‘അരിക്’ എന്ന ചിത്രത്തിന്റെ ടീസർ പുറത്തിറക്കി.

കേരള ചലച്ചിത്ര വികസന കോർപ്പറേഷൻ നിർമ്മിച്ച് വി.എസ്. സനോജ് സംവിധാനം ചെയ്യുന്ന ‘അരിക്’ (Ariku movie ) എന്ന ചിത്രത്തിന്റെ ടീസർ പുറത്തിറക്കി. 1960കളിൽ തുടങ്ങി ഇന്നത്തെ കാലഘട്ടം വരെ ഒരു തൊഴിലാളിയുടെ ജീവതത്തിലൂടെ നടത്തുന്ന യാത്രയാണ് അരിക്.

സെന്തിൽ കൃഷ്ണ, ഇർഷാദ് അലി എന്നിവർ അച്ഛനും മകനുമാകുന്ന ചിത്രത്തിൽ ധന്യ അനന്യ, റോണി ഡേവിഡ് രാജ്, ശാന്തി ബാലചന്ദ്രൻ, സിജി പ്രദീപ് എന്നിവരും പ്രധാന വേഷത്തിലെത്തുന്നു. സൈന മൂവീസിന്റെ ചാനൽ വഴിയാണ് ടീസർ പുറത്തിറക്കിയത്. നിരവധി സിനിമാ പ്രവർത്തകർ ടീസർ പങ്കുവച്ചു.

1964ൽ കമ്യൂണിസ്റ്റ് പാർട്ടി പിളർന്ന സമയത്താണ് കോരൻ എന്ന തൊഴിലാളിയുടെ മകനായി ശങ്കരൻ ജനിക്കുന്നത്. പിന്നീട് അയാളുടെ ജീവിതത്തിലൂടെയാണ് അരിക് സഞ്ചരിക്കുന്നത്. ശങ്കരന്റെ മകൾ ശിഖയുടെ ജീവിത വിജയത്തിലൂടെ ഈ യാത്ര പൂർണ്ണമാകുന്നു.