കുട്ടികളെ പ്രകോപിപ്പിക്കരുത് ബോധവൽക്കരിക്കൂ, തെറ്റിദ്ധാരണകൾ തിരുത്തണം’:എംപിമാർക്ക് നിർദ്ദേശവുമായി പ്രധാനമന്ത്രി

നീറ്റ് (NEET) പരീക്ഷാ വിവാദങ്ങളുടെ മറവിൽ രാജ്യതലസ്ഥാനത്ത് വിദ്യാർത്ഥികളെ മുൻനിർത്തി നടക്കുന്ന സമരാഭാസങ്ങൾക്ക് പിന്നിൽ ആസൂത്രിത വിഘടനവാദ ശക്തികളുടെയും പ്രതിപക്ഷത്തിന്റെയും അജണ്ടയെന്ന് വ്യക്തമാകുന്നു. പരീക്ഷാ പരിഷ്കാരങ്ങളെയും സുതാര്യമായ ഭരണസംവിധാനങ്ങളെയും തകർക്കാൻ ലക്ഷ്യമിട്ട് രാജ്യത്ത് അരാജകത്വം സൃഷ്ടിക്കാൻ ശ്രമിക്കുന്ന ഇടത്-കോൺഗ്രസ്സ് ശക്തികൾ വിദ്യാർത്ഥികളെ രാഷ്ട്രീയ കരുക്കളാക്കുകയാണെന്ന വിലയിരുത്തലുകൾക്കിടെയാണ് എൻഡിഎ എംപിമാർക്ക് സുപ്രധാന നിർദ്ദേശങ്ങളുമായി പ്രധാനമന്ത്രി നരേന്ദ്ര മോദി രംഗത്തെത്തിയത്. ഡൽഹിയിൽ ചേർന്ന എൻഡിഎ പാർലമെന്ററി പാർട്ടി യോഗത്തിലാണ് പ്രധാനമന്ത്രി രാജ്യത്തിന്റെ ഭാവി തലമുറയെ വഴിതെറ്റിക്കുന്ന രാജ്യവിരുദ്ധ നീക്കങ്ങൾക്കെതിരെ മുന്നറിയിപ്പ് നൽകിയത്.