ഇടുക്കി: പഠിക്കാത്തതിനു വീട്ടുകാർ വഴക്കു പറഞ്ഞതിൽ മനംനൊന്ത് ആത്മഹത്യയ്ക്ക് ശ്രമിച്ച വിദ്യാർത്ഥി മരിച്ചു. ഇടുക്കി രാജാക്കാടിന് അടുത്തുള്ള മാങ്ങാത്തൊട്ടിയിലെ ഏഴാം ക്ലാസ് വിദ്യാർത്ഥിയാണ് മരിച്ചത്. ഇക്കഴിഞ്ഞ 18 നായിരുന്നു കുട്ടി സ്വന്തം മുറിയിൽ ജീവനെടുക്കാൻ ശ്രമിച്ചത്.
വീട്ടുകാർ പഠിക്കാൻ പറഞ്ഞതിനെ തടർന്ന് സ്വന്തം മുറിയിൽ കയറി വാതിലിന്റെ കൊളുത്തിൽ തൂങ്ങിമരിക്കാൻ ശ്രമിക്കുകയായിരുന്നു. അത്യാസന്നനിലയിൽ വീട്ടുകാർ കണ്ടെത്തിയതിനെ തുടർന്ന് ആശുപത്രിയിൽ പ്രവേശിപ്പിച്ചു. കോട്ടയം മെഡിക്കൽ കോളേജിൽ ചികിത്സയിലിരിക്കെയാണ് മരിച്ചത്. തൂങ്ങി മരണമാണെന്ന് ഉടുമ്പൻചോല പോലീസ് അറിയിച്ചു.
