പാലാ നഗരസഭയില് പ്രതിപക്ഷം കൊണ്ടുവന്ന അവിശ്വാസം പാസായി. ഇതോടെ നഗരസഭയില് യുഡിഎഫിന് അധികാരം നഷ്ടമായി. കോണ്ഗ്രസിലെ നാല് കൗണ്സിലര്മാര് അവിവിശ്വാസത്തെ പിന്തുണച്ചു. വൈസ് ചെയര്മാന് മായാ രാഹുലും അവിശ്വാസത്തെ അനുകൂലിച്ചു. മൂന്ന് ജോസഫ് ഗ്രൂപ്പ് കൗണ്സിലര്മാരും രണ്ട് കോണ്ഗ്രസ് കൗണ്സിലര്മാരും വിട്ടു നിന്നു. പുളിക്കകണ്ടത്തെ കൗണ്സിലര്മാരും യോഗത്തിന് എത്തിയില്ല.
അവിശ്വാസം പരാജയപ്പെടുത്താന് നിലവില് ഇടഞ്ഞു നില്ക്കുന്ന കോണ്ഗ്രസ് കൗണ്സിലര്മാര്ക്ക് ജില്ലാ നേതൃത്വം വിപ്പ് നല്കിയിരുന്നു. പുളിക്കകണ്ടം കൗണ്സിലര്മാരുമായി യോജിച്ച് പോകാന് സാധിക്കില്ലെന്ന ഉറച്ച നിലപാടിലായിരുന്നു കോണ്ഗ്രസ് കൗണ്സിലര്മാര്.
നാടകീയ രംഗങ്ങളാണ് പാലാ നഗരസഭയില് കഴിഞ്ഞ ഏതാനും മാസങ്ങളായി നടക്കുന്നത്. ഭരണപക്ഷത്തു തന്നെ പൊട്ടിത്തെറി ഉണ്ടായതിന്റെ പിന്നാലെയാണ് പ്രതിപക്ഷം അവിശ്വാസവും കൊണ്ടുവന്നത്.
