പ്രധാന വാർത്തകൾ
ലോകത്ത് കൊറോണ ബാധിതർ ഇതുവരെ : 33,469,742
മരണമടഞ്ഞത് :1,004,620
ഇന്ത്യയിൽ വൈറസ് ബാധിതർ 24 മണിക്കൂറിനിടെ : 82,170
മരണമടഞ്ഞത് : 1039 പേർ
ആകെ രോഗം ബാധിച്ചവർ :6,137,941
ആകെ മരണ സംഖ്യ :96,275
സംസ്ഥാനത്ത് 4538 പേര്‍ക്ക് ഇന്നലെ കോവിഡ് സ്ഥിരീകരിച്ചു. ഇന്നലെ 20 മരണം ഉണ്ട്. ഇതോടെ സംസ്ഥാനത്ത് ആകെ മരണം 697 ആയി.ഇതില്‍ 3997 പേര്‍ക്ക് സമ്പര്‍ക്കത്തിലൂടെയാണ് രോഗം ബാധിച്ചത്. 249 പേരുടെ ഉറവിടം വ്യക്തമല്ല. 3347 പേര്‍ക്ക് രോഗമുക്തി ഉണ്ടായി. ആകെ 36000 ത്തിലധികം സാമ്പിളുകൾ മാത്രമാണ് ഇന്നലെ പരിശോധിച്ചത്.
പുതിയ രോഗികള്‍ ജില്ല തിരിച്ച്
തിരുവനന്തപുരം -486
കൊല്ലം -341
പത്തനംതിട്ട -38
ഇടുക്കി -114
കോട്ടയം – 213 .
ആലപ്പുഴ -249 .
എറണാകുളം -537 .
മലപ്പുറം -405 .
പാലക്കാട് -378 .
തൃശൂര്‍ -383 .
കണ്ണൂര്‍-310 .
വയനാട് -44 .
കോഴിക്കോട് -918 .
കാസര്‍കോട് -122 .
സംസ്ഥാനത്ത് രോഗവ്യാപനം രൂക്ഷമാകുന്ന സാഹചര്യത്തില്‍ മുഖ്യമന്ത്രി പിണറായി വിജയന്‍ സര്‍വ്വകക്ഷി യോഗം വിളിച്ചു. ഇന്ന് വൈകിട്ട് നാല് മണിക്കാണ് യോഗം ചേരുക
സംസ്ഥാന കോണ്‍ഗ്രസില്‍ കൂടിയാലോചന നടക്കുന്നില്ലെന്ന് കെ. മുരളീധരന്‍ എം.പി. പത്രത്തില്‍ വാര്‍ത്ത വരുന്നതിനാലാണ് വിവരങ്ങളറിയുന്നതെന്ന് െക.പി.സി.സി പ്രചാരണസമിതി ചെയര്‍മാന്‍ സ്ഥാനം രാജിവെച്ച മുരളീധരന്‍ പറഞ്ഞു
ലൈഫ് മിഷന്‍ അഴിമതിയില്‍ സി.ബി.െഎ വരുന്നുവെന്നറിഞ്ഞേതാടെ, വിജിലന്‍സ് അന്വേഷണം പ്രഖ്യാപിച്ച്‌ രാത്രിയില്‍തന്നെ സെക്രേട്ടറിയറ്റില്‍നിന്ന് ഫയലുകള്‍ കൊണ്ടുപോയത് ദുരൂഹമെന്ന് പ്രതിപക്ഷ നേതാവ് രമേശ് ചെന്നിത്തല
കേരളത്തില്‍ തീരദേശ നിയമം ലംഘിച്ച്‌ നിര്‍മിച്ച കെട്ടിടങ്ങള്‍ക്കെതിരേ എടുത്തിട്ടുള്ള നടപടികള്‍ വിശദീകരിക്കണമെന്നു സംസ്ഥാന സര്‍ക്കാരിനോടു സുപ്രീംകോടതി
മോറട്ടോറിയം കാലത്തെ വായ്പ തിരിച്ചടവിന്മേലുള്ള കൂട്ടുപലിശ ഒഴിവാക്കുന്ന കാര്യത്തില്‍ രണ്ടോ മൂന്നോ ദിവസത്തിനുള്ളില്‍ തീരുമാനം ഉണ്ടാകുമെന്ന് കേന്ദ്രസര്‍ക്കാര്‍.
