തമിഴ് ചലച്ചിത്ര സംവിധായകൻ വിക്രം സുഗുമാരൻ ഹൃദയാഘാതത്തെ തുടർന്ന് അന്തരിച്ചു. ശക്തമായ ഗ്രാമീണ ആഖ്യാനങ്ങൾക്കും റിയലിസ്റ്റിക് കഥപറച്ചിലിനും പേരുകേട്ട സിനിമകളുടെ ശില്പിയാണ്. മധുരയിൽ നിന്ന് ചെന്നൈയിലേക്കുള്ള ബസിൽ യാത്ര ചെയ്യുന്നതിനിടെയായിരുന്നു മരണം എന്ന് റിപ്പോർട്ട്. അദ്ദേഹത്തിന്റെ അകാല മരണവാർത്ത തമിഴ് ചലച്ചിത്ര മേഖലയെ ആകെ ഞെട്ടിച്ചു കഴിഞ്ഞു. വർഷങ്ങളായി അദ്ദേഹത്തോടൊപ്പം പ്രവർത്തിച്ച സുഹൃത്തുക്കളും സഹപ്രവർത്തകരും അന്തരിച്ച സംവിധായകനെ അനുസ്മരിച്ച് സോഷ്യൽ മീഡിയയിൽ ദുഃഖം രേഖപ്പെടുത്തി.
നടൻ ശാന്തു ഭാഗ്യരാജ് വിക്രമിനൊപ്പമുള്ള ചിത്രങ്ങൾ പങ്കുവെക്കുകയും എക്‌സിൽ ഒരു ഹൃദയസ്പർശിയായ സന്ദേശം എഴുതുകയും ചെയ്തു.
ഗ്രാമീണ ജീവിതത്തിന്റെയും, സങ്കീർണ്ണമായ സാമൂഹിക പ്രമേയങ്ങളുടെയും ആധികാരികമായ ചിത്രീകരണത്തിലൂടെ ശ്രദ്ധേയനായ തമിഴ് ചലച്ചിത്ര സംവിധായകനും തിരക്കഥാകൃത്തുമാണ് വിക്രം സുഗുമാരൻ. തമിഴ്‌നാട്ടിലെ ജാതി അടിസ്ഥാനമാക്കിയുള്ള സംഘർഷങ്ങളുടെ ചിത്രീകരണത്തിന് അംഗീകാരം നേടിയ ‘മധയാനൈ കൂട്ടം’ (2013) എന്ന ചിത്രത്തിലൂടെയാണ് അദ്ദേഹം ശക്തമായ അരങ്ങേറ്റം കുറിച്ചത്.സംവിധായകനാകുന്നതിന് മുമ്പ് ബാലു മഹേന്ദ്രയുടെ കീഴിൽ അദ്ദേഹം തന്റെ കഴിവുകൾ മെച്ചപ്പെടുത്തി.
സുബ്രഹ്മണ്യപുരം (2008) എന്ന ചിത്രത്തിലും സംഭാഷണ രചയിതാവായി പ്രവർത്തിച്ചു. തമിഴ് സിനിമാ മേഖലയിൽ വേരൂന്നിയതും സാമൂഹികമായി പ്രസക്തവുമായ കഥകൾ പറയാനുള്ള പ്രതിബദ്ധത, യാഥാർത്ഥ്യബോധം, സാമൂഹിക പ്രസക്തമായ കഥകൾ പറയാനുള്ള പ്രതിബദ്ധത എന്നിവയാണ് വിക്രമിന്റെ സൃഷ്‌ടികളുടെ പ്രത്യേകതകൾ.
മലകയറ്റത്തെ കേന്ദ്രീകരിച്ചുള്ള ‘തെരം ബോറം’ എന്ന ചിത്രത്തിലും വിക്രം പ്രവർത്തിച്ചിരുന്നു. തന്റെ പതിവ് ഗ്രാമാധിഷ്ഠിത ആഖ്യാനങ്ങളിൽ നിന്ന് വ്യത്യസ്തമായ ഒരു പ്രമേയമായിരുന്നു ഈ ചിത്രത്തിന്.
ഒരു ചെറിയ ഇടവേളയ്ക്ക് ശേഷം, 2023 ൽ ശന്തനു, ആനന്ദി, പ്രഭു, ഇളവരശ് എന്നിവർ അഭിനയിച്ച രാവണ കോട്ടം എന്ന ചിത്രത്തിലൂടെ അദ്ദേഹം തിരിച്ചെത്തി. അഭിനേതാക്കൾ പ്രതീക്ഷ നൽകുന്നതായിരുന്നെങ്കിലും, ചിത്രം ബോക്‌സ് ഓഫീസിൽ മികച്ച പ്രകടനം കാഴ്ചവച്ചില്ല.
