മേടം (അശ്വതി, ഭരണി, കാർത്തിക ¼)
ജീവിതത്തിൽ ചില നല്ല മാറ്റങ്ങൾ കൊണ്ടുവരാൻ ശ്രമം നടത്തും. തൊഴിൽ രംഗത്തും ചില മാറ്റങ്ങൾ ഉണ്ടാകാൻ സാധ്യതയുണ്ട്. സർക്കാർ സംബന്ധമായ ചില കാര്യങ്ങൾ നിങ്ങൾക്ക് ഗുണം ചെയ്യില്ല. ആത്മധൈര്യം കുറയ്ക്കുന്ന സംഭവങ്ങൾ ഉണ്ടാകാനിടയുണ്ട്. സഹോദരങ്ങളുടെ ഉപദേശം നിങ്ങൾക്കിന്ന് ഗുണം ചെയ്യും. ബന്ധുക്കളുമായി ഇടപെടുമ്പോൾ ശ്രദ്ധിക്കണം, ഇല്ലെങ്കിൽ പ്രശ്നങ്ങൾക്ക് സാധ്യതയുണ്ട്. ഇത് ബന്ധങ്ങൾ വഷളാക്കാനും കാരണമാകും. സന്താനങ്ങളുടെ ഭാവിയുടെ ബന്ധപ്പെട്ട് ആശങ്ക നിലനിൽക്കും.
ഇടവം (കാർത്തിക ¾, രോഹിണി, മകയിരം ½)
തൊഴിൽ രംഗത്ത് നിരാശാജനകമായ സാഹചര്യങ്ങൾ ഉണ്ടായേക്കും. ഇത്തരം സാഹചര്യങ്ങളെ മറികടക്കാൻ കഠിന പ്രയത്നം ചെയ്യേണ്ടി വരും. ഇന്ന് സാമ്പത്തിക പ്രതിസന്ധി നേരിടാനിടയുണ്ട്. എന്നാൽ ഈ ബുദ്ധിമുട്ട് അധികനാൾ ഉണ്ടാകില്ല. അയൽക്കാരുമായി വഴക്കിലോ വാഗ്വാദത്തിലോ ഏർപ്പെടുന്നത് ഒഴിവാക്കണം. ചില കാര്യങ്ങൾ ചെയ്യാൻ മറ്റുള്ളവരുടെ സഹായം വേണ്ടി വരും. ഇന്ന് നിങ്ങളുടെ ആരോഗ്യ കാര്യത്തിൽ പ്രത്യേകം ശ്രദ്ധിക്കേണ്ടതുണ്ട്.
മിഥുനം (മകയിരം ½, തിരുവാതിര, പുണർതം ¾)
ഇന്ന് നിങ്ങളുടെ എതിരാളികൾ കൂടുതൽ ശക്തരായിരിക്കും. ഇത്തരക്കാർ നിങ്ങളുടെ ജോലിയിൽ തടസ്സങ്ങൾ സൃഷിടിക്കും. അതല്ലെങ്കിൽ ചില ഊഹാപോഹങ്ങൾ സൃഷ്ടിച്ച് നിങ്ങളെ ലക്ഷ്യത്തിൽ നിന്നകറ്റും. ഇത് നിങ്ങളിൽ ഉത്സാഹം കുറയുന്നതിനും കാരണമാകും. മറ്റുള്ളവർ നിങ്ങളെ മുതലെടുക്കുന്ന സാഹചര്യങ്ങൾ ഒഴിവാക്കണം. ഇന്ന് കുടുംബത്തിൽ ചില ആഘോഷങ്ങൾ നടക്കാനിടയുണ്ട്. അതിനാൽ കുടുംബാംഗങ്ങൾ എല്ലാം തിരക്കിലായിരിക്കും. വൈകുന്നേരത്തോടെ എവിടെ നിന്നെങ്കിലും സാമ്പത്തിക നേട്ടത്തിന് സാധ്യതയുണ്ട്.
കർക്കടകം (പുണർതം ¼, പൂയം, ആയില്യം)
ബിസിനസിൽ പുരോഗതി ഉണ്ടാക്കാൻ സഹായിക്കുന്ന മികച്ച അവസരങ്ങൾ ലഭിക്കും. സാമ്പത്തിക സ്ഥിതിയെക്കുറിച്ച് നിലനിന്നിരുന്ന ആശങ്കകൾ അവസാനിക്കും. ധനനേട്ടം ഉണ്ടാക്കാനുള്ള അവസരങ്ങൾ തിരിച്ചറിയണം. സാമൂഹിക സേവനം ചെയ്യുന്നത് ഗുണം ചെയ്യും. ചില സംഘടനകളുടെ ഭാഗമാകാനിടയുണ്ട്. ജീവിത പങ്കാളിയിൽ നിന്ന് പൂർണ്ണ പിന്തുണ ലഭിക്കും. വിദ്യാർത്ഥികൾക്ക് ചില മത്സരങ്ങളുടെ ഭാഗമാകേണ്ടി വരും.
