പ്രധാന വാർത്തകൾ
📰✍🏼 ലോകത്ത് ആകെ കൊറോണ ബാധിതർ : 55,912,871
മരണ സംഖ്യ : 1,342,598
📰✍🏼 ഇന്ത്യയിൽ 24 മണിക്കൂറിനിടെ 29,163 പേർക്ക് കൂടി രോഗ ബാധ , 449 മരണങ്ങൾ
📰✍🏼 കേരളത്തിൽ ഇന്നലെ 5792 പേര്‍ക്ക് കോവിഡ്-19 സ്ഥിരീകരിച്ചു.കഴിഞ്ഞ 24 മണിക്കൂറിനിടെ 56,157 സാമ്ബിളുകളാണ് പരിശോധിച്ചത്27 മരണങ്ങളാണ് ഇന്നലെ കോവിഡ്-19 മൂലമാണെന്ന് സ്ഥിരീകരിച്ചത്.ഇതോടെ ആകെ മരണം 1915 ആയി.4985 പേര്‍ക്ക് സമ്ബര്‍ക്കത്തിലൂടെയാണ് രോഗം ബാധിച്ചത്. 639 പേരുടെ സമ്ബര്‍ക്ക ഉറവിടം വ്യക്തമല്ല.രോഗം സ്ഥിരീകരിച്ച്‌ ചികിത്സയിലായിരുന്ന 6620 പേരുടെ പരിശോധനാഫലം നെഗറ്റീവ് ആയി.
📰✍🏼മലപ്പുറം 776, കൊല്ലം 682, തൃശൂര്‍ 667, കോഴിക്കോട് 644, എറണാകുളം 613, കോട്ടയം 429, തിരുവനന്തപുരം 391, പാലക്കാട് 380, ആലപ്പുഴ 364, കണ്ണൂര്‍ 335, പത്തനംതിട്ട 202, ഇടുക്കി 116, വയനാട് 97, കാസര്‍ഗോഡ് 96 എന്നിങ്ങനേയാണ് ജില്ലകളില്‍ ഇന്നലെ രോഗ ബാധ സ്ഥിരീകരിച്ചത്.
📰✍🏼സ്വര്‍ണക്കടത്ത് കേസില്‍ ആരോപണവിധേയനായ യുഎഇ കോണ്‍സുലേറ്റിലെ അറ്റാഷെ റാഷിദ് ഖമീസ് അലിയെ യുഎഇ വിദേശമന്ത്രാലയം പുറത്താക്കി.
📰✍🏼സംസ്ഥാനത്തു സിബിഐക്കു കേസ് അന്വേഷണത്തിനു നിയന്ത്രണമേര്‍പ്പെടുത്തി സംസ്ഥാന സര്‍ക്കാര്‍ വിജ്ഞാപനമിറക്കി. ഇനി സംസ്ഥാന സര്‍ക്കാരിന്‍റെ അനുമതിയോടെയോ അല്ലെങ്കില്‍ കോടതി ഉത്തരവ് പ്രകാരമോ മാത്രമേ സിബിഐക്ക് കേരളത്തില്‍ കേസുകള്‍ ഏറ്റെടുക്കാനും അന്വേഷണം നടത്താനും കഴിയൂ.
📰✍🏼കിഫ്ബിയുമായി ബന്ധപ്പെട്ട സിഎജിയുടെ അന്തിമ റിപ്പോര്‍ട്ട് പുറത്തു വിട്ടതില്‍ ചട്ടലംഘനമുണ്ടെന്നു സമ്മതിച്ച്‌ ധനമന്ത്രി ഡോ. തോമസ് ഐസക്.
📰✍🏼മൂന്നാം തരംഗത്തില്‍ കോവിഡ് നിയന്ത്രണാതീതമായി വര്‍ധിക്കുന്നതു കണക്കിലെടുത്ത് ഡല്‍ഹിയില്‍ നിയന്ത്രണങ്ങള്‍ കടുപ്പിച്ച്‌ സംസ്ഥാന സര്‍ക്കാര്‍.
📰✍🏼കേന്ദ്ര സര്‍ക്കാരിന്‍റെ ജനവിരുദ്ധ, തൊഴിലാളിവിരുദ്ധ, ദേശവിരുദ്ധ നയങ്ങള്‍ക്കെതിരെ ഈ മാസം 26നു പ്രഖ്യാപിച്ചിട്ടുള്ള പൊതുപണിമുടക്കില്‍ മാറ്റമില്ലെന്ന് സംയുക്ത ട്രേഡ് യൂണിയനുകള്‍ വ്യക്തമാക്കി.
