സംസ്ഥാനത്ത് സ്വർണവില റെക്കോർഡ് നിരക്കിൽ. പവന് ഈ മാസത്തെ ഏറ്റവും ഉയർന്ന നിരക്കായ 66,720 രൂപ നൽകണം. ഗ്രാമിന് 8340 രൂപയിലെത്തി.
ഇന്നലെ സ്വർണവിലയിൽ 320 രൂപയുടെ വൻ വർദ്ധനവ് ഉണ്ടായിരുന്നു. ഇതോടെ പവന് വില 65,880 രൂപയിലെത്തിയിരുന്നു. സാമ്പത്തിക വർഷാവസാനവും ഏപ്രിലോടെ വിവാഹ സീസണും തുടങ്ങുന്നതിനാൽ സ്വർണവിലയിലെ ചാഞ്ചാട്ടങ്ങളെ ആശങ്കയോടെയാണ് ആഭരണപ്രേമികൾ കാണുന്നത്.
അതേസമയം വെള്ളി വില കുറഞ്ഞു. 110.90 രൂപയാണ് ഒരു ഗ്രാം വെള്ളിക്ക് നൽകേണ്ടത്. 1,10,900 രൂപയാണ് ഒരു കിലോ വെള്ളിയുടെ വില. രാജ്യാന്തര വിപണിയിലെ ചലനങ്ങൾക്ക് അനുസരിച്ചാണ് രാജ്യത്ത് സ്വർണവില നിശ്ചയിക്കപ്പെടുന്നത്. ഡോളർ – രൂപ വിനിമയ നിരക്ക്, ഇറക്കുമതി തീരുവ എന്നിവയും സ്വർണവിലയെ സ്വാധീനിക്കുന്ന ഘടകങ്ങളാണ്.
