ഇന്ത്യന്‍ കൗണ്‍സില്‍ ഓഫ് മെഡിക്കല്‍ റിസര്‍ച്ചും (ഐ സി എം ആര്‍) സ്വകാര്യകമ്ബനിയായ ഭാരത് ബയോടെക്കും വികസിപ്പിക്കുന്ന കൊവിഡ് വാക്‌സിന്‍ ഫെബ്രുവരിയില്‍ തയ്യാറാകുമെന്ന് റിപ്പോര്‍ട്ട്. നേരത്തേ പ്രഖ്യാപിച്ചതിനേക്കാള്‍ ഒരു മാസം മുന്‍പ് വാക്‌സിന്‍ ലഭ്യമാകും. അവസാനഘട്ട പരീക്ഷണം ആരംഭിച്ചിട്ടുണ്ട്.ഇതുവരെയുള്ള പഠനമനുസരിച്ച്‌ ഈ വാക്‌സിന്‍ സുരക്ഷിതവും കാര്യക്ഷമവും ആണെന്നാണ് കണ്ടെത്തിയത്. കൊവാക്‌സിന്‍ എന്നാണ് ഇതിന്റെ പേര്. മികച്ച കാര്യക്ഷമതയാണ് കൊവാക്‌സിന്‍ പ്രകടിപ്പിക്കുന്നതെന്ന് ഐ സി എം ആര്‍ ശാസ്ത്രജ്ഞന്‍ രജ്‌നികാന്ത് പറഞ്ഞു.ഇന്ത്യയില്‍ നിര്‍മിച്ച ആദ്യ വാക്‌സിന്‍ ആണിത്. ഫെബ്രുവരിയില്‍ അല്ലെങ്കില്‍ മാര്‍ച്ചില്‍ വാക്‌സിന്‍ ലഭ്യമാക്കാനാകുമെന്നാണ് പ്രതീക്ഷിക്കുന്നത്. നേരത്തെ അടുത്ത വര്‍ഷം രണ്ടാം പകുതിയിലേ കൊവാക്‌സിന്‍ എത്തൂ എന്നായിരുന്നു വാര്‍ത്തകളുണ്ടായിരുന്നത്
