ചെമ്പു പാത്രത്തിൽ സൂക്ഷിക്കുന്ന കുടിവെള്ളത്തിന്റെ ഗുണങ്ങൾ അറിയാമോ ? വായിച്ചറിയുക

നമ്മുടെ പൂർവ്വികർ ചെമ്പ് പാത്രങ്ങളിൽ വെള്ളം സൂക്ഷിച്ചിരുന്നതിന് വ്യക്തമായ കാരണങ്ങളുണ്ട്. എന്താണെന്നല്ലേ?

മനുഷ്യശരീരത്തിന്റെ 70 ശതമാനവും വെള്ളം കൊണ്ടാണ് നിർമ്മിച്ചിരിക്കുന്നത്. ജീവൻ നിലനിർത്താൻ നമുക്ക് ആവശ്യമായ ഏറ്റവും പ്രധാനപ്പെട്ട ഘടകമാണ് വെള്ളം. നമ്മുടെ പൂർവ്വികർ വെള്ളം സൂക്ഷിക്കാൻ ചെമ്പ് പാത്രങ്ങൾ ഉപയോഗിക്കുമായിരുന്നു. വാസ്തവത്തിൽ, ചെമ്പ് പാത്രത്തിൽ സൂക്ഷിക്കുന്ന കുടിവെള്ളം ആരോഗ്യത്തിന് ഗുണകരമാണെന്ന് പറയപ്പെടുന്നു. ആയുർവേദ വിധി പ്രകാരം, ഒരു ചെമ്പ് പാത്രത്തിൽ അല്ലെങ്കിൽ ഗ്ലാസിൽ സൂക്ഷിച്ചിരിക്കുന്ന വെള്ളം നാം കുടിച്ചാൽ, അത് നമ്മുടെ ശരീരത്തിലെ മൂന്ന് ദോഷങ്ങളെയും (അതായത് വാത, കഫ, പിത്ത ദോഷങ്ങളെ) സുഖപ്പെടുത്തും എന്നാണ്. ചെമ്പ് പാത്രത്തിൽ വെള്ളം സൂക്ഷിക്കുന്നത് വെള്ളത്തിന്റെ പ്രകൃതിദത്ത ശുദ്ധീകരണ പ്രക്രിയ സൃഷ്ടിക്കുമെന്ന് വിശ്വസിക്കപ്പെടുന്നു.ആർ ഒ പ്യൂരിഫയറുകളും, വാട്ടർ ഫിൽട്ടറുകളും ഇപ്പോൾ വളരെയധികം പ്രചാരം നേടിയിരിക്കുന്നത് കാരണം വെള്ളം സംഭരിക്കുന്നതിനുള്ള പഴയ രീതികളിൽ നിന്നും നമ്മൾ വളരെയധികം മാറി പോയിരിക്കുന്നു. എന്നാൽ, പഴയ രീതികളെ പൂർണ്ണമായും അവഗണിക്കുന്നത് ശരിയല്ല.

