ബിഗ് ബോസ് മലയാളം റിയാലിറ്റി ഷോയിൽ ഏറ്റവും കൂടുതൽ ജനപിന്തുണ ലഭിച്ച മത്സരാർഥികളിൽ ഒരാളാണ് റോബിൻ രാധാകൃഷ്ണൻ. ബിഗ്ബോസിൽ മത്സരാർത്ഥിയായി എത്തിയതോടെ കേരളത്തിൽ തരംഗമായി മാറുകയായിരുന്നു. ബിഗ്ബോസ് കിരീടം നേടുമെന്ന് പ്രേക്ഷകർ ചർച്ച വിധിയെഴുതിയിരുന്നെങ്കിലും 100 ദിവസം തികയ്ക്കാൻ റോബിന് സാധിച്ചിരുന്നില്ല. സഹമത്സരാർത്ഥിയെ കയ്യേറ്റം ചെയ്തതിന്റെ പേരിൽ റോബിനെ ഷോയിൽ പുറത്താക്കുകയായിരുന്നു.
കഴിഞ്ഞ കുറച്ച് മാസങ്ങൾക്ക് മുമ്പ് താൻ സ്വന്തമായി സിനിമ നിർമിക്കാൻ പോവുകയാണെന്ന് റോബിൻ അറിയിച്ചിരുന്നു. തന്റെ സ്വന്തം നിർമാണ കമ്പനിയായ ഡിആർആർ പ്രൊഡക്ഷൻസിന്റെ രണ്ടാമത്തെ പ്രോജക്ടിനെ കുറിച്ച് റോബിൻ പറഞ്ഞിരുന്നു. ഇപ്പോഴിതാ സിനിമയുടെ ടൈറ്റിൽ പ്രഖ്യാപിച്ചിരിക്കുകയാണ് റോബിൻ. സോഷ്യൽ മീഡിയയിലൂടെയാണ് പ്രഖ്യാപനം.
രാവണ യുദ്ധം എന്നാണ് ചിത്രത്തിന്റെ പേര്. സിനിമയുടെ തിരക്കഥയും സംവിധാനവും റോബിൻ തന്നെയാണ്. റോബിന്റെ തന്നെ ഡിആർആർ ഫിലിം പ്രൊഡക്ഷൻസ് ആണ് ചിത്രം നിർമ്മിക്കുന്നത്. ഏറെ നിഗൂഢതകളൊളിപ്പച്ചുള്ള പോസ്റ്ററാണ് പുറത്തു വിട്ടിരിക്കുന്നത്. ശംഭു വിജയകുമാർ ആണ് പോസ്റ്റർ ഡിസൈൻ ചെയ്തിരിക്കുന്നത്. സാത്താന്റെ നമ്പറായ 666 പോസ്റ്ററിൽ കാണാം. ചിത്രത്തിന്റെ പുതിയ അപ്‌ഡേറ്റുകൾക്കായി കാത്തിരിക്കുകയാണ് ആരാധകർ.
