ദമാസ്കസ്: സിറിയയിലെ ദെയർഎസ്സോറിലുണ്ടായ ബോംബ് സ്ഫോടനത്തിൽ റഷ്യൻ ജനറൽ കൊല്ലപ്പെട്ടു. റഷ്യൻ മേജർ ജനറലും സംഘവും സഞ്ചരിച്ച വാഹനത്തിലാണ് സ്ഫോടനം ഉണ്ടായത്. ദെയർഎസ്സോറിൽ നിന്ന് 15 കിലോമീറ്റർ അകലെയുള്ള അതൈം എണ്ണപ്പാടത്തിനു സമീപത്തുവച്ചാണ് വാഹനം സ്ഫോടനത്തിനിരയായത്.
സംഭവത്തിൽ മൂന്ന് റഷ്യൻ സൈനികർക്ക് പരിക്കേൽക്കുകയും ചെയ്തു. പരിക്കേറ്റ സൈനികരെ ആശുപത്രിയിൽ പ്രവേശിപ്പിച്ചു.