ചെമ്പ് പാത്രത്തിലെ വെള്ളം വിഷവസ്തുക്കളെ നിർവീര്യമാക്കും

ഒരു ചെമ്പ് പാത്രത്തിൽ വെള്ളം സൂക്ഷിക്കുന്നത്, ശരീരത്തിന് ഹാനികരമായി, വെള്ളത്തിൽ രൂപപ്പെടുന്ന എല്ലാ സൂക്ഷ്മാണുക്കളെയും, പൂപ്പൽ, ഫംഗസ്, ആൽഗ, ബാക്ടീരിയ എന്നിവയെ നശിപ്പിക്കും. ഇത് ശുദ്ധ വെള്ളം കുടിക്കാൻ തികച്ചും അനുയോജ്യമാക്കുന്നു. ഒരു രാത്രി മുഴുവനും അല്ലെങ്കിൽ നാല് മണിക്കൂർ നേരം നിങ്ങൾ ഒരു ചെമ്പ് പാത്രത്തിൽ വെള്ളം സംഭരിക്കുകയാണെങ്കിൽ, ചെമ്പ് അയോണുകൾ ആ വെള്ളത്തിൽ ചെറിയ അളവിൽ അലിഞ്ഞു ചേരുന്നു, ഈ പ്രക്രിയയെ ഒളിഗോഡൈനാമിക് ഇഫക്റ്റ് എന്ന് വിളിക്കുന്നു. ആന്റിമൈക്രോബയൽ, ആന്റിഓക്സിഡന്റ്, ആൻറി കാർസിനോജെനിക്, ആൻറി-ഇൻഫ്ലമേറ്ററി എന്നിവ ഉൾപ്പെടെയുള്ള ഗുണങ്ങൾ ചെമ്പിലുണ്ട്. ഇത് വിഷവസ്തുക്കളെ നിർവീര്യമാക്കും. മനുഷ്യന്റെ ആരോഗ്യത്തിന് അത്യാവശ്യമായ ഒരു ധാതുവാണ് ചെമ്പ്.

ഹൃദ്രോഗ സാധ്യത കുറയ്ക്കും

രക്തസമ്മർദ്ദം, അമിതമായ ഹൃദയമിടിപ്പ്, മോശം കൊളസ്ട്രോൾ എന്നിവ നിയന്ത്രിക്കാൻ ചെമ്പ് സഹായിക്കുന്നതിനാൽ, ഇത് ഹൃദ്രോഗത്തിനുള്ള സാധ്യതയും കുറയ്ക്കും. ഹൃദയത്തിന്റെ ആരോഗ്യം സംരക്ഷിയ്ക്കുന്ന ഒന്നു കൂടിയാണ് ചെമ്പു പാത്രത്തിലെ വെള്ളം കുടി. പലരേയും അലട്ടുന്ന, ഹൃദയാരോഗ്യത്തെ തകര്ക്കുന്ന കൊളസ്ട്രോൾ പ്രശ്നങ്ങള്ക്കുള്ള പ്രധാനപ്പെട്ട ഒരു വഴിയാണ് ചെമ്പു പാത്രത്തിലെ വെള്ളം കുടിയ്ക്കുന്നത്. ഇതു നല്ല രീതിയിൽ രക്തപ്രവാഹത്തിന് സഹായിക്കും. രക്തക്കുഴലുകളിലെ ബ്ലോക്ക് മാറാനും ഇത് നല്ലതാണ്. ബിപി പ്രശ്നങ്ങൾ പരിഹരിയ്ക്കാനുള്ള നല്ലൊരു വഴിയാണ് ചെമ്പു പാത്രത്തിലെ വെള്ളം കുടിയ്ക്കുന്നത്.

പുതിയതും, ആരോഗ്യകരവുമായ ചർമ്മകോശങ്ങൾ ഉത്പാദിപ്പിക്കാൻ സഹായിക്കുന്നു

കാലക്രമേണ, ചർമ്മത്തിൽ ഉണ്ടാകുന്ന നേർത്ത വരകൾ, മുഖത്തെ ചുളിവുകൾ എന്നിവ പരിഹരിക്കുന്നതിന് പ്രകൃതിദത്ത പരിഹാരമായി ചെമ്പ് ഉപയോഗിക്കുന്നു. ഫ്രീ റാഡിക്കലുകളെ ചെറുക്കാൻ സഹായിക്കുന്ന ആന്റിഓക്സിഡന്റും കോശ രൂപീകരണ ഗുണങ്ങളും ഇതിന് ഉണ്ട്. പുതിയതും ആരോഗ്യകരവുമായ ചർമ്മകോശങ്ങൾ ഉത്പാദിപ്പിക്കുന്നതിനും ചെമ്പ് നിങ്ങളെ സഹായിക്കും. വിളര്ച്ച പ്രശ്നങ്ങളുള്ളവര് ചെമ്പു പാത്രത്തിലെ വെള്ളം കുടിയ്ക്കുന്നത് നല്ലതാണ്. ചെമ്പ് ശരീരത്തിലെ ഹീമോഗ്ലോബിൻറെ തോതു വര്ദ്ധിപ്പിയ്ക്കുന്നു.

