കോഴിക്കോട്: മുസ്ലിം ലീഗ് നേതാക്കളും എംഎല്‍എമാരുമായ എം.കെ. മുനീറിനും കെ.എം. ഷാജിക്കുമെതിരെ എന്‍ഫോഴ്സ്മെന്‍റ് ഡയറക്ടറേറ്റിന് പരാതി. കോഴിക്കോട് മാലൂര്‍കുന്നില്‍ ഒരു കോടിയില്‍ അധികം രൂപയ്ക്കു സ്ഥലം വാങ്ങിയതില്‍ ക്രമക്കേടെന്നാണു പരാതി.
ഐഎന്‍എല്‍ നേതാവ് എന്‍.കെ. അബ്ദുള്‍ അസീസാണു പരാതിക്കാരന്‍. ഇടപാടില്‍ 37 ലക്ഷം രൂപ മാത്രമാണ് ഇവര്‍ ആധാരത്തില്‍ കാണിച്ചതെന്നും കച്ചവടത്തിലൂടെ ഇരുവരും കള്ളപ്പണം വെളുപ്പിച്ചെന്നും പരാതിയില്‍ പരാമര്‍ശമുണ്ട്.
രജിസ്ട്രേഷന്‍ ഫീസിനത്തിലും സ്റ്റാന്പ് ഡ്യൂട്ടി ഇനത്തിലും ഇരുവരും ചേര്‍ന്ന് ലക്ഷങ്ങള്‍ വെട്ടിച്ചെന്നും പരാതിക്കാരന്‍ ആരോപിക്കുന്നു.