അന്തരിച്ച ഗായകന്‍ എസ് പി ബാലസുബ്രഹ്മണ്യത്തിന് ഭാരതരത്‌ന നല്‍കണമെന്ന് ആവശ്യപ്പെട്ട് പ്രധാനമന്ത്രി നരേന്ദ്രമോദിക്ക് കത്തയച്ച്‌ ആന്ധ്രാപ്രദേശ് മുഖ്യമന്ത്രി ജഗന്‍ മോഹന്‍ റെഡ്‌ഡി.
നിശ്ചയിച്ച വിവാഹത്തില്‍നിന്ന് വരന്‍ പിന്മാറിയതിനെ തുടര്‍ന്ന് കൊട്ടിയത്ത് യുവതി ആത്മഹത്യ ചെയ്ത സംഭവത്തില്‍ സീരിയല്‍ നടിയെ അറസ്റ്റ് ചെയ്യുന്നത് ഒക്ടോബര്‍ ആറുവരെ വിലക്കി കോടതി ഉത്തരവ്
കര്‍ഷക ബില്ലുകള്‍ക്കെതിരെ നടത്തുന്ന പ്രതിഷേധത്തിന്റെ ഭാഗമായി യൂത്ത് കോണ്‍ഗ്രസ് പ്രവര്‍ത്തകര്‍ ഡല്‍ഹി ഇന്ത്യാ ഗേറ്റിന് സമീപം അതീവ സുരക്ഷാമേഖലയില്‍ ട്രാക്‌റ്റര്‍ കത്തിച്ചു
ലൈഫ് മിഷന്‍ പദ്ധതിയിലെ തട്ടിപ്പ് കേസില്‍ യുണിടാക് ബില്‍ഡേഴ്സ് എം.ഡി സന്തോഷ് ഇപ്പന്‍, കമ്ബനി ഡയറക്‌ടറും ഭാര്യയുമായ സീമ സന്തോഷ് എന്നിവരെ ചോദ്യംചെയ്‌തശേഷം സി.ബി.ഐ വിട്ടയച്ചു.
വടക്കാഞ്ചേരി ചരല്‍പ്പറമ്ബിലെ വിവാദ ലൈഫ് ഫ്ലാറ്റിന്റെ നിര്‍മ്മാണം നിറുത്തിവച്ചു. ജോലികള്‍ നിറുത്തിവയ്ക്കാന്‍ യൂണിടാക്ക് എം.ഡി നിര്‍ദ്ദേശിച്ചതായാണ് ജോലിക്കാര്‍ പറയുന്നത്. ഇതിനൊപ്പമുള്ള ആശുപത്രിയുടെ നിര്‍മ്മാണവും നിറുത്തി.
കാര്‍ഷിക ബില്ലില്‍ പ്രതിഷേധിച്ച്‌ ശിരോമണി അകാലിദള്‍ എന്‍.ഡി.എ വിട്ട സംഭവം നിരാശാജനകമെന്ന് പഞ്ചാബ് ബി.ജെ.പി അദ്ധ്യക്ഷന്‍ അശ്വനി ശര്‍മ്മ
സര്‍ക്കാരുകള്‍ തമ്മിലുള്ള പ്രതിരോധ ഇടപാടുകളില്‍ നിലവിലുള്ള ഓഫ്സെറ്റ് കരാര്‍ നിബന്ധന ഒഴിവാക്കി പ്രതിരോധ മന്ത്രാലയം.
ശബരിമല തീര്‍ഥാടനകാലത്ത് വെര്‍ച്വല്‍ ക്യൂ വഴി പരിമിതമായി തീര്‍ഥാടകരെ കടത്തിവിടാന്‍ ഉന്നതതല യോഗം തീരുമാനിച്ചതായി മുഖ്യമന്ത്രി പിണറായി വിജയന്‍ പത്രസമ്മേളനത്തില്‍ പറഞ്ഞു
സുപ്രീംകോടതി ഉത്തരവിനെത്തുടര്‍ന്നു പാലാരിവട്ടം മേല്‍പ്പാലം പൊളിച്ചുപണിയുന്നതിന്‍റെ ഭാഗമായുള്ള പ്രവൃത്തികള്‍ക്കു തുടക്കമായി.
