ബെംഗളൂരു: വിവിധ ആവശ്യങ്ങൾ ഉന്നയിച്ച് പണിമുടക്കിനൊരുങ്ങി ഇന്ത്യ മോട്ടോർ ട്രാൻസ്പോർട്ടേഴ്സ് അസോസിയേഷൻ (സിംറ്റ).
ചരക്ക് വാഹനങ്ങൾക്ക് നിർബന്ധിത വെഹിക്കിൾ ലൊക്കേഷൻ ട്രാക്കിങ് ഉപകരണം (വിഎൽടിഡി) നിർബന്ധമാക്കുന്നത് പിൻവലിക്കുക, വാഹൻ പോർട്ടലിലെ നിയന്ത്രണങ്ങൾ നീക്കം ചെയ്യുക എന്നിവയുൾപ്പെടെയുള്ള ആവശ്യങ്ങൾ കേന്ദ്ര – സംസ്ഥാന സർക്കാരുകൾ പരിഹരിക്കണമെന്ന ആവശ്യമാണ് സിംറ്റ മുന്നോട്ട് വെക്കുന്നത്. സർക്കാരുകളിൽ നിന്ന് അനുകൂല തീരുമാനം ഉണ്ടായില്ലെങ്കിൽ ജൂലൈ 20 മുതൽ ആറ് ദക്ഷിണേന്ത്യൻ സംസ്ഥാനങ്ങളിൽ മിന്നൽ പണിമുടക്ക് നടത്തുമെന്ന് സിംറ്റ മുന്നറിയിപ്പ് നൽകി.
ചരക്ക് വാഹനങ്ങൾക്കുള്ള നിർബന്ധിത വെഹിക്കിൾ ലൊക്കേഷൻ ട്രാക്കിങ് ഡിവൈസ് (വിഎൽടിഡി), പാനിക് ബട്ടൾ, സംസ്ഥാനങ്ങളുടെ അതിർത്തി ചെക്ക്പോസ്റ്റുകൾ നിർത്തലാക്കുക, ടോൾ വർധനവ് പിൻവലിക്കുക, എൻഫോഴ്സ്മെന്റ് ഏകപക്ഷീയമായി ഇ-ചലാൻ നൽകുന്നത് അവസാനിപ്പിക്കുക ഉൾപ്പെടെയുള്ള ആവശ്യങ്ങൾ ചൂണ്ടിക്കാട്ടിയാണ് സിംറ്റ മിന്നൽ പണിമുടക്കിനൊരുങ്ങുന്നതെന്ന്. ജൂലൈ ഇരുപതിനകം ആശങ്കകളും ആവശ്യങ്ങളും പരിഹരിച്ചില്ലെങ്കിൽ പണിമുടക്കിലേക്ക് കടക്കുമെന്ന് സിംറ്റ വ്യക്തമാക്കി. കർണാടക, ആന്ധ്രാ പ്രദേശ്, തെലങ്കാന, തമിഴ്നാട്, കേരളം, പുതുച്ചേരി എന്നിവിടങ്ങളിലെ ട്രാൻസ്പോർട്ട് ഓപ്പറേറ്റർമാരെ പ്രതിനിധീകരിക്കുന്ന അസോസിയേഷനാണ് സിംറ്റ.
എഐഎസ്-140 അനുസൃതമായ ട്രാക്കിങ് ഉപകരണങ്ങൾ ട്രക്ക് ഓപ്പറേറ്റർമാരെ സാമ്പത്തികമായി ബുദ്ധിമുട്ടിക്കുന്നുണ്ടെന്ന് സിംറ്റ ആരോപിച്ചു. ഈ ഉപകരണങ്ങൾക്ക് 14,000 മുതൽ 15,000 രൂപ വിലവരും, വാർഷിക പുതുക്കൽ ചാർജ് 8,000 മുതൽ 10,000 രൂപ വരെയാകും, ഫാസ്റ്റ് ടാഗ്, ജിപിഎസ് അധിഷ്ഠിത ഫ്ലീറ്റ് മാനേജ്മെന്റ് സംവിധാനങ്ങൾ വഴി ചരക്ക് വാഹനങ്ങൾ ഇതിനകം നിരീക്ഷിക്കുന്നുണ്ടെന്ന് വാദിക്കുമ്പോൾ അസോസിയേഷൻ പറഞ്ഞു.
വാഹൻ പോർട്ടലിൽ വിഎൽടിഡി അടിസ്ഥാനമാക്കിയുള്ള നിയന്ത്രണങ്ങൾ നീക്കം ചെയ്യണം. ചരക്ക് വാഹനങ്ങൾക്ക് വിഎൽടിഡി
നിർബന്ധമാക്കാതെ ദേശീയ പെർമിറ്റ് പുതുക്കൽ, ഫിറ്റ്നസ് സർട്ടിഫിക്കറ്റ് സേവനങ്ങൾ പുനഃസ്ഥാപിക്കണമെന്നും അസോസിയേഷൻ കേന്ദ്രത്തോട് ആവശ്യപ്പെട്ടു.
ഒരു പിഴവിന് ഒന്നിലധികം ചലാനുകൾ നൽകുന്നതിലൂടെ അധികൃതർ ഇ-ചലാൻ സംവിധാനം ദുരുപയോഗം ചെയ്യുന്നുണ്ടെന്നും പരാതി പരിഹാര സംവിധാനം നിലവിലില്ലെന്നും ഇത് വിവേചനരഹിതമായ പിഴ ഈടാക്കാൻ കാരണമാകുമെന്നും അസോസിയേഷൻ ജനറൽ സെക്രട്ടറി ജി.ആർ. ഷൺമുഖപ്പ ആരോപിച്ചു. നൈസ് റോഡ് ഉപയോഗിക്കുന്നതിന് നന്ദി ഇക്കണോമിക് കോറിഡോർ എന്റർപ്രൈസസ് ലിമിറ്റഡ് (നൈസ്) ഏർപ്പെടുത്തിയ ടോൾ ഫീസ് വർധനവ് പിൻവലിക്കണമെന്നും സിംറ്റ ആവശ്യപ്പെട്ടു.
നൈസ് റോഡ് ഉപയോഗിക്കുന്നതിന് അടുത്തിടെ 10 മുതൽ 15 ശതമാനം വരെ ടോൾ നിരക്ക് വർധനവ് ട്രക്ക് ഉടമകൾക്ക് അധിക ബാധ്യത വരുത്തിവച്ചിട്ടുണ്ട്. ഇന്ധനവും മറ്റ് ചെലവുകളും വർധിച്ചുകൊണ്ടിരിക്കുന്ന സമയമാണിത്. ട്രക്ക് ഡ്രൈവർമാർക്ക് അടിസ്ഥാന സൗകര്യങ്ങളും പാർക്കിങ് സൗകര്യങ്ങളും ഒരുക്കാതെ ടോൾ നിരക്കുകൾ വർധിപ്പിക്കുന്നത് തുടരുകയാണെന്ന് സിംറ്റ പറഞ്ഞു.