📰✍🏼പെരിയ ഇരട്ടക്കൊലപാതക കേസില്‍ സിബിഐ അന്വേഷണം ചോദ്യം ചെയ്ത് സംസ്ഥാന സര്‍ക്കാര്‍ നല്‍കിയ ഹര്‍ജി സുപ്രീം കോടതി അടുത്താഴ്ച പരിഗണിക്കുന്നതിനായി മാറ്റി
📰✍🏼രാജ്യതലസ്ഥാനത്ത് വന്‍ ആക്രമണപദ്ധതിയിട്ട രണ്ട് ജയ്ഷെ മുഹമ്മദ് ഭീകരര്‍ ഡല്‍ഹി പോലീസിന്‍റെ പിടിയില്‍
📰✍🏼സ്വപ്ന സുരേഷിന്റെ ബാങ്ക് ലോക്കറില്‍നിന്ന് എന്‍ഐഎ പിടിച്ചെടുത്ത പണം ലൈഫ് മിഷന്‍ കരാറുകാരന്‍ നല്‍കിയ കമീഷനാണെന്ന ഇഡി വാദത്തില്‍ കൂടുതല്‍ അന്വേഷണം വേണമെന്ന് കോടതി.
📰✍🏼അഗസ്ത വെസ്റ്റ്ലാന്‍ഡ് ഹെലികോപ്റ്റര്‍ ഇടപാട് കോഴക്കേസില്‍ മുഖ്യപ്രതി രാജീവ് സക്സേനയെ മാപ്പുസാക്ഷിയാക്കണമെന്ന് എന്‍ഫോഴ്സ്മെന്റ് ഡയറക്ടറേറ്റ് സുപ്രീം കോടതിയില്‍
📰✍🏼വെഞ്ഞാറമൂട് ഇരട്ടക്കൊലപാതകക്കേസില്‍ രണ്ടു പ്രതികളുടെ ജാമ്യാപേക്ഷ ഹൈക്കോടതി തള്ളി .
📰✍🏼അഴിമതി കേസില്‍ പ്രിന്‍സിപ്പല്‍ സെക്രട്ടറി ബിശ്വനാഥ് സിന്‍ഹയ്ക്കെതിരേ തുടരന്വേഷണത്തിന് കോടതി ഉത്തരവിട്ടു
📰✍🏼ബെംഗളൂരു ലഹരിമരുന്ന് ഇടപാട് കേസുമായി ബന്ധപ്പെട്ട് ബിനീഷ് കോടിയേരിയെ നര്‍ക്കോട്ടിക്‌സ് ബ്യൂറോ കസ്റ്റഡിയിലെടുത്തു.
📰✍🏼ഭീകരതയെ പിന്തുണയ്ക്കുന്ന രാജ്യങ്ങളെ തുറന്നുകാട്ടപ്പെടണമെന്ന് ബ്രിക്സ് ഉച്ചകോടിയില്‍ പ്രധാനമന്ത്രി നരേന്ദ്ര മോദി.
📰✍🏼കേരള കോണ്‍ഗ്രസ്സ് (എം) ന്റെ ചിഹ്നമായ ‘രണ്ടില’ സംസ്ഥാന തിരഞ്ഞെടുപ്പ് കമ്മീഷന്‍ മരവിപ്പിച്ചു
📰✍🏼വരും ദിവസങ്ങളിലും സംസ്ഥാനത്ത് ഇടിയോട് കൂടിയ ശക്തമായ മഴയ്ക്ക് സാധ്യതയെന്ന് കാലാവസ്ഥ നിരീക്ഷണ കേന്ദ്രം മുന്നറിയിപ്പ് നല്‍കി .
📰✍🏼ശബരിമല മണ്ഡലകാല തീര്‍ഥാടനത്തിന് സ്പെഷ്യല്‍ സര്‍വ്വീസുകളുമായി കെ എസ് ആര്‍ ടി സി.
📰✍🏼കൊവിഡ് പ്രതിരോധപ്രവര്‍ത്തനത്തില്‍ ഉത്തര്‍പ്രദേശ് സര്‍ക്കാരിനെ പ്രശംസിച്ച്‌ ലോകാരോഗ്യസംഘടന
📰✍🏼ഡല്‍ഹി ജവഹര്‍ലാല്‍ നെഹ്റു സര്‍വകലാശാലയുടെ പേര് മാറ്റി സ്വാമി വിവേകാനന്ദന്‍റെ പേരിടണമെന്ന് ബി.ജെ.പി ആവശ്യം
📰✍🏼തബ്ലീഗ് സമ്മേളനവുമായി ബന്ധപ്പെട്ട് മാധ്യമ റിപ്പോര്‍ട്ടിങിനെതിരെയുള്ള കേസില്‍ കേന്ദ്രത്തിന്റെ സത്യവാങ്മൂലത്തില്‍ സുപ്രീം കോടതി കടുത്ത അതൃപ്തി രേഖപ്പെടുത്തി. ടിവി ചാനലുകളിലെ ഉള്ളടക്കം നിയന്ത്രിക്കുന്നതിന് റെഗുലേറ്ററി സംവിധാനം ഏര്‍പ്പെടുത്തുന്നത് സര്‍ക്കാര്‍ പരിഗണിക്കണമെന്ന് കോടതി പറഞ്ഞു.