സ്ത്രീകളെ യൂ ട്യൂബിലൂടെ അധിക്ഷേപിച്ച വെള്ളായണി കല്ലിയൂര്‍ സ്വദേശി വിജയ് പി. നായരെ പോലീസ് കസ്റ്റഡിയില്‍ എടുത്തു.
ഇടുക്കി ഡാം തുറക്കേണ്ട സാഹചര്യം നിലവിലില്ലെന്ന് വൈദ്യുതിമന്ത്രി എം.എം. മണി അറിയിച്ചു. മഴ കൂടിയാല്‍ ഡാം തുറന്നുവിടാനുള്ള നടപടികള്‍ സ്വീകരിക്കും എന്ന് മന്ത്രി പറഞ്ഞു.
പ്ളസ് വണ്‍ അലോട്ട്മെന്റില്‍ അപേക്ഷ നിരസിക്കപ്പെട്ടവര്‍ക്ക് സപ്ളിമെന്ററി അലോട്ട്മെന്റില്‍ വീണ്ടും അവസരം നല്‍കും
എംപ്ളോയീസ് പ്രൊവിഡന്റ് ഫണ്ട്(ഇ.പി.എഫ്) പദ്ധതിയില്‍ അംഗമാകാനുള്ള പരമാവധി ശമ്ബള പരിധി 15,000 രൂപയില്‍ നിന്ന് 25,000 രൂപയായി വര്‍ദ്ധിപ്പിച്ച്‌ അതിന്റെ അടിസ്ഥാനത്തില്‍ വിഹിതം വര്‍ദ്ധിപ്പിക്കണമെന്ന് ഇ.പി.എഫ്.ഒാര്‍ഗനൈസേഷന്‍ കേന്ദ്ര ട്രസ്‌റ്റി ബോര്‍ഡംഗങ്ങള്‍ തൊഴില്‍ മന്ത്രാലയത്തോട് ആവശ്യപ്പെട്ടു.
സംവിധായകന്‍ വിനയന്റെ വിലക്ക് നീക്കിയതിനെതിരെ ഫെഫ്‌ക നല്‍കിയ ഹര്‍ജി സുപ്രീംകോടതി തള്ളി
കേന്ദ്ര സര്‍ക്കാര്‍ കര്‍ഷകരെ കോര്‍പ്പറേറ്റുകള്‍ക്ക്‌ പണയം വച്ചെന്ന്‌ പ്രതിപക്ഷ നേതാവ് രമേശ് ചെന്നിത്തല.
വയനാട് ലക്കിടിയിലെ റിസോര്‍ട്ടില്‍ കഴിഞ്ഞ വര്‍ഷം മാര്‍ച്ചില്‍ മാവോവാദി സി.പി. ജലീലിനെ ഏറ്റുമുട്ടലില്‍ കൊലപ്പെടുത്തിയെന്ന പൊലീസ് വാദത്തിന് ഫോറന്‍സിക് റിപ്പോര്‍ട്ടില്‍ തിരിച്ചടി. ജലീലിെന്‍റ തോക്കില്‍നിന്ന് വെടിയുതിര്‍ത്തിട്ടില്ലെന്ന് വ്യക്തമാക്കുന്ന റിപ്പോര്‍ട്ട് പുറത്തുവന്നു.
ചൈനയുമായി അതിര്‍ത്തി സംഘര്‍ങ്ങളുടെ പശ്ചാത്തലത്തില്‍ 2290 കോടിയുടെ ആയുധങ്ങള്‍ വാങ്ങാന്‍ സായുധ സേനയക്ക് പ്രതിരോധ മന്ത്രാലയം അനുമതി നല്‍കി
നടന്‍ സുശാന്ത് സിംഗ് രജ്പുത്തിന്റെ മരണവുമായി ബന്ധപ്പെട്ട അന്വേഷണത്തില്‍ ഒരു സാധ്യതയും തള്ളിക്കളഞ്ഞിട്ടില്ലെന്ന് സി.ബി.ഐ. സുശാന്തിനെ കൊലപ്പെടുത്തിയതാണെന്ന വാദങ്ങള്‍ ഉയരുന്നതിനിടെയാണ് സി.ബി.ഐയുടെ പുതിയ വിശദീകരണം.
