ന്യൂഡൽഹി: തിരുവനന്തപുരം അന്താരാഷ്ട്ര വിമാനത്താവളത്തിലൂടെ സ്വർണം കടത്താൻ ശ്രമിച്ച കേസിലെ മൂന്നാംപ്രതി ഫൈസൽ ഫരീദിനെതിരെ ഇന്‍റർപോൾ നോട്ടീസ് പുറത്ത് വിട്ടു. ഇന്ത്യയുടെ അഭ്യർഥനപ്രകാരമാണ് ഇന്‍റർപോൾ ഫൈസലിനെതിരെ ലുക്ക്ഔട്ട് നോട്ടീസ് പുറപ്പെടുവിച്ചത്. ലോകത്തെ ഏത് വിമാനത്താവളത്തിൽ ഫൈസൽ എത്തിയാലും പിടിയിലാകും .
ഇന്നലെ തൃശൂർ കയ്പമംഗലം മൂന്നുപീടിക പുത്തൻപള്ളി എംഐസി പരിസരത്തുള്ള അടഞ്ഞുകിടന്ന ഫൈലസിന്‍റെ വീട്ടിൽ കസ്റ്റംസ് പരിശോധന നടത്തി. ഇവിടെനിന്നും കംപ്യൂട്ടറും ഒട്ടേറെ രേഖകളും പിടിച്ചെടുത്തു.