📰✍🏼ലവ് ജിഹാദിനെതിരെ നിയമം നിര്‍മിക്കുമെന്ന മധ്യപ്രദേശ് സര്‍ക്കാര്‍ പ്രസ്താവനക്കെതിരെ വിമര്‍ശനവുമായി കോണ്‍ഗ്രസ് എം.പി ശശി തരൂര്‍
📰✍🏼സിബിഎസ്‌ഇ +1, +2 ക്ലാസുകളിലെ ബോര്‍ഡ് പരീക്ഷാ ഫീസ് ഒഴിവാക്കണമെന്ന പൊതുതാത്പര്യ ഹര്‍ജി സുപ്രിംകോടതി തള്ളി.
📰✍🏼ഇടതുപക്ഷ ജനാധിപത്യ മുന്നണിയെ തകര്‍ക്കാന്‍ ഭരണഘടനാ സ്ഥാപനങ്ങളെ വികൃതമാക്കുകയാണെന്ന് സിപിഎം നേതാവ് എം.എ ബേബി
✈️✈️✈️✈️✈️
വിദേശ വാർത്തകൾ
📰✈️തെരഞ്ഞെടുപ്പില്‍ തോറ്റിട്ടും അധികാരത്തില്‍ തുടരാന്‍ പഴുത് തേടുന്ന അമേരിക്കന്‍ പ്രസിഡന്റ് ഡോണള്‍ഡ് ട്രംപ് ഇറാനില്‍ ആക്രമണത്തിന് പദ്ധതിയിട്ടതായി റിപ്പോര്‍ട്ട്.
📰✈️പാകിസ്ഥാന്‍ സൈന്യത്തിലെ, വിശേഷിച്ച്‌ അതിന്റെ രഹസ്യാന്വേഷണ വിഭാഗത്തിലെ ചിലര്‍ താലിബാനുമായി ബന്ധം പുലര്‍ത്തിയിരുന്നു എന്നത് പരസ്യമായ രഹസ്യമാണെന്ന് മുന്‍ അമേരിക്കന്‍ പ്രസിഡന്റ് ബറാക് ഒബാമ.
📰✈️യുഎഇയില്‍ മാര്‍ച്ച്‌ ഒന്നിന് മുമ്ബ് വിസാ കാലാവധി കഴിഞ്ഞവര്‍ക്ക് പിഴയില്ലാതെ രാജ്യം വിടാനുള്ള സമയം ചൊവ്വാഴ്ച അവസാനിക്കാനിരിക്കെയാണ് സമയപരിധി ഈ വര്‍ഷം അവസാനം വരെ നീട്ടി
📰✈️പുനഃസംഘടനാ പ്രവര്‍ത്തനങ്ങളുടെ പുരോഗതി നിലച്ചതോടെ ഐക്യരാഷ്ട്ര സംഘടനാ സുരക്ഷാ സമിതി ‘കേടു ബാധിച്ച അവയവ’മായി മാറിയിരിക്കുകയാണെന്ന് ഇന്ത്യ.
📰✈️അമേരിക്കയിലെ നാലുസംസ്ഥാനങ്ങളില്‍ ഫൈസര്‍ കമ്ബനിയുടെ കൊവിഡ് പ്രതിരോധ വാക്സിന് ‘ബി.എന്‍.ടി162 ബി 2″ പ്രാരംഭ വിതരണ നടപടികള്‍ ആരംഭിച്ചു
📰✈️റഷ്യയുടെ സ്പുട്നിക് 5 കോവിഡ് പ്രതിരോധ വാക്സിന് ഇന്ത്യയില്‍ ഉത്പാദിപ്പിക്കുവാന്‍ ആലോചിക്കുന്നതായി റഷ്യന്‍ പ്രസിഡന്റ് വ്ളാദിമിര്‍ പുതിന്‍.