പാപ്പരത്ത നടപടികളുമായി മുന്നോട്ടുപോകുന്ന അനില്‍ അംബാനിക്കെതിരേ ചൈനീസ്‌ ബാങ്കുകള്‍ രംഗത്ത്‌. അംബാനിക്കു നല്‍കിയ 5,300 കോടി രൂപയുടെ വായ്പ തിരിച്ചുപിടിക്കാനാണ്‌ നീക്കം
മലപ്പുറത്ത് പൂര്‍ണഗര്‍ഭിണിയായ യുവതിക്കു ചികിത്സ നിഷേധിച്ച സംഭവവുമായി ബന്ധപ്പെട്ട്‌ മഞ്ചേരി മെഡിക്കല്‍ കോളജ്‌ സൂപ്രണ്ടിനും പ്രിന്‍സിപ്പലിനും കാരണംകാണിക്കല്‍ നോട്ടീസ്‌.
വിദേശ വാർത്തകൾ
രാജ്യത്ത് കൊവിഡ് വ്യാപനം രൂക്ഷമാകവെ ചൈനയില്‍ വ്യാപിച്ച ‘ക്യാറ്റ് ക്യൂ’ (Cat Que Virus – CQV) വൈറസിനെതിരെ മുന്നറിയിപ്പുമായി ഐസിഎംആര്‍
യൂറോപ്യന്‍ യൂണിയനില്‍നിന്നുള്ള കുടിയേറ്റം നിയന്ത്രിക്കണമെന്ന നിര്‍ദേശം സ്വിറ്റ്സര്‍ലന്‍ഡിലെ വോട്ടര്‍മാര്‍ ഹിതപരിശോധനയില്‍ തള്ളി.
ജനപ്രിയ വീഡിയോ ആപ്ലിക്കേഷന്‍ ടിക് ടോക്ക് ഡൗണ്‍ലോഡ് ചെയ്യുന്നത് നിരോധിച്ച ട്രംപിന്‍റെ ഉത്തരവ് യുഎസ് ഫെഡറല്‍ ജഡ്ജി ഞായറാഴ്ച തടഞ്ഞു.
യു.എ.ഇയുടെ ആദ്യ പരിസ്ഥിതിയധിഷ്ഠിത നാനോ ഉപഗ്രഹമായ മെസ്ന്‍സാറ്റ് വടക്കുപടിഞ്ഞാറന്‍ റഷ്യയിലെ പ്ലെസെറ്റ്സ്ക് ബഹിരാകാശ കേന്ദ്രത്തില്‍ നിന്നും തിങ്കളാഴ്‌ച ഉച്ചക്ക് 3.20 ന് വിജയകരമായി വിക്ഷേപണം നടത്തി
രാജ്യത്ത് ജനകീയ പ്രക്ഷോഭം ശക്തമായി തുടരുന്നതിനിടെ ബെലാറസ് പ്രസിഡന്റായി അലക്‌സാണ്ടര്‍ ലുകാഷെങ്കോ സത്യപ്രതിജ്ഞ ചെയ്തു വീണ്ടും അധികാരമേറ്റു.
അമേരിക്കന്‍ പ്രസിഡന്റ് തിരഞ്ഞെടുപ്പിന്റെ ഭാഗമായുള്ള ആദ്യ സ്ഥാനാര്‍ത്ഥി സംവാദം ഇന്ന് വൈകിട്ട് നടക്കും
മുന്‍കാല ബോളിവുഡ് താരങ്ങളായ രാജ് കപൂറും ദിലീപ് കുമാറും ജനിച്ചുവളര്‍ന്ന വീടുകള്‍ പാകിസ്ഥാനിലെ ഖൈബര്‍ പഖ്തൂന്‍ഖ്വ പ്രവിശ്യ ഭരണകൂടം ഏറ്റെടുക്കുന്നു. തകര്‍ച്ചയെ തുടര്‍ന്ന് പൊളിച്ചുമാറ്റല്‍ ഭീഷണി നേരിടുന്ന കെട്ടിടങ്ങള്‍ ഏറ്റെടുത്ത് ദേശീയ പൈതൃക കേന്ദ്രങ്ങളാക്കി മാറ്റാനാണ് തീരുമാനം
മെക്സിക്കോയില്‍ ബാറിലുണ്ടായ വെടിവയ്പില്‍ 11 പേര്‍ കൊല്ലപ്പെട്ടു. ഇതില്‍ നാല് പേര്‍ സ്ത്രീകളാണ്. മെക്സിക്കോയിലെ ഏറ്റവും അക്രമാസക്തമായ സംസ്ഥാനമായാണ് ഗ്വാന്‍ജുവാറ്റോ അറിയപ്പെടുന്നത്.
