തിങ്കളാഴ്ച മാൻഹട്ടനിലെ ഒരു വലിയ കെട്ടിടത്തിനുള്ളിൽ ഒരു തോക്കുധാരിയായ അക്രമി വെടിയുതിർത്തതിനെ തുടർന്ന് ന്യൂയോർക്ക് പോലീസ് ഉദ്യോഗസ്ഥൻ ഉൾപ്പെടെ നാല് പേർ കൊല്ലപ്പെടുകയും നിരവധി പേർക്ക് പരിക്കേൽക്കുകയും ചെയ്തു. ഷെയ്ൻ തമുറ എന്ന് നിയമപാലകർ തിരിച്ചറിഞ്ഞ 27 വയസ്സുള്ള പ്രതി സ്വയം വെടിവെച്ച് മരിച്ചു.
റൈഫിളുമായി തമുറ, ബ്ലാക്ക്സ്റ്റോൺ, കെപിഎംജി, ഡച്ച് ബാങ്ക്, എൻഎഫ്എൽ ആസ്ഥാനം തുടങ്ങിയ മുൻനിര കമ്പനികളുടെ ആസ്ഥാനമായ 44 നില കെട്ടിടത്തിലേക്ക് വൈകുന്നേരം 6:30 ഓടെ, റൈഫിളുമായി പ്രവേശിച്ച് വെടിവയ്പ്പ് ആരംഭിച്ചു.
345 പാർക്ക് അവന്യൂവിലെ കെട്ടിടത്തിന് പുറത്ത് നിന്നുള്ള നിരീക്ഷണ ദൃശ്യങ്ങളിൽ, തോക്കുധാരി സൺഗ്ലാസ് ധരിച്ച് ഒരു റൈഫിൾ കൈവശം വച്ചുകൊണ്ട് കെട്ടിടത്തിലേക്ക് നീങ്ങുന്നത് കാണിച്ചു.
“ഈ സമയത്ത്, സംഭവസ്ഥലം നിയന്ത്രണവിധേയമാക്കിയിട്ടുണ്ട്, ഏക വെടിവയ്പ്പുകാരനെ നിർവീര്യമാക്കിയിട്ടുണ്ട്,” ന്യൂയോർക്ക് പോലീസ് കമ്മീഷണർ ജെസീക്ക ഡിസ്ച്ച് എക്സിൽ സ്ഥിരീകരിച്ചു.
വൈകുന്നേരം 6.30 ഓടെയാണ് ന്യൂയോർക്ക് ഫയർ ഡിപ്പാർട്ട്മെന്റിന് വെടിവയ്പ്പിനെക്കുറിച്ച് ആദ്യം അറിയിപ്പ് ലഭിച്ചത്, തുടർന്ന് അടിയന്തര സംഘത്തെ പാർക്ക് അവന്യൂ ഓഫീസ് കെട്ടിടത്തിലേക്ക് അയച്ചു.
പാർക്ക് അവന്യൂവിനും ലെക്സിംഗ്ടൺ അവന്യൂവിനും ഇടയിലുള്ള ഈസ്റ്റ് 52 സ്ട്രീറ്റിന്റെ പരിസരം ഒഴിവാക്കാൻ NYPD യും മേയർ എറിക് ആഡംസും പൊതുജനങ്ങളോട് ആവശ്യപ്പെട്ടു.
ന്യൂയോർക്കിലെ ഏറ്റവും പഴക്കമേറിയതും വലുതുമായ റിയൽ എസ്റ്റേറ്റ് സ്ഥാപനങ്ങളിലൊന്നായ റൂഡിൻ മാനേജ്മെന്റിന്റെ ഉടമസ്ഥതയിലുള്ളതാണ് ഈ കെട്ടിടം. ന്യൂയോർക്ക് നഗരത്തിൽ ഏകദേശം 15 ദശലക്ഷം ചതുരശ്ര അടി വിസ്തൃതിയുള്ള ഓഫീസ് കെട്ടിടങ്ങളും റെസിഡൻഷ്യൽ ടവറുകളും സ്ഥാപനത്തിന് സ്വന്തമാണ്.
ആരാണ് ഷെയ്ൻ തമുറ?
വെടിയുതിർത്ത തോക്കുധാരി ലാസ് വെഗാസിൽ നിന്നുള്ള 27 വയസ്സുള്ള ഷെയ്ൻ തമുറയാണെന്ന് തിരിച്ചറിഞ്ഞിട്ടുണ്ട്. പാൽമെറ്റോ സ്റ്റേറ്റ് ആർമറി AR15 അസോൾട്ട് റൈഫിളുമായി തമുറ ലോബിയിലേക്ക് കയറിയ ശേഷം വെടിവയ്പ്പ് ആരംഭിച്ചു.
നെവാഡയിൽ രജിസ്റ്റർ ചെയ്തിട്ടുള്ള കാലഹരണപ്പെട്ട ഒരു സ്വകാര്യ അന്വേഷകന്റെ ലൈസൻസ് തമുറയ്ക്ക് ഉണ്ടെന്ന് നിയമ നിർവ്വഹണ വൃത്തങ്ങൾ പറഞ്ഞു. പ്രതിയുടെ പശ്ചാത്തലത്തെക്കുറിച്ചുള്ള പ്രാഥമിക പരിശോധനകളിൽ കാര്യമായ ക്രിമിനൽ ചരിത്രമൊന്നും കണ്ടെത്തിയിട്ടില്ല.
345 പാർക്ക് അവന്യൂവിലെ അംബരചുംബി കെട്ടിടത്തിൽ ലോകത്തിലെ ഏറ്റവും വലിയ ഹെഡ്ജ് ഫണ്ടായ ബ്ലാക്ക്സ്റ്റോൺ, കെപിഎംജി, ഡച്ച് ബാങ്ക് എന്നിവയുൾപ്പെടെ നിരവധി ധനകാര്യ സ്ഥാപനങ്ങളും എൻഎഫ്എൽ ആസ്ഥാനവും പ്രവർത്തിക്കുന്നു.
