മുടിയുടെ തിളക്കം വർദ്ധിപ്പിക്കാനും കരുത്തുറ്റതാക്കാനും സഹായിക്കുന്ന ഈ പൂവ് വ്യത്യസ്ത തരത്തിൽ പരിചരണത്തിനായി ഉപയോഗിക്കാം
കേവലം ഒരു അലങ്കാരച്ചെടി എന്നതിലുപരി മുടിസംരക്ഷണത്തിന്റെ കാര്യത്തിൽ പകരം വെക്കാനില്ലാത്ത ഔഷധഗുണങ്ങളാണ് ചെമ്പരത്തിക്കുള്ളത്. ആയുർവേദ വിധിപ്രകാരം മുടിയുടെ വളർച്ചയ്ക്കും തലയോട്ടിയുടെ ആരോഗ്യത്തിനും ചെമ്പരത്തിയിലയും പൂവും ഒരുപോലെ ഫലപ്രദമാണ്. രാസവസ്തുക്കൾ അടങ്ങിയ ഷാംപൂക്കളും കണ്ടീഷണറുകളും വിപണി കീഴടക്കുന്ന ഈ കാലഘട്ടത്തിൽ, പാർശ്വഫലങ്ങളില്ലാത്ത പ്രകൃതിദത്തമായ ഒരു പരിഹാരം തേടുന്നവർക്ക് ചെമ്പരത്തി മികച്ചൊരു ബദലാണ്.
ചെമ്പരത്തിയിൽ അടങ്ങിയിരിക്കുന്ന വിറ്റാമിൻ സി, കാൽസ്യം, ഫോസ്ഫറസ്, അമിനോ ആസിഡുകൾ എന്നിവ മുടിവേരുകൾക്ക് ആവശ്യമായ പോഷണം നൽകുകയും മുടി കൊഴിച്ചിൽ തടയാൻ സഹായിക്കുകയും ചെയ്യുന്നു. മുടിക്ക് സ്വാഭാവികമായ കറുപ്പ് നിറം നൽകാനും അകാലനര തടയാനും ചെമ്പരത്തി എണ്ണയും താളിയും പണ്ടുകാലം മുതലേ നമ്മുടെ പൂർവ്വികർ ഉപയോഗിച്ചു പോന്നിരുന്നു.
ചെമ്പരത്തി താളി
ഏറ്റവും പ്രചാരമുള്ള രീതിയാണിത്. 8-10 ചെമ്പരത്തി ഇലകളും 4-5 പൂക്കളും അല്പം വെള്ളം ചേർത്ത് നന്നായി കൈകൊണ്ട് ഞെരടുകയോ മിക്സിയിൽ അടിക്കുകയോ ചെയ്യുക. ഈ കൊഴുപ്പുള്ള സത്ത് ഷാംപൂവിന് പകരം തലയിൽ തേച്ചുപിടിപ്പിച്ച് കഴുകിക്കളയാം. ഇത് മുടിയിലെ അഴുക്ക് നീക്കം ചെയ്യുകയും തലയോട്ടിക്ക് തണുപ്പ് നൽകുകയും ചെയ്യും.
ചെമ്പരത്തിയിൽ അടങ്ങിയിരിക്കുന്ന വിറ്റാമിൻ സി, കാൽസ്യം, ഫോസ്ഫറസ്, അമിനോ ആസിഡുകൾ എന്നിവ മുടിവേരുകൾക്ക് ആവശ്യമായ പോഷണം നൽകുകയും മുടി കൊഴിച്ചിൽ തടയാൻ സഹായിക്കുകയും ചെയ്യുന്നു. മുടിക്ക് സ്വാഭാവികമായ കറുപ്പ് നിറം നൽകാനും അകാലനര തടയാനും ചെമ്പരത്തി എണ്ണയും താളിയും പണ്ടുകാലം മുതലേ നമ്മുടെ പൂർവ്വികർ ഉപയോഗിച്ചു പോന്നിരുന്നു.
ചെമ്പരത്തി താളി
ഏറ്റവും പ്രചാരമുള്ള രീതിയാണിത്. 8-10 ചെമ്പരത്തി ഇലകളും 4-5 പൂക്കളും അല്പം വെള്ളം ചേർത്ത് നന്നായി കൈകൊണ്ട് ഞെരടുകയോ മിക്സിയിൽ അടിക്കുകയോ ചെയ്യുക. ഈ കൊഴുപ്പുള്ള സത്ത് ഷാംപൂവിന് പകരം തലയിൽ തേച്ചുപിടിപ്പിച്ച് കഴുകിക്കളയാം. ഇത് മുടിയിലെ അഴുക്ക് നീക്കം ചെയ്യുകയും തലയോട്ടിക്ക് തണുപ്പ് നൽകുകയും ചെയ്യും.
കണ്ടീഷ്ണറായി ഉപയോഗിക്കാം
ചെമ്പരത്തി പൂക്കൾ വെള്ളത്തിലിട്ട് തിളപ്പിച്ച് ആ വെള്ളം തണുത്ത ശേഷം മുടി കഴുകാൻ ഉപയോഗിക്കുന്നത് മുടിയിലെ കെട്ടുകൾ ഒഴിവാക്കാനും മൃദുത്വം നൽകാനും സഹായിക്കും.
കെമിക്കലുകൾ അടങ്ങിയ ഉൽപ്പന്നങ്ങൾക്ക് പകരം ആഴ്ചയിൽ രണ്ടുതവണ ചെമ്പരത്തി ഉപയോഗിക്കുന്നത് മുടിയുടെ സ്വാഭാവിക ഭംഗി നിലനിർത്താൻ സഹായിക്കും.
