മലബാർ എൻജിനീയറിങ് കോളേജിന്റെ ബസ് ആണ് ബുധനാഴ്ച രാവിലെ 8.45-ഓടെ കുണ്ടന്നൂർ ചുങ്കത്ത് അപകടത്തിൽപ്പെട്ടത്. വിദ്യാർഥികളുമായി കോളേജിലേക്ക് പോകുന്നതിനിടെ നിയന്ത്രണംവിട്ട ബസ് റോഡരികിലെ ഹോട്ടലിലേക്ക് പാഞ്ഞുകയറുകയായിരുന്നു.
അപകടത്തിൽ ഹോട്ടൽ ജീവനക്കാരിയായ സരളയ്ക്ക് ഗുരുതരമായി പരിക്കേറ്റിരുന്നു. ഇവരെ ആശുപത്രിയിൽ പ്രവേശിപ്പിച്ചെങ്കിലും ചികിത്സയിലിരിക്കെ മരിച്ചു. അമൽ, ജസ്ലിൻ, ദിവ്യ, ജൂണ, കൃഷ്ണ, അമൽ എന്നിവരാണ് അപകടത്തിൽ പരിക്കേറ്റ വിദ്യാർഥികൾ. ഡ്രൈവർക്ക് തലചുറ്റലുണ്ടായതാണ് അപകടത്തിന് കാരണമായതെന്നാണ് പ്രാഥമികനിഗമനം.
