സാവോപോളോ: ലോകകപ്പ് യോഗ്യത റൗണ്ട് പോരാട്ടത്തില്‍ തുടര്‍ച്ചയായ മൂന്നാം ജയവുമായി ബ്രസീല്‍ ജൈത്രയാത്ര തുടരുന്നു. റോബര്‍ട്ടോ ഫിര്‍മിനോയുടെ ഏക ഗോള്‍ മികവില്‍ ബ്രസീല്‍ വെനിസ്വേലയെ 1-0ത്തിന് തോല്‍പിച്ചു.
നെയ്മറിെന്‍റ അഭാവത്തില്‍ ഇറങ്ങിയ ബ്രസീലിനായി 67ാം മിനിറ്റിലാണ് ലിവര്‍പൂള്‍ താരം ലക്ഷ്യം കണ്ടത്. ഇതോടെ ബദ്ധവൈരികളായ അര്‍ജന്‍റീനയേക്കാള്‍ രണ്ട് പോയന്‍റ് ലീഡുമായി ലാറ്റിനമേരിക്കയില്‍ ബ്രസീല്‍ ഒന്നാമന്‍മാരായി.
കഴിഞ്ഞ മത്സരത്തില്‍ പെറുവിനെ 4-2ന് തകര്‍ത്ത ടീമില്‍ നാല് മാറ്റങ്ങള്‍ വരുത്തിയാണ് ടിറ്റെ ടീമിനെ ഇറക്കിയത്. ഫിറ്റല്ലാത്ത നെയ്മര്‍, കാസ്മിറോ, ഫിലിപ് കൗടീനോ, വെവര്‍ടണ്‍ എന്നിവരെ പുറത്തിരുത്തയപ്പോള്‍ ഗബ്രിയേല്‍ ജീസസ്, അല്ലന്‍, എവര്‍ടണ്‍, എഡേഴ്സണ്‍ എന്നിവര്‍ ടീമിലെത്തി.ഇക്കഴിഞ്ഞ കോപ അമേരിക്കയില്‍ ഇരുവരും ഏറ്റുമുട്ടിയപ്പോള്‍ 0-0ത്തിന് സമനിലയില്‍ പിരിഞ്ഞിരുന്നു. മത്സരം തുടങ്ങി ഏഴുമിനിറ്റിനകം ബ്രസീല്‍ വലകുലുക്കിെയങ്കിലും ലൈന്‍ റഫറി കൊടി ഉയര്‍ത്തി. കോപ അമേരിക്ക ജേതാക്കള്‍ പന്തടക്കത്തില്‍ മേധാവിത്വം കാട്ടിയെങ്കിലും മികച്ച അവസരങ്ങള്‍ സൃഷ്ടിക്കുന്നതില്‍ പരാജിതരായി. ആദ്യ പകുതി അവസാനിക്കാനിരിക്കേ ജീസസിനൊരു അവസരം ലഭിച്ചെങ്കിലും മുതലെടുക്കാനായില്ല. മറുവശത്ത് വെനിസ്വേലയും ബ്രസീലിയന്‍ ഗോള്‍ കീപ്പര്‍ക്ക് കാര്യമായി വെല്ലുവിളി ഉയര്‍ത്തിയില്ല.
ആദ്യ പകുതി ഗോള്‍രഹിത സമനിലയില്‍ അവസാനിച്ചു. 67ാം മിനിറ്റില്‍ സഹതാരം ഹെഡ് ചെയ്ത് തന്ന പന്ത് ലക്ഷ്യം തെറ്റിക്കാതെ വലയിലാക്കിയാണ് ഫിര്‍മിനോ ടീമിന് വിലപ്പെട്ട മൂന്ന് പോയന്‍റ് സമ്മാനിച്ചത്. ബ്രസീല്‍ ആവശ്യപ്പെട്ട സമയത്തായിരുന്നു ഫിര്‍മിനോയുടെ ഗോള്‍. നാല് മത്സരങ്ങള്‍ക്ക് ശേഷം ആദ്യമായാണ് താരം വലകുലുക്കുന്നത്. ഒക്ടോബര്‍ ഒമ്ബതിന് ബൊളീവിയക്കെതിരായ മത്സരത്തില്‍ ഫിര്‍മിനോ ഇരട്ടഗോള്‍ നേടിയിരുന്നു.
ജയം സ്വന്തമാക്കിയെങ്കിലും കോച്ചിനെ തൃപ്തിപ്പെടുത്തുന്ന പ്രകടനമല്ല ബോയ്സിെന്‍റ ഭാഗത്ത് നിന്നുണ്ടായത്. കളിക്കളത്തില്‍ അലസരായി കാണപ്പെട്ട കാനറികളുടെ മുന്നേറ്റം പ്രവചിക്കാന്‍ സാധിക്കുന്ന തരത്തിലായിരുന്നു. സൂപ്പര്‍ താരങ്ങളുടെ അഭാവത്തിലും ജയിച്ചുകയറിയ ബ്രസീല്‍ അവസാനം കളിച്ച 20 ലോകകപ്പ് യോഗ്യത റൗണ്ട് മത്സരങ്ങളില്‍ തോല്‍വിയറിഞ്ഞിട്ടില്ല.
ചൊവ്വാഴ്ച മോണ്ടെവിഡിയോയില്‍ നടക്കുന്ന മത്സരത്തില്‍ കരുത്തരായ യുറുഗ്വായ് ആണ് ബ്രസീലിെന്‍റ എതിരാളി. അതേ ദിവസം വെനിസ്വേല ചിലെയെ നേരിടും.
