നിപ സ്ഥിരീകരിച്ചതിന് പിന്നാലെ എംപോക്സ് വെെറസും ആയതോടെ മലപ്പുറം ജില്ലയിൽ നിയന്ത്രണം കർശനമാക്കുകയാണ് ആരോഗ്യ വകുപ്പ്.
എംപോക്സ് സ്ഥിരീകരിച്ച യുവാവിൻ്റെ സമ്പർക്ക പട്ടികയും, ഇയാൾ സഞ്ചരിച്ച റൂട്ട് മാപ്പും ആരോഗ്യവകുപ്പ് ഉടൻ തയാറാക്കി പുറത്തുവിടും. ഇയാളുമായി അടുത്തിടപഴുകിയവരിൽ രോഗലക്ഷണങ്ങളുള്ളവരുടെ സ്രവം ഉടൻ തന്നെ പരിശോധിക്കും.
രോഗബാധിതനായ യുവാവ് മഞ്ചേരി മെഡിക്കൽ കോളേജിൽ ചികിത്സയിലാണ്. ഇയാളുടെ ആരോഗ്യനില തൃപ്തികരമാണെന്ന് അധികൃതർ അറിയിച്ചു.
മലപ്പുറത്ത് നിപ ബാധിച്ച് മരിച്ച യുവാവിന്റെ കൂടെ ആശുപത്രിയില്‍ പരിചരിക്കാൻ കൂടെയുണ്ടായിരുന്ന അടുത്ത ബന്ധുക്കളും ചികിത്സിച്ച ഡോക്ടറും ഉള്‍പ്പെടെയുള്ളവരുടെ ഫലം ഇന്നലെ നെഗറ്റീവായി. 10 പേരുടെ പരിശോധനാ ഫലങ്ങളാണ് നെഗറ്റീവായത്.
ഇതുവരെ പരിശോധിച്ച 26 പേരുടെ പരിശോധനാ ഫലവും നെഗറ്റീവായതിൻ്റെ ആശ്വാസത്തിലാണ് സംസ്ഥാനം.
പക്ഷേ സമ്പർക്ക പട്ടികയിലെ ആളുകളുടെ എണ്ണം 266 ആയി ഉയർന്നു.
നിപ കണ്ടെയ്‌മെൻ്റ് സോണിലും നിയന്ത്രണം തുടരുകയാണ്.
