മുൻ രാഷ്‌ട്രപതി പ്രണബ് മുഖർജിക്ക് തലച്ചോറിൽ ശസ്ത്രക്രിയ നടത്തി. രക്തം കട്ടപിടിച്ചത് വിജയകരമായി നീക്കി. ശസ്ത്രക്രിയക്ക് ശേഷം വെന്റിലേറ്ററിലേക്ക് മാറ്റിയെന്നും റിപ്പോർട്ട്.
ശസ്ത്രക്രിയക്ക് മുന്നോടിയായി നടന്ന പരിശോധനയിൽ മുൻ രാഷ്ട്രപതിക്ക് കോവിഡ് സ്ഥിരീകരിച്ചിരുന്നു. ഡൽഹിയിലെ റിസർച്ച് ആൻഡ് റഫറൽ സൈനിക ആശുപത്രിയിലാണ് പ്രണബ് മുഖർജി ചികിൽസയിൽ കഴിയുന്നത്.
പ്രതിരോധ മന്ത്രി രാജ്‌നാഥ് സിംഗ് ആശുപത്രിയിലെത്തി ആരോഗ്യനില വിലയിരുത്തി. പ്രണബ് മുഖർജിക്ക് അസുഖം വേഗം ഭേദമാകട്ടെ എന്ന് രാഹുൽ ഗാന്ധി ആശംസിച്ചു.
