സംസ്ഥാനത്തെ നിര്‍ഭയ ഹോമുകള്‍ പൂട്ടുന്നുവെന്ന ആരോപണം അടിസ്ഥാന രഹിതമാണെന്ന് വനിത – ശിശുവികസന വകുപ്പ് മന്ത്രി കെ കെ ശൈലജ അറിയിച്ചു.ഹോമുകളിലെ പഠിക്കുന്ന കുട്ടികളെ ഏകീകൃത കേന്ദ്രത്തിലേക്കാണ് മാറ്റുന്നുത്. 200 പേര്‍ക്ക് താമസിക്കാന്‍ കഴിയുന്ന മാതൃകാ ഹോമാണ് തൃശൂരില്‍ തയാറാക്കിയിട്ടുള്ളത്.കുട്ടികള്‍ക്കായി മികച്ച ശാസ്ത്രീയ സൗകര്യം ഒരുക്കുന്നതിന്‍്റെ ഭാഗമായാണ് തൃശൂരില്‍ പുതിയ മാതൃക ഹോം സ്ഥാപിച്ചതെന്നും മന്ത്രി പറ‍ഞ്ഞു.12 വയസിന് താഴെയുള്ളവര്‍ക്ക് എസ്.ഒ.എസ്., പഠിക്കുന്ന കുട്ടികള്‍ക്ക് തൃശൂര്‍ ഹോം എന്നിങ്ങനെ വിവിധ ഹോമുകളാണ് പ്രവര്‍ത്തിക്കുന്നത്.ജില്ലാ കേന്ദ്രങ്ങളെ എന്‍ട്രി ഹോമുകളാക്കി പരിമിതപ്പെടുത്തി പ്രാഥമിക നടപടികള്‍ക്ക് ശേഷം കുട്ടികളെ തൃശൂരിലേക്ക് മാറ്റാനാണ് തീരുമാനം.ജീവനക്കാരെ പുനര്‍വിന്യസിച്ച്‌ ഇതുവഴി 74 ലക്ഷം ലാഭിക്കാനാകുമെന്നാണ് വനിത- ശിശുവികസന വകുപ്പ് ഡയറക്ടറുടെ നിര്‍ദേശം.