ചിങ്ങം (മകം, പൂരം, ഉത്രം ¼)
തൊഴിൽ രംഗത്ത് മേലുദ്യോഗസ്ഥരുടെ പൂർണ്ണ പിന്തുണ ലഭിക്കും. വ്യാപാര മേഖലയിൽ ഏർപ്പെട്ടിരിക്കുന്നവർക്കും ഗുണകരമായ ദിവസമാണ്. നിങ്ങളുടെ നല്ല പെരുമാറ്റം മൂലം ആളുകൾ നിങ്ങളിലേക്ക് ആകർഷിക്കപ്പെടും. ബിസിനസിൽ പുരോഗതി നേടാനുള്ള നിരവധി അവസരങ്ങൾ ഉണ്ടാകും. വിദ്യാർത്ഥികൾക്ക് ഇന്ന് വിനോദ പരിപാടികളുടെ ഭാഗമാകാൻ അവസരമുണ്ടാകും. കുട്ടികളോടുള്ള നിങ്ങളുടെ ഉത്തരവാദിത്തങ്ങൾ വർധിക്കും.
കന്നി (ഉത്രം ¾, അത്തം, ചിത്തിര ½)
ജോലിസ്ഥലത്ത് സാഹചര്യങ്ങൾ ഇന്ന് അനുകൂലമാകില്ല. പല പ്രതികൂല സാഹചര്യങ്ങളെയും നേരിടേണ്ടി വരും. സഹപ്രവർത്തകരുടെ പിന്തുണയും വേണ്ടതുപോലെ ലഭിച്ചേക്കില്ല. കുടുംബത്തിൽ സ്വത്ത് സംബന്ധമായ പ്രശ്നങ്ങൾ നടക്കാനിടയുണ്ട്. താൽപര്യമില്ലെങ്കിൽ പോലും ഇതുമായി ബന്ധപ്പെട്ട് മുതിർന്നവരുടെ തീരുമാനം അംഗീകരിക്കേണ്ടി വരും. സഹോദരങ്ങളുടെ വിവാഹം സംബന്ധിച്ച് തീരുമാനമാകാനിടയുണ്ട്. വൈകുന്നേരം മതപരമായ കാര്യങ്ങൾക്കായി സമയം ചെലവിടും.
തുലാം (ചിത്തിര ½, ചോതി, വിശാഖം ¾)
ജോലിക്കാരായവർക്ക് കൂടുതൽ കഠിനാദ്ധ്വാനം വേണ്ടി വരുന്ന ദിവസമാണ്. നിങ്ങളുടെ ജോലികൾ മറ്റുള്ളവരെ ഏല്പിക്കാതിരിക്കുക. അല്ലെങ്കിൽ നിങ്ങൾക്ക് ലഭിക്കേണ്ട നേട്ടങ്ങൾ മറ്റുള്ളവർ നേടിയെടുത്തേക്കാം. വൈകുന്നേരം കുടുംബത്തോടൊപ്പം സമയം ചെലവിടും. ഇത് കൂടുതൽ സമാധാനം നൽകുന്നതായി അനുഭവപ്പെടും. പിതാവിന്റെ ആരോഗ്യ കാര്യത്തിൽ പ്രത്യേകം ശ്രദ്ധിക്കേണ്ടതുണ്ട്. കുടുംബത്തിൽ സ്വത്ത് സംബന്ധമായ പ്രശ്നങ്ങൾ ഉണ്ടായേക്കാം.
വൃശ്ചികം (വിശാഖം ¼, അനിഴം, തൃക്കേട്ട)
ബിസിനസ് ചെയ്യുന്നവർക്ക് ഇന്ന് അത്ര നല്ല ദിവസമായിരിക്കില്ല. ഒന്നിന് പിന്നാലെ ഒന്നായി നഷ്ടങ്ങൾ ഉണ്ടാകാനിടയുണ്ട്. ഇത് ആശങ്ക വർധിപ്പിക്കും. ചില ജോലികൾ പൂർത്തിയാക്കാൻ കാലതാമസം നേരിടും. സാമ്പത്തിക സ്ഥിതിയും അത്ര നല്ലതായിരിക്കില്ല. ഈ രാശിയിലെ വിദ്യാർത്ഥികൾക്ക് ഇന്ന് കൂടുതൽ കഠിനാദ്ധ്വാനം വേണ്ടി വരുന്ന ദിവസമായിരിക്കും. മതപരമായ പരിപാടികളിൽ താല്പര്യം വർധിക്കുകയും അത്തരം പരിപാടികളുടെ ഭാഗമാവുകയും ചെയ്യും.
