെ എരിവുള്ള ഭക്ഷണങ്ങളും ഒഴിവാക്കുന്നതാണ്‌ ഉത്തമം. പ്രത്യേകിച്ച്‌ പൈല്‍സില്‍ നിന്നും രക്തസ്രാവം ഉള്ളപ്പോള്‍ , ഇത്‌ കഠിനമായ വേദനക്ക്‌ കാരണമാകും അതിനാല്‍ ഒഴിവാക്കുക.
4. വെള്ളം ധാരാളം കുടിക്കുക
ധാരാളം വെള്ളം കുടിക്കുന്നത്‌ മലബന്ധം ഒഴിവാക്കും അങ്ങനെ പൈല്‍സിനെ പ്രതിരോധിക്കുകയും ചെയ്യും. പൈല്‍സ്‌ ഭേദമാക്കാനുള്ള ഏറ്റവും ലളിതമായ മാര്‍ഗ്ഗമാണ്‌ ഇത്‌. ആവശ്യത്തിന്‌ വെള്ളം കുടിക്കുകയും ആരോഗ്യകരമായ ഭക്ഷണക്രമം പാലിക്കുകയും ചെയ്‌താല്‍ കുടലിന്റെ ചലനവും ആരോഗ്യകരമാകും.
ദിവസം 8-10 ഗ്ലാസ്സ്‌ വെള്ളം കുടിക്കുന്നതിലൂടെ ദഹന പ്രക്രിയ ക്രമമാകും. ചികിത്സിക്കുന്നതിനേക്കാള്‍ നല്ലത്‌ പ്രതിരോധിക്കുന്നതാണ്‌ എന്ന്‌ പറയാറുണ്ട്‌. അതിനാല്‍ ഈ ലളിതമായ തന്ത്രം ഉപയോഗിച്ച്‌ ആരോഗ്യകരമായ ജീവിതശൈലി എന്തു കൊണ്ട്‌ പാലിച്ചു കൂട ?
5.സാലഡുകള്‍
പ്രഭാത ഭക്ഷണത്തിന്‌ ശേഷം വെള്ളരിക്ക പോലുള്ള സാലഡുകള്‍ കഴിക്കുന്നത്‌ നല്ലതാണ്‌. കാരറ്റിന്‌ ആന്റി ഓക്‌സിഡന്റ്‌ ഗുണവും പ്രതിജ്വലന ശേഷിയും ഉണ്ട്‌. പൈല്‍സ്‌ ഭേദമാക്കാന്‍ ഇത്‌ സഹായിക്കും. ഇതില്‍ അടങ്ങിയിട്ടുള്ള വിറ്റാമിന്‍ സി, വിറ്റാമിന്‍ കെ എന്നിവ നാഡികളുടെ ആരോഗ്യം മെച്ചപ്പെടുത്തും.
6. കായം
ഭക്ഷണത്തില്‍ തീര്‍ച്ചയായും ഉള്‍പ്പെടുത്തേണ്ട ഒന്നാണ്‌ കായം. പച്ചക്കറികളുടെ കൂടെ ചേര്‍ത്തോ അല്ലെങ്കില്‍ ഒരു ഗ്ലാസ്സ്‌ വെള്ളത്തില്‍ കലര്‍ത്തിയോ ദിവസവും കഴിക്കുക. പാചകത്തിന്‌ എന്ന പോലെ രോഗങ്ങള്‍ ഭേദമാക്കാനും ഉപയോഗിക്കുന്ന ഇന്ത്യന്‍ സുഗന്ധവ്യജ്ഞനമാണ്‌ ഇത്‌. ഇത്‌ ദഹനം മെച്ചപ്പെടുത്തുകയും അതുവഴി പൈല്‍സിനെ പ്രതിരോധിക്കുകയും ചെയ്യും.
