തീയ്യേറ്ററുകളിലെ അതി ഗംഭീര പ്രകടനവുമായി മുന്നോട്ട് പോവുകയാണ് ആട് ജീവിതം. മികച്ച കളക്ഷനാണ് ഇതുവരെ ചിത്രം നേടിയത്. മലയാളത്തിൽ നിന്നു മാത്രം ചിത്രത്തിൻറെ 7-ദിവസത്തെ കളക്ഷൻ 38.13 കോടിയെന്ന് ബോക്സോഫീസ് കളക്ഷൻ ട്രാക്കറായ sacnilk.com പങ്കുവെച്ച റിപ്പോർട്ടിൽ പറയുന്നു.
ആദ്യ ദിനം മലയാളം ബോക്സോഫീസിൽ നിന്നും 6.55 കോടി നേടിയ ചിത്രം നാലാം ദിനം ക്ലോസിങ്ങ് കളക്ഷനായി നേടിയത് 7.6 കോടി രൂപയാണ്. ഹിന്ദിയിൽ നിന്നും 42 ലക്ഷം, തമിഴിൽ നിന്നും 3.36 കോടി, തെലുഗിൽ നിന്നും 1.75 കോടി, കന്നടയിൽ നിന്നും 26 ലക്ഷം എന്നിങ്ങനെയാണ് ഇതുവരെയുള്ള കണക്ക് (ഏഴ് ദിവസം).
ഇതുവരെ ചിത്രം നേടിയത് 81.1 കോടിയാണ്. ഇതിൽ ഇന്ത്യയിൽ നിന്ന് മാത്രം 43.92 കോടിയും, ഓവര്‍ സീസ് കളക്ഷനായി 35 കോടിയും, ഇന്ത്യ ഗ്രോസ് കളക്ഷനായി 46.1 കോടിയുമാണ് ചിത്രം നേടിയത്. 2008-ൽ ആണ് ആടുജീവിതവുമായി ബന്ധപ്പെട്ട ചർച്ചകളും പ്രരംഭ നടപടികളും ആരംഭിച്ചത്. 16 വർഷമാണ് ഇതിൻറെ അണിയറ പ്രവർത്തകർ ചിത്രത്തിനായി കാത്തിരുന്നത്. 2018-ൽ ചിത്രീകരണം ആരംഭിച്ച ആടുജീവിതം കോവിഡ് കാലത്ത് ചിത്രീകരണം നിർത്തിവച്ചു. ചിത്രത്തിന്റെ ഷൂട്ടിംഗ് 2023 ജൂലൈ 14-ന് ആണ് പൂർത്തിയായത്.
