സിപിസിബിയുടെ കണക്കുകൾ പ്രകാരം ഡൽഹിയിലെ ശരാശരി മലിനീകരണ നിരക്ക് 359 ആയി ഉയർന്നു. സിപിസിബി (സെൻട്രൽ പൊല്യൂഷൻ കൺട്രോൾ ബോർഡ്) പറയുന്നതനുസരിച്ച്, ഡൽഹിയിലെ വിവിധ സ്ഥലങ്ങളിൽ രാവിലെ ആറ് മണി വരെ വായു ഗുണനിലവാര സൂചിക (എക്യുഐ) നില വളരെ മോശമായിരുന്നു. അശോക് വിഹാര്‍, അയ നഗര്‍, ബവാന, ബുരാരി, ദ്വാരക, ആര്‍ കെ പുരം തുടങ്ങിയ പ്രദേശങ്ങളിലും വായു ഗുണനിലവാരം മോശമായി തുടരുന്നതില്‍ ആശങ്കയിലാണ് പ്രദേശവാസികള്‍.
ദീപാവലിയോടനുബന്ധിച്ച് പടക്കം പൊട്ടിക്കല്‍, കരിമരുന്ന് പ്രയോഗം എന്നിവയുണ്ടായാതാണ് ഗുണ നിലവാരം ഗുരുതമാകാന്‍ കാരണമെന്നാണ് നിഗമനം. ഡൽഹിയിൽ പലയിടത്തും PM 2.5 ൻ്റെ അളവ് നിശ്ചിത പരിധി കവിഞ്ഞു. വെള്ളിയാഴ്ച രാവിലെ ആറിന് ഡൽഹിയിലെ നെഹ്‌റു നഗർ, പട്‌പർഗഞ്ച്, അശോക് വിഹാർ, ഓഖ്‌ല എന്നിവിടങ്ങളിൽ എക്യുഐ നില 350-നും 400-നും ഇടയിലായിരുന്നു.
അലിപ്പൂരിൽ 350, ആനന്ദ് വിഹാറിൽ 396, അശോക് വിഹാറിൽ 384, അയ നഗറിൽ 352, ബവാനയിൽ 388, ചാന്ദ്‌നി ചൗക്ക് 336. ദിൽഷാദ് ഗാർഡൻ 257, നോർത്ത് കാമ്പസ് 390, പഞ്ചാബി ബാഗ് 391, സോണിയ വിഹാർ 392, നഗറൊബിൻഡോ 392, എ. നരേലയിൽ 375, ജവഹർലാൽ നെഹ്‌റുവിൽ 288, ലോധി റോഡ് 352, ദ്വാരക 349, ബുരാരി ക്രോസിംഗ് 394, ഐജിഐ എയർപോർട്ട് എന്നിവിടങ്ങളിൽ എയർ ക്വാളിറ്റി ഇൻഡക്‌സ് (എക്യുഐ) രേഖപ്പെടുത്തിയിട്ടുണ്ട്.
