കൊച്ചി: മധ്യപ്രദേശിലെ ജബല്‍പൂരിലെ കരസേനാ ആയുധശാലയിലേയ്ക്ക് ആയുധങ്ങളുമായി പോയ വാഹനം കൊച്ചിയില്‍ അപകടത്തില്‍പ്പെട്ടു. കുണ്ടന്നൂർ പാലത്തിൽവച്ച് വ്യാഴാഴ്ച പുലർച്ചെയായിരുന്നു സംഭവം. തുടർന്ന് വാഹനം കൊച്ചി നാവിക ആസ്ഥാനത്തേക്ക് മാറ്റി. അപകടത്തിൽ ആർക്കും പരിക്കില്ല. ലോറി പാലത്തിന്റെ കൈവരിയിൽ ഇടിച്ചു നിൽക്കുകയായിരുന്നു.
കൊച്ചി തുറമുഖത്തെത്തിച്ച ആയുധശേഖരം ജബൽപൂരിലെ സൈനിക ആസ്ഥാനത്തേക്ക് കൊണ്ടുപോകാനായിരുന്നു കരസേനയുടെ നീക്കം. എന്നാൽ കുണ്ടന്നൂർ പാലത്തിൽവച്ച് ലോറി അപകടത്തിൽപ്പെടുകയായിരുന്നു. സംഭവത്തെ തുടർന്ന് പോലീസും നാവികസേന ഉദ്യോഗസ്ഥരും സ്ഥലത്തെത്തി ആയുധങ്ങളടങ്ങിയ ലോറി നാവികസേന ആസ്ഥാനത്തേക്ക് മാറ്റി.
