തൃശൂർ: ഏങ്ങണ്ടിയൂർ തിരുമംഗലത്ത് നിയന്ത്രണം വിട്ട കാർ റോഡരികിൽ നിന്നിരുന്നവരുടെ ഇടയിലേക്ക് ഇടിച്ചു കയറി ഉണ്ടായ അപകടത്തില്‍ ഒരാള്‍ മരിച്ചു. രണ്ടു പേർക്ക് ഗുരുതര പരിക്ക്. തിരുമംഗലം സ്വദേശി 55 വയസ്സുള്ള അംബുജാക്ഷൻ ആണ് മരിച്ചത്. ഇന്ന് ആറരയോടെ ദേശീയ പാതയിലായിരുന്നു അപകടം.
കൊടുങ്ങല്ലൂര്‍ ഭാഗത്ത് നിന്ന് വന്നിരുന്ന കാറാണ് നിയന്ത്രണം വിട്ട് ആളുകൾക്കിടയിലേക്ക് പാഞ്ഞുകയറിയത്. ഡ്രൈവർ ഉറങ്ങിയതാണ് അപകട കാരണം എന്നാണ് പ്രാഥമിക നിഗമനം. അപകടത്തില്‍ ബാബു, ജോസഫ് എന്നിവർക്ക് ഗുരുതരമായി പരിക്കേറ്റു.
