നിതാ ലോകകപ്പില് കളിക്കുന്ന രണ്ട് ഓസ്ട്രേലിയന് വനിതാ താരങ്ങള്ക്കുനേരെ ലൈംഗികാതിക്രമം. മധ്യപ്രദേശ് ഇന്ഡോറിലെ കഫേയില് നിന്ന് ടീം താമസിക്കുന്ന ഹോട്ടലിലേക്ക് മടങ്ങുകയായിരുന്ന ഓസ്ട്രേലിയന് വനിത താരങ്ങളെൾക്കുനേരെയാണ് അതിക്രമം ഉണ്ടായത്. ഉടൻ തന്നെ പോലീസ് പ്രതിയെ അറസ്റ്റ് ചെയ്യുകയും ചെയ്തു. അഖീൽ ഖാൻ ആണ് അറസ്റ്റിലായിരിക്കുന്നത്.
ഹോട്ടൽ റാഡിസൺ ബ്ലൂവിൽ നിന്ന് ഒരു കഫേയിലേക്ക് പോകുകയായിരുന്ന രണ്ട് താരങ്ങളെ ബൈക്കിലെത്തിയ പ്രതി മോശമായി സ്പർശിക്കുകയായിരുന്നു. സംഭവം നടന്നയുടൻ ഓസ്ട്രേലിയൻ കളിക്കാർ ഉടൻ തന്നെ ഒരു SOS അയച്ചു. സുരക്ഷാ ഉദ്യോഗസ്ഥർ ഉടൻ തന്നെ സ്ഥലത്തെത്തി പ്രതിയായ അഖീൽ ഖാൻ അറസ്റ്റ് ചെയ്യുകയും ചെയ്തു. വിവരം ലഭിച്ചയുടൻ അസിസ്റ്റന്റ് പോലീസ് കമ്മീഷണർ ഹിമാനി മിശ്ര ഇരു കളിക്കാരെയും കണ്ട് മൊഴി രേഖപ്പെടുത്തി.
വഴിയാത്രക്കാരനായ ഒരാൾ പ്രതിയുടെ മോട്ടോർ സൈക്കിൾ നമ്പർ ശ്രദ്ധിച്ചതായും അതാണ് പ്രതിയായ അഖീൽ ഖാനെ അറസ്റ്റ് ചെയ്യുന്നതിലേക്ക് നയിച്ചതെന്നും ഹിമാനി പറഞ്ഞു. അഖീൽ ഖാനെതിരെ മുമ്പ് നിരവധി ക്രിമിനൽ കേസുകൾ നിലവിലുണ്ട്, അന്വേഷണം തുടരുകയാണ്.2025-ൽ ദക്ഷിണാഫ്രിക്കയ്ക്കെതിരായ വനിതാ ക്രിക്കറ്റ് ലോകകപ്പ് മത്സരത്തിന് മുന്നോടിയായിയാണ് സംഭവം നടക്കുന്നത്. ഓസ്ട്രേലിയയും ദക്ഷിണാഫ്രിക്കയും ഇതിനകം സെമി ഫൈനൽ സ്ഥാനം ഉറപ്പിച്ചു കഴിഞ്ഞു. ഈ മത്സരം വിജയിക്കുന്ന ടീം പോയിന്റ് പട്ടികയിൽ ഒന്നാമതെത്തിച്ചേരും. ദക്ഷിണാഫ്രിക്കയ്ക്കും ഓസ്ട്രേലിയയ്ക്കും പുറമേ, ഇന്ത്യയും ഇംഗ്ലണ്ടും സെമി ഫൈനലിന് യോഗ്യത നേടിയിട്ടുണ്ട്.
