തിരുവനന്തപുരം: ചെസിലെ നമ്പര്‍ വണ്‍ എന്ന് ലോകം വിശേഷിപ്പിക്കുന്നതും അഞ്ച് തവണ ലോക ചെസ് ചാമ്പ്യനുമായ നോര്‍വേയുടെ മാഗ്നസ് കാള്‍സനെ മൂന്നാം തവണയും പരാജയപ്പെടുത്തിയ ഇന്ത്യന്‍ സെന്‍സേഷന്‍ ആര്‍ പ്രഗ്നാനന്ദയ്ക്ക് അഭിനന്ദനപ്രവാഹം. വിദ്യാഭ്യാസ മന്ത്രി വി ശിവന്‍ കുട്ടിയും അഭിനന്ദനവുമായി രംഗത്തെത്തി.
ചെസിലെ നമ്പര്‍ വണ്‍ മാഗ്നസ് കാള്‍സന് ഇനി ഉറക്കമില്ലാത്ത നാളുകളാണെന്ന് മന്ത്രി വി ശിവന്‍കുട്ടി പറഞ്ഞു. കാരണം ഇന്ത്യയില്‍ നിന്ന് ഒരു കൊച്ചു പയ്യന്‍ താരമായി പ്രകാശിച്ചു തുടങ്ങിയിരിക്കുന്നു. പ്രഗ്‌നാനന്ദ കാള്‍സനെ തോല്‍പിച്ചത് ഒരു തവണയല്ല, മൂന്ന് തവണ. അഭിനന്ദനങ്ങള്‍ പ്രഗ്‌നാനന്ദ- വി ശിവന്‍കുട്ടി ഫേസ്ബുക്കില്‍ കുറിച്ചു.