ധനു (മൂലം, പൂരാടം, ഉത്രാടം ¼)
ഇന്ന് ചില പ്രധാന ജോലികൾ ചെയ്തു തീർക്കേണ്ടതായിട്ടുണ്ട്. സന്തോഷമുണ്ടാക്കുന്ന ചില കാര്യങ്ങൾ നടന്നേക്കാം. പ്രിയപ്പെട്ടവർക്കൊപ്പം സന്തോഷകരമായ സമയം ചെലവിടും. സാമ്പത്തികം സംബന്ധിച്ച് നല്ല വാർത്ത ലഭിക്കാനിടയുണ്ട്. ബിസിനസിലോ മറ്റു പദ്ധതികളിലോ നിങ്ങളുടെ പണം കുടുങ്ങി കിടപ്പുണ്ടെങ്കിൽ അത് ഇന്ന് നിങ്ങളുടെ കൈവശം വന്നുചേരാനിടയുണ്ട്. പ്രണയ ജീവിതം നയിക്കുന്നവർക്ക് അനുകൂലമായ സമയമാണ്. ബന്ധങ്ങൾ ദൃഢമാകും.
മകരം (ഉത്രാടം ¾, തിരുവോണം, അവിട്ടം ½)
മകരക്കൂറുകാർക്ക് അനുകൂലമായ ദിവസമല്ല ഇന്ന്. നിങ്ങളെ ആശയക്കുഴപ്പത്തിലാക്കുന്ന പല കാര്യങ്ങളും സംഭവിക്കാനിടയുണ്ട്. പങ്കാളിയുമായുള്ള പ്രശ്നങ്ങൾ പരിഹരിക്കാനുള്ള ശ്രമങ്ങൾ ഒരുവശത്ത് നടക്കുമ്പോൾ മറ്റൊരു വശത്ത് ജോലി സമ്മർദ്ദം നിങ്ങളെ വല്ലാതെ അലട്ടും. വാഹനം ഉപയോഗിക്കുന്നവർ ശ്രദ്ധിക്കുക. വിവേകത്തോടെ കാര്യങ്ങളെ സമീപിക്കേണ്ടതായി വരും. ജീവകാരുണ്യ പ്രവർത്തനങ്ങളുടെ ഭാഗമാകും.
കുംഭം (അവിട്ടം ½, ചതയം, പൂരുരുട്ടാതി ¾)
ഇന്ന് അടുത്ത സുഹൃത്തുക്കളുമായി ബിസിനസിനെക്കുറിച്ചുള്ള ചർച്ചകൾ നടക്കാനിടയുണ്ട്. ഇത് നിങ്ങൾക്ക് ഗുണം ചെയ്യും. നിന്ന് കൂടുതൽ ക്ഷീണിതരായി കാണപ്പെടും. നിങ്ങളുടെ ആരോഗ്യം ശ്രദ്ധിക്കേണ്ടത് പ്രധാനമാണ്. വസ്തു സംബന്ധമായ ഇടപാടുകൾക്ക് ഇന്ന് നല്ല ദിവസമാണ്. ചില ഇടപാടുകൾ ഇന്ന് അന്തിമമായേക്കും. പ്രതികൂല സാഹചര്യങ്ങളിൽ നിങ്ങളുടെ പങ്കാളിയുടെ ഉപദേശങ്ങളും നിർദ്ദേശങ്ങളും നിങ്ങൾക്ക് ഗുണം ചെയ്യും.
മീനം (പൂരുരുട്ടാതി ¼, ഉതൃട്ടാതി, രേവതി)
ബിസിനസിൽ നാളുകളായി ശ്രദ്ധിക്കാതിരുന്നിട്ടുണ്ടെങ്കിൽ അതിനനുസരിച്ച് പ്രശ്നങ്ങളും വഷളാകും. നിങ്ങൾ ഏർപ്പെട്ടിരിക്കുന്ന തൊഴിൽ മേഖലയെ ഗൗരവമായി കാണണം. അലസത വെടിഞ്ഞ് ജോലികൾ കൃത്യമായി ചെയ്യാൻ ശ്രമിക്കുക. പങ്കാളിക്കായി പ്രത്യേകം എന്തെങ്കിലും സമ്മാനിച്ചേക്കാം. ഇന്ന് വിദ്യാർത്ഥികൾക്ക് അത്ര ഗുണകരമായ ദിവസമല്ല. ആരോഗ്യത്തിലും ചില പ്രശ്നങ്ങൾ നേരിടേണ്ടി വരും.
