മലപ്പുറം : വളാഞ്ചേരി നഗരസഭ ചെയർപേഴ്‌സന് കൊവിഡ് സ്ഥിരീകരിച്ചതിനെ തുടർന്ന് നഗരസഭ ഓഫിസ് താത്കാലികമായി അടച്ചു. നഗരസഭ സെക്രട്ടറി ഉൾപ്പെടെയുള്ള ജീവനക്കാർ നിരീക്ഷണത്തിൽ പ്രവേശിച്ചിട്ടുണ്ട്. ഓഫീസ് അണുനശീകരണം നടത്തിയ ശേഷം തുറക്കുന്നതാണ്.
ഈ മാസം പതിനാലാം തിയതിയാണ് ചെയർപേഴ്‌സൺ സി.കെ റുഫീന ടെസ്റ്റിന് വിധേയയായത്. വ്യാഴാഴ്ച വൈകീട്ട് ലഭിച്ച പരിശോധനാ ഫലത്തിലാണ് കൊവിഡ് പോസിറ്റീവ് സ്ഥിരീകരിച്ചത്. സമ്പർക്കത്തിലേർപ്പെട്ടവർ നിരീക്ഷണത്തിൽ പോകണമെന്ന് നിർദ്ദേശിച്ചിട്ടുണ്ട്.
