മലപ്പുറത്ത് വീണ്ടും ശൈശവ വിവാഹശ്രമം. 14 വയസുള്ള പെൺകുട്ടിയുടെ വിവാഹം നടത്താൻ ശ്രമിച്ച വീട്ടുകാർക്കും വരനും വിവാഹനിശ്ചയത്തിൽ പങ്കെടുത്തവർക്കുമെതിരെ പോലീസ് കേസ് എടുത്തു.പ്രായപൂർത്തിയായ യുവാവാണ് പെൺകുട്ടിയെ വിവാഹം കഴിക്കാൻ തീരുമാനിച്ചത്. കുട്ടിയെ ചൈൽഡ് വെൽഫെയർ കമ്മിറ്റി ഏറ്റെടുത്തു. സംഭവത്തിൽ കേസെടുത്ത് ശക്തമായ നടപടി സ്വീകരിക്കുമെന്ന് പോലീസ് അറിയിച്ചു. വരനും വീട്ടുകാർക്കും വിവാഹനിശ്ചയത്തിൽ പങ്കെടുത്ത 11 പേർക്കും എതിരെയാണ് കേസ്.പെൺകുട്ടിയെ ശിശുക്ഷേമ സമിതിയിലേക്ക് മാറ്റിയിരിക്കുകയാണ്.
ഇന്നലെ വിവാഹ നിശ്ചയം നടക്കുന്നതറിഞ്ഞ് കാടാമ്പുഴ പൊലീസ് സ്ഥലത്തെത്തുകയായിരുന്നു. ഇതിനുമുൻപും മലപ്പുറത്ത് ശൈശവ വിവാഹം നടന്നതുമായി ബന്ധപ്പെട്ട് പൊലീസ് കേസെടുത്തിരുന്നു. അടുത്തകാലത്ത് ഇത്തരം സംഭവങ്ങളൊന്നും ജില്ലയിൽ റിപ്പോർട്ട് ചെയ്തിരുന്നില്ല. ഇതിനിടെയാണ് വീണ്ടും ശൈശവ വിവാഹത്തിന് നീക്കം നടന്നത്.പരിസരവാസികള് നൽകിയ വിവരത്തിന്റെ അടിസ്ഥാനത്തിലാണ് സംഭവം പുറത്തറിഞ്ഞത്.
പെൺകുട്ടിയെ പ്രായപൂര്ത്തിയായ യുവാവാണ് വിവാഹം കഴിക്കാൻ തീരുമാനിച്ചത്. സംഭവത്തിൽ ശക്തമായ നടപടിയുണ്ടാകുമെന്നും പോലീസ് അറിയിച്ചു.”പ്രായപൂർത്തിയാകാത്ത പെൺകുട്ടിയെ വിവാഹം കഴിപ്പിക്കാൻ കുടുംബം ശ്രമിച്ചതായി ഞങ്ങൾക്ക് വിവരം ലഭിച്ചു. പെൺകുട്ടിയും അവളെ വിവാഹം കഴിക്കാൻ പോകുന്ന പുരുഷനും ബന്ധുക്കളും ഒരേ കുടുംബത്തിൽ പെട്ടവരുമാണ്,” അദ്ദേഹം പറഞ്ഞു.
ചടങ്ങിന്റെ സമയത്ത് വീട്ടിൽ ഉണ്ടായിരുന്ന എല്ലാവരും കുടുംബാംഗങ്ങളാണെന്ന് ഉദ്യോഗസ്ഥൻ പറഞ്ഞു.വരനും ചടങ്ങിൽ പങ്കെടുത്ത മറ്റുള്ളവർക്കുമെതിരെ ശൈശവ വിവാഹ നിരോധന നിയമത്തിലെ സെക്ഷൻ 11 പ്രകാരം കേസ് രജിസ്റ്റർ ചെയ്തിട്ടുണ്ടെന്ന് അദ്ദേഹം കൂട്ടിച്ചേർത്തു. ശൈശവ വിവാഹങ്ങൾ പ്രോത്സാഹിപ്പിക്കുന്നതിനോ അനുവദിക്കുന്നതിനോ ആണ് സെക്ഷൻ 11-ൽ പരാമർശിക്കുന്നത്.