📰✈️ഇന്ത്യയ്ക്കെതിരെ ചൈന ലേസര്‍ ആയുധങ്ങള്‍ ഉപയോഗിച്ചതായി റിപ്പോര്‍ട്ട്. ലഡാക്കിലെ ഇന്ത്യന്‍ സൈനികര്‍ക്കെതിരെയാണ് ചൈനീസ് സെനികര്‍ ‘ലേസര്‍ ആയുധങ്ങള്‍’ പ്രയോഗിച്ചതെന്ന് വെളിപ്പെടുത്തല്‍ പുറത്തുവന്നിരിക്കുന്നത്
📰✈️ജനുവരിയില്‍ കോവിഡ് വാക്സിന് വിതരണം രാജ്യവ്യാപകമായി തുടങ്ങുമെന്ന് ഫ്രാന്‍സ്
📰✈️അമേരിക്കയില്‍ പുതിയ ഭരണകൂടം അധികാരത്തിലേറുന്നതിന് ഡോണള്‍ഡ് ട്രംപ് പ്രതിബന്ധം സൃഷ്ടിച്ചാല്‍ കോവിഡ് മൂലം കൂടുതല്‍ ആളുകള്‍ മരിച്ചുവീഴുമെന്ന് ജോ ബൈഡന്റെ മുന്നറിയിപ്പ്.
📰✈️ആഗോളതാപനം കൊറോണയെക്കാള്‍ ഭീകരമാണെന്ന് റെഡ് ക്രോസ്.
📰✈️ഭീകരതയെ പിന്തുണയ്ക്കുന്ന രാജ്യങ്ങളെ തുറന്നുകാട്ടപ്പെടണമെന്ന് ബ്രിക്സ് ഉച്ചകോടിയില്‍ പ്രധാനമന്ത്രി നരേന്ദ്ര മോദി.
🎖️🏑⚽🏸🥍🏏🎖️
കായിക വാർത്തകൾ
📰⚽ യുവേഫ നാഷൻസ് ലീഗ് : ജർമനിയെ 6 ഗോളിന് തോൽപ്പിച്ച് സ്പെയിൻ, ഫ്രാൻസ്, പോർച്ചുഗൽ , ലാത്വിയ, മോണ്ടിനെഗ്രോ ടീമുകൾക്കും ജയം
📰🏏കാളി പൂജയില്‍ പങ്കെടുത്ത ബംഗ്ലാദേശ്‌ ക്രിക്കറ്റ് താരം ഷാക്കിബ്‌ അല്‍ ഹസനെതിരേ വധഭീഷണി.
📰⚽ഇന്ത്യയില്‍ അടുത്ത വര്‍ഷം നടക്കാനിരുന്ന അണ്ടര്‍ 17 വനിതാ ലോകകപ്പ്‌ ഫുട്‌ബോള്‍ റദ്ദാക്കി. കോവിഡ്-19 വൈറസ്‌ മഹാമാരി മൂലമാണു ലോകകപ്പ്‌ ഉപേക്ഷിക്കുന്നതെന്നു ഫിഫ വ്യക്തമാക്കി.
📰🏏വെസ്റ്റ് ഇന്‍ഡീസിനെതിരേ 27ന് ആരംഭിക്കുന്ന ട്വന്‍റി-20 ക്രിക്കറ്റ് പരന്പരയ്ക്കുള്ള ന്യൂസിലന്‍ഡ് ടീമില്‍ ക്യാപ്റ്റന്‍ കെയ്ന്‍ വില്യംസണ്‍, പേസര്‍ ട്രെന്‍റ് ബോള്‍ട്ട് എന്നിവര്‍ ഇല്ല. വില്യംസണിന്‍റെ അഭാവത്തില്‍ ഫാസ്റ്റ് ബൗളര്‍ ടിം സൗത്തിയായിരിക്കും ടീമിനെ നയിക്കുക.
📰🥍എടിപി ഫൈനല്‍സില്‍ ഫ്രഞ്ച് ഓപ്പണ്‍ ചാംപ്യന്‍ റാഫേല്‍ നദാലിന് തോല്‍വി. ഡൊമിനിക് തീമിനെതിരായ മത്സരത്തില്‍ നേരിട്ടുള്ള സെറ്റുകള്‍ക്കായിരുന്നു നദാലിന്റെ തോല്‍വി.
📰🏏ഇന്ത്യ-ആസ്ട്രേലിയ ഒന്നാം ടെസ്റ്റ് വേദിയായ അഡ്ലെയ്ഡിലെ കോവിഡ് വ്യാപനം മത്സരത്തെ ബാധിക്കില്ലെന്ന് ക്രിക്കറ്റ് ആസ്ട്രേലിയ.