അര്‍മേനിയയും അസര്‍ബൈജാനും തമ്മില്‍ സൈനിക സംഘര്‍ഷം രൂക്ഷമായി. ഏറ്റമുട്ടലില്‍ 24 പേര്‍ കൊല്ലപ്പെടുകയും നൂറോളം പേര്‍ക്ക് പരിക്കേല്‍ക്കുകയും ചെയ്തു
കള്ളപ്പണം വെളുപ്പിക്കല്‍ കേസില്‍ പാകിസ്താന്‍ മുസ്ലിം ലീഗ് (എന്‍) പ്രസിഡന്റ ശഹബാസ് ശരീഫ് അറസ്റ്റില്‍. 700 കോടി പാകിസ്താന്‍ രൂപയുടെ കള്ളപ്പണം വെളുപ്പിക്കല്‍ േകസില്‍ ലാഹോര്‍ ഹൈകോടതി ജാമ്യം നിഷേധിച്ചതോടെയാണ് മുന്‍ പ്രധാനമന്ത്രി നവാസ് ശരീഫിെന്‍റ ഇളയ സഹോദരന്‍ ശഹബാസിനെ അറസ്റ്റ് ചെയ്തത്.
ഊര്‍ജ രംഗത്തെ സഹകരണം ശക്തിപ്പെടുത്താന്‍ ഖത്തറും ഇറാനും തമ്മില്‍ ധാരണയായെന്ന് ഇറാന്‍ വാര്‍ത്ത ഏജന്‍സി അറിയിച്ചു
കായിക വാർത്തകൾ
ഐ പി എല്ലിൽ മുംബെക്കെതിരെ ബാംഗ്ലൂരിന് സൂപ്പർ ഓവർ ജയം
ഇംഗ്ലീഷ് പ്രീമിയർ ലീഗിൽ ലിവർപൂൾ ആർസനലിനെ 3 – 1 ന് തോൽപ്പിച്ച് തങ്ങളുടെ മൂന്നാം ജയം സ്വന്തമാക്കി
ഫ്രഞ്ച് ഓപ്പണില്‍ ആദ്യ റൗണ്ട് മത്സരത്തില്‍ മുന്‍ ഗ്രാന്റ് സ്‌ലാം ജേതാവ് ആയ ക്രൊയേഷ്യന്‍ താരം മാരിന്‍ സിലിച്ചിനെ നേരിട്ടുള്ള സെറ്റുകള്‍ക്ക് തകര്‍ത്തു മൂന്നാം സീഡ് ഡൊമിനിക് തീം രണ്ടാം റൗണ്ടിലേക്ക് മുന്നേറി.
ഫ്രഞ്ച് ഓപ്പണ്‍ ടെന്നീസിന്‍റെ ആദ്യറൗണ്ടില്‍ രണ്ട് വന്പന്‍ പുറത്താകലുകള്‍. പുരുഷ സിംഗിള്‍സില്‍ ബ്രിട്ടന്‍റെ ആന്‍ഡി മുറെയും വനിതാ സിംഗിള്‍സില്‍ ഒന്പതാം സീഡായ ജൊഹാന കോന്‍റയും പുറത്തായി. ബ്രിട്ടീഷ് താരമായ കോന്‍റയെ അമേരിക്കയുടെ സീഡ് ചെയ്യപ്പെടാത്ത കൊക്കോ ഗഫ് 6-3, 6-3ന് അട്ടിമറിച്ചു.