ദഹനവ്യവസ്ഥയെ സഹായിക്കുന്നു

നിങ്ങളുടെ ദഹനവ്യവസ്ഥയെ സഹായിക്കുന്നു: ചെമ്പ് കലർന്ന വെള്ളം ശരീരത്തിലെ ദോഷകരമായ ബാക്ടീരിയകളെ നശിപ്പിക്കുകയും, വീക്കം കുറയ്ക്കുകയും ചെയ്യും. ചെമ്പ് ദഹനത്തെ സഹായിക്കുകയും അൾസർ, അണുബാധ എന്നിവ ഭേദമാക്കുകയും ചെയ്യും. കൂടാതെ, ചെമ്പ് ശരീരം വൃത്തിയാക്കുകയും ശരീരത്തിലെ ദുഷിപ്പുകളെ എളുപ്പം നീക്കം ചെയ്യുവാൻ സഹായിക്കുകയും ചെയ്യുന്നു.

ശരീരത്തിലെ കൊഴുപ്പ് ഇല്ലാതാക്കാൻ സഹായിക്കുന്നു

ശരീരത്തിലെ കൊഴുപ്പ് ഇല്ലാതാക്കി , നിങ്ങളുടെ ദഹനവ്യവസ്ഥയെ മികച്ചതാക്കാൻ സഹായിക്കുന്നു. ടോക്സിനുകൾ നീക്കിയും ദഹനം മെച്ചപ്പെടുത്താനും ഇത് സഹായിക്കുന്നു. ചെമ്പിന്റെ ഗുണങ്ങൾ വെള്ളത്തിലൂടെ ശരീരത്തിലേയ്ക്കിറങ്ങിയാണ് ഇതു സാധ്യമാകുന്നത്.

നിങ്ങളുടെ ശരീരത്തിന് ചെമ്പ് ഉത്പാദിപ്പിക്കുവാൻ കഴിയാത്തതിനാൽ, നാം അത് ഭക്ഷണത്തിലൂടെ എടുക്കേണ്ടതുണ്ട്. മാംസം, ധാന്യങ്ങൾ, പയറ്, പരിപ്പ്, നട്ട്സ്, ചോക്ലേറ്റ്, ഉരുളക്കിഴങ്ങ്, കടല, ഇലക്കറികൾ എന്നിവ ഉൾപ്പെടെയുള്ള ഭക്ഷണം കഴിക്കുക . വാസ്തവത്തിൽ, ഒരു ചെമ്പ് പാത്രത്തിൽ സൂക്ഷിച്ചിരിക്കുന്ന രണ്ട് മുതൽ മൂന്ന് ഗ്ലാസ് വെള്ളം കുടിക്കുന്നത് നിങ്ങളുടെ ശരീരത്തിന് ആവശ്യമായ ചെമ്പ് നൽകും.

ക്യാൻസർ സാധ്യത ലഘൂകരിക്കുന്നു

ചെമ്പിൽ അടങ്ങിയ ആൻറി ഓക്സിഡൻറ് ഗുണങ്ങൾ കാരണം, ഫ്രീ റാഡിക്കലുകളെ ചെറുക്കാനും ദോഷകരമായ ഫലങ്ങൾ അകറ്റാനും ചെമ്പ് സഹായിക്കുന്നു. ലിവര്, കിഡ്നി, എന്നിവയുടെ ആരോഗ്യത്തിനും മികച്ചതാണ് ചെമ്പു പാത്രത്തിലെ ഒരു ഗ്ലാസ് വെള്ളം ശീലമാക്കുന്നത്. ടോക്സിനുകൾ നീക്കുന്നതിലൂടെ ക്യാൻസർ അടക്കമുള്ള പല രോഗങ്ങളിൽ നിന്നും ശരീരത്തിന് മോചനം ലഭിയ്ക്കുന്നു.