ആലപ്പുഴ: ഭര്‍ത്താവിനൊപ്പം സ്‌കൂട്ടറില്‍ യാത്രചെയ്യവേ ലോറിയും സ്കൂട്ടറും കൂട്ടിയിടിച്ചു വീട്ടമ്മ മരിച്ചു. പൊന്നാംവെളി മുതിരുപറമ്ബില്‍ ശ്രീനിവാസ ഷേണായിയുടെ ഭാര്യ ജ്യോതി എന്ന 48കാരിയാണ് മരിച്ചത്.
ദേശീയപാതയില്‍ തുറവൂര്‍ ആലയ്ക്കാപറമ്ബില്‍ ശനിയാഴ്ച രാവിലെയായിരുന്നു അപകടം നടന്നത്. ശ്രീനിവാസ ഷേണായിയും ജ്യോതിയും സഞ്ചരിച്ചിരുന്ന സ്കൂട്ടര്‍, ലോറിയില്‍ തട്ടി നിയന്ത്രണം വിടുകയും ഇരുവരും റോഡിലേക്ക് തെറിച്ചു വീഴുകയുമായിരുന്നു. വീഴ്ചയില്‍ ലോറിക്കടിയില്‍പ്പെട്ട ജ്യോതി തല്‍ക്ഷണം മരിച്ചു. സംഭവത്തില്‍ കുത്തിയതോട് പൊലീസ് കേസെടുത്തു.എറണാകുളം ജില്ല കോടതിയില്‍ ജൂനിയര്‍ സൂപ്രണ്ടാണ് മരിച്ച ജ്യോതി.
