കർണാടകയിലുള്ള ഒരു സാധാരണ ഗ്രാമം , മറ്റൂർ . എന്നാൽ അകത്ത് കയറിയാൽ മറ്റൂർ ഒരു സാധാരണ ഗ്രാമമായി തോന്നില്ല. വലിയ ബംഗ്ലാവുകളിലാണ് ഇവിടെ ആളുകൾ താമസിക്കുന്നത്. എന്നാൽ അവർ നിലത്തിരുന്ന് ഭക്ഷണം കഴിക്കുകയും നിലത്ത് ഉറങ്ങുകയും ചെയ്യുന്നു. രാജ്യത്തെ ആദ്യത്തെ സംസ്കൃത ഗ്രാമമാണിത്.
ഷിമോഗ ജില്ലയിലെ മറ്റൂർ ഗ്രാമം ജില്ലാ ആസ്ഥാനത്ത് നിന്ന് 10 കിലോമീറ്റർ അകലെയാണ്. ഇവിടെ ഭൂരിഭാഗം ആളുകളും വെറ്റില കൃഷി ചെയ്യുന്നു. ഗ്രാമത്തിൽ വൈ-ഫൈ, ഇന്റർനെറ്റ്, ആഡംബര കാറുകൾ തുടങ്ങി അത്യാധുനിക സൗകര്യങ്ങൾ എല്ലാമുണ്ട് . എന്നാൽ ഗ്രാമാന്തരീക്ഷം ഒരു ഗുരുകുലം പോലെയാണ്.4000 ജനസംഖ്യയുള്ള ഈ ഗ്രാമത്തിൽ, അത് കുട്ടികളായാലും പ്രായമായവരായാലും, എല്ലാവരും സംസ്‌കൃതം സംസാരിക്കുന്നു.
ഇവിടെ താമസിക്കുന്ന എല്ലാ ആളുകൾക്കും സംസ്‌കൃതം പഠിക്കുന്നത് നിർബന്ധമാണ് . ഗ്രാമത്തിൽ മദ്യവും നോൺ വെജ് കടകളും ഇല്ല. ഹിന്ദുക്കൾക്കൊപ്പം മുസ്ലീങ്ങളും ഇവിടെ താമസിക്കുന്നുണ്ട്. അവർ സംസ്കൃതവും സംസാരിക്കുന്നു. ഗ്രാമത്തിന് ചുറ്റും ക്ഷേത്രങ്ങൾ നിർമ്മിച്ചിട്ടുണ്ട് . ഗ്രാമവാസികൾക്ക് സംസ്‌കൃതം മാത്രമേ ഉള്ളൂ എന്നല്ല. ഇവിടെയുള്ള ആളുകൾക്ക് ഇംഗ്ലീഷും കന്നഡയും നന്നായി സംസാരിക്കാൻ കഴിയും
ഗ്രാമത്തിലെ മിക്കവാറും എല്ലാ വീട്ടിലും ഒരു എഞ്ചിനീയർ ഉണ്ട് എന്നതാണ് പ്രത്യേകത. ചില കുടുംബങ്ങളിലെ ആൺകുട്ടികൾ അമേരിക്കയിലും ജർമ്മനിയിലും മെഡിസിൻ പഠിക്കാനും പോയിട്ടുണ്ട് . മറ്റൂരിലെ പച്ചക്കറി കച്ചവടക്കാരൻ മുതൽ കടയുടമ വരെ എല്ലാവരും സംസ്‌കൃതം മനസ്സിലാക്കുകയും സംസാരിക്കുകയും ചെയ്യുന്നു. ഗ്രാമത്തിന്റെ ചുവരിൽ സംസ്‌കൃതത്തിലുള്ള മുദ്രാവാക്യങ്ങളും ഓഫീസിൽ സംസ്‌കൃതത്തിലുള്ള ബോർഡുകളും നെയിംപ്ലേറ്റുകളുമുണ്ട്. കുവെമ്പു, ബെംഗളൂരു, മൈസൂർ, മംഗളൂരു സർവകലാശാലകളിൽ പഠിപ്പിക്കുന്ന 30-ലധികം പ്രൊഫസർമാരാണ് ഈ ഗ്രാമത്തിലുള്ളത്. കന്നഡ എഴുത്തുകാരൻ മാത്തൂർ കൃഷ്ണമൂർത്തി, ബെംഗളൂരുവിലെ ഭാരതീയ വിദ്യാഭവൻ ഡയറക്ടർ, വയലിനിസ്റ്റ് വെങ്കിട്ടറാം, ഗംക ഗായകൻ പത്മശ്രീ എച്ച്ആർ കേശവമൂർത്തി എന്നിവർ ഈ ഗ്രാമത്തിൽ നിന്നുള്ളവരാണ്
സർക്കാർ ചട്ടങ്ങൾ പ്രകാരം കന്നഡ ഭാഷയാണ് ഉപയോഗിക്കുന്നത്. എന്നാൽ ഓഫീസിലെ ആശയവിനിമയം സംസ്‌കൃതത്തിലാണ്.ഏകദേശം 40 വർഷം മുമ്പ് ഗ്രാമത്തിൽ ഒരു ‘വേദ സംസ്‌കാര യാഗം’ നടന്നിരുന്നു. സ്വദേശത്തുനിന്നും വിദേശത്തുനിന്നും ധാരാളം പണ്ഡിതർ അതിൽ വന്നിരുന്നു. മറ്റൂർ ഗ്രാമത്തിന് സംസ്കൃത ഗ്രാമത്തിന്റെ പദവി നൽകിയത് ഇവരാണ്. സംസ്കൃതത്തിൽ നിന്ന് ഉരുത്തിരിഞ്ഞ സങ്കേതിയാണ് ഗ്രാമത്തിന്റെ മാതൃഭാഷ. സംസ്കൃതവും മലയാളവും കലർന്ന ഭാഷ കൂടിയാണിത്.
അമേരിക്ക, ജപ്പാൻ, ജർമ്മനി എന്നിവിടങ്ങളിൽ നിന്ന് സംസ്‌കൃതം പഠിക്കാൻ വരുന്നുണ്ട്.20 ദിവസമോ ഒരു വർഷമോ മൂന്ന് വർഷമോ ഇവിടെ താമസിച്ചാണ് ആളുകൾ സംസ്‌കൃതം പഠിക്കുന്നത്. ഗവേഷണത്തിനും നിരവധി പേർ എത്തുന്നുണ്ട്. കൂടുതൽ ആളുകൾക്ക് സംസ്‌കൃതം പഠിക്കാൻ കഴിയുന്ന തരത്തിൽ സമീപ ഗ്രാമങ്ങളിലും ക്ഷേത്രങ്ങളിലും പൊതുസ്ഥലങ്ങളിലും സംസ്കൃത ക്ലാസുകളും സംഘടിപ്പിക്കുന്നു
