രാജ്യം ഉത്സവ സീസണിലേക്ക് കടക്കുന്നതിനിടെയാണ് 19 കിലോ വാണിജ്യ എൽപിജി സിലിണ്ടറുകളുടെ വിലയിൽ വർധനവുണ്ടായിരിക്കുന്നത്. വിവിധ നഗരങ്ങളിൽ വില വർധനവിൽ വ്യത്യാസമുണ്ട്. രാജ്യത്തെ പല നഗരങ്ങളിലും 19 കിലോയുടെ വാണിജ്യ സിലിണ്ടറുകളുടെ വിലയിൽ 60 രൂപയിലധികം വർധനവുണ്ടായിട്ടുണ്ട്. ഇത് ഹോട്ടലുകൾ, റെസ്റ്റോറന്റുകൾ, വഴിയോര ഭക്ഷണശാലകൾ, വാണിജ്യ ഗ്യാസിനെ ആശ്രയിക്കുന്ന മറ്റ് സ്ഥാപനങ്ങൾ എന്നിവയുടെ പ്രവർത്തനച്ചെലവ് വർധിപ്പിക്കാൻ ഇടയാക്കിയേക്കാം.
വിവിധ നഗരങ്ങളിൽ സിലിണ്ടർ വില വർധനവിൽ വ്യത്യാസമുണ്ട്. ഡൽഹിയിൽ 19 കിലോ വാണിജ്യ എൽപിജി സിലിണ്ടറിന് 62.50 രൂപ വർധിച്ച് വില 2,810 രൂപയായി. ഇന്ത്യൻ ഓയിലിന്റെ കണക്കുകൾ പ്രകാരം സെപ്റ്റംബറിൽ ഇതിന് 2,747.50 രൂപയായിരുന്നു വില. മുംബൈയിൽ വില 2,701 രൂപയിൽ നിന്ന് 2,764 രൂപയായി ഉയർന്നു (63 രൂപയുടെ വർധനവ്). ചെന്നൈയിൽ 2,916.50 രൂപയിൽ നിന്ന് 2,983 രൂപയായാണ് വില വർധിച്ചത് (66.50 രൂപയുടെ വർധനവ്). പട്നയിൽ 19 കിലോ വാണിജ്യ സിലിണ്ടറിന് 71.50 രൂപ കൂടി. വില 3,029 രൂപയിൽ നിന്ന് 3,100.50 രൂപയായി. ലഖ്‌നൗവിൽ വില 62.50 രൂപ വർധിച്ച് 2,932.50 രൂപയായി.
രാജ്യത്തിന്റെ മറ്റ് ഭാഗങ്ങളിലും വില വർധിച്ചിട്ടുണ്ട്. ലേയിൽ വാണിജ്യ സിലിണ്ടർ വില 3,385.50 രൂപയിൽ നിന്ന് 3,450 രൂപയായി ഉയർന്നപ്പോൾ തവാങ്ങിൽ വില 3,073.50 രൂപയായി. അഹമ്മദാബാദിൽ പുതിയ വില 2,831.50 രൂപയും കന്യാകുമാരിയിൽ 3,046 രൂപയുമാണ്. ഗാർഹിക എൽപിജി വിലയിൽ മാറ്റമില്ല.
14.2 കിലോഗ്രാം ഗാർഹിക എൽപിജി സിലിണ്ടറിന്റെ വിലയിൽ മാറ്റമൊന്നും വരുത്തിയിട്ടില്ല. ഡൽഹിയിൽ 942 രൂപയും മുംബൈയിൽ 941.50 രൂപയും ചെന്നൈയിൽ 957.50 രൂപയുമാണ് ഗാർഹിക സിലിണ്ടറിന്റെ നിലവിലെ വില. ലക്നൗവിൽ വില 979.50 രൂപയായും പട്നയിൽ 1,031.50 രൂപയായും തുടരുന്നു.
അന്താരാഷ്ട്ര എൽപിജി വിലനിലവാരവും കറൻസി മൂല്യത്തിലെ മാറ്റങ്ങളുമാണ് എൽപിജി വിലയെ സ്വാധീനിക്കുന്നത്. പെട്രോളിയം – പ്രകൃതിവാതക മന്ത്രാലയത്തിന് കീഴിലുള്ള പെട്രോളിയം പ്ലാനിങ് ആൻഡ് അനാലിസിസ് സെൽ ആണ് ഇന്ത്യയിലെ പെട്രോളിയം – എൽപിജി വിലകളെക്കുറിച്ചുള്ള വിവരങ്ങൾ കൈകാര്യം ചെയ്യുന്നത്.
