ഒട്ടാവ: 21 കാരിയായ താനിയ പര്‍ദാസി സ്‌കൈ ഡൈവിംഗ് അപകടത്തില്‍ മരിച്ച വാര്‍ത്ത ഞെട്ടലോടെയാണ് ലോകം കേട്ടത്. ടിക് ടോക്കിലൂടെ ചെറുപ്രായത്തില്‍ തന്നെ അതിപ്രശ്‌സതയായ താനിയ പര്‍ദാസി ഓഗസ്റ്റ് 27-ന് കാനഡയിലെ ഇന്നിസ്ഫില്‍, സ്‌കൈഡൈവ് ടൊറന്റോ എന്ന ഓപ്പറേറ്ററുമായി ചേര്‍ന്ന് ആദ്യമായി സോളോ സ്‌കൈ ഡൈവിംഗ് നടത്താന്‍ ശ്രമിക്കുന്നതിനിടെയാണ് മരിച്ചത്.
യഥാസമയം പാരച്യൂട്ട് തുറക്കാന്‍ കഴിയാതെ വന്നതിനെ തുടര്‍ന്നാണ് താനിയ മരിച്ചത് എന്നാണ് മാധ്യമങ്ങള്‍ റിപ്പോര്‍ട്ട് ചെയ്യുന്നത്. താനിയ ടൊറന്റോ സര്‍വകലാശാലയിലെ ഫിലോസഫി വിദ്യാര്‍ത്ഥിയായിരുന്നു പഠിക്കുകയായിരുന്നു. സോഷ്യല്‍ മീഡിയ പ്ലാറ്റ്ഫോമുകളില്‍, പ്രത്യേകിച്ച് ടിക് ടോക്കില്‍ താനിയയ്ക്ക് ഒരു ലക്ഷത്തിലധികം ഫോളോവേഴ്സ് ഉണ്ടായിരുന്നു.
