മേടം (അശ്വതി, ഭരണി, കാർത്തിക ¼)
മേടക്കൂറുകാർക്ക് ഈ ആഴ്ച സമ്മിശ്ര ഫലങ്ങളുടേതാണ്. ചെറിയ കാര്യങ്ങളിൽ ആവേശഭരിതരാകുന്നത് ഒഴിവാക്കണം. ജോലിസ്ഥലത്ത് ആരുമായും പ്രശ്നങ്ങൾ ഉണ്ടാക്കാൻ നിൽക്കരുത്. നിങ്ങളുടെ എതിരാളികൾ നിങ്ങളെ അനാവശ്യ കാര്യങ്ങളിൽ ഉൾപ്പെടുത്തി ലക്ഷ്യത്തിൽ നിന്ന് വഴിതിരിച്ചുവിടാൻ ശ്രമിച്ചേക്കാം. ഈ ആഴ്ച, തൊഴിൽ, ബിസിനസ്സ് സംബന്ധമായ പ്രശ്നങ്ങൾ ഒഴിവാക്കാൻ ആളുകളുമായി സഹകരിച്ച് പ്രവർത്തിക്കുന്നത് നല്ലതാണ്. ആഴ്ചയുടെ മധ്യത്തിൽ കുടുംബവുമായി ബന്ധപ്പെട്ട കാര്യങ്ങളിൽ തീരുമാനങ്ങൾ എടുക്കുന്നതിൽ നിങ്ങൾക്ക് ചില ബുദ്ധിമുട്ടുകൾ നേരിടേണ്ടി വന്നേക്കാം. ബിസിനസ്സിൽ ഏർപ്പെട്ടിരിക്കുന്ന ആളുകൾ ആഴ്ചയുടെ രണ്ടാം പകുതിയിൽ പണമിടപാടുകളിൽ ശ്രദ്ധിക്കേണ്ടതുണ്ട്. രേഖകൾ കൃത്യമായി വായിക്കാതെ ഒപ്പുവെക്കരുത്. പ്രണയ ജീവിതം നയിക്കുന്നവർ ചിന്താപൂർവം മുമ്പോട്ട് പോകുന്നതാണ് നല്ലത്. ദാമ്പത്യ പങ്കാളിയുടെ ആരോഗ്യം മോശമാകുന്നത് ആശങ്ക വർധിപ്പിക്കും.
ഇടവം (കാർത്തിക ¾, രോഹിണി, മകയിരം ½)
ഇടവക്കൂറുകാർ ഈ ആഴ്ച സമയവും സമ്പത്തും വിദഗ്ധമായി കൈകാര്യം ചെയ്യേണ്ടതുണ്ട്. വിവിധ സ്രോതസ്സുകളിൽ നിന്ന് ധനവരവ് ഉണ്ടാകും. എന്നാൽ ചെലവ് കൂടാനും സാധ്യതയുണ്ട്. വീട് മോടിപിടിപ്പിക്കുന്നതിന്, വീടിന്റെ അറ്റകുറ്റപ്പണികൾക്ക്, കുട്ടികളുടെ ആവശ്യങ്ങൾക്ക്, വിനോദ ആവശ്യങ്ങൾക്ക് എല്ലാം നല്ലൊരു തുക ഈ ആഴ്ച ചെലവാകാനിടയുണ്ട്. ജോലിക്കാരായവർക്ക് തിരക്കേറിയ വാരം ആയിരിക്കും. ആഴ്ചയുടെ മധ്യത്തോടെ തൊഴിൽ ആവശ്യങ്ങൾക്കായി ദീർഘദൂര യാത്ര വേണ്ടി വരും. യാത്രയ്ക്കിടെ ഉന്നത വ്യക്തികളുമായി ബന്ധം സ്ഥാപിക്കുന്നത് ഭാവിയിൽ നിങ്ങൾക്ക് ഗുണം ചെയ്യും. ആഴ്ചയുടെ അവസാനത്തോടടുക്കുമ്പോൾ ചില ആരോഗ്യ പ്രശ്നങ്ങൾ ഉണ്ടാകാം. വാഹനം ഓടിക്കുന്നവർ ജാഗ്രത പാലിക്കണം. പ്രണയ ജീവിതം നയിക്കുന്നവർക്ക് ഈ ആഴ്ച അനുകൂലമാണ്. ദാമ്പത്യ ജീവിതം സന്തോഷകരമായിരിക്കും. കുടുംബത്തോടൊപ്പം സന്തോഷത്തോടെ സമയം ചെലവഴിക്കാൻ സാധിക്കും.
മിഥുനം (മകയിരം ½, തിരുവാതിര, പുണർതം ¾)
മിഥുനക്കൂറുകാർക്ക് ഭാഗ്യം നിറഞ്ഞ വാരമാണ്. ഈ ആഴ്ച നിങ്ങളുടെ വലിയ ഏതെങ്കിലും ആഗ്രഹം സഫലമാകാനിടയുണ്ട്. ജോലിക്കാർക്ക് സഹപ്രവർത്തകരിൽ നിന്ന് പൂർണ്ണ പിന്തുണ ലഭിക്കും. ബിസിനസ് ചെയ്യുന്നവർക്ക് ഈ ആഴ്ച നല്ല ലാഭം നേടാൻ സാധിക്കും. ഏതെങ്കിലും പദ്ധതിയിൽ പെട്ട് കിടന്നിരുന്ന പണം ഈ ആഴ്ച നിങ്ങളുടെ കൈവശം എത്തിചേരാനിടയുണ്ട്. ഇതുൾപ്പടെ സമ്പത്തിൽ വൻ വർദ്ധനവ് ഉണ്ടാകും. സ്ഥലം, വീട്, വാഹനം എന്നിവ വാങ്ങാൻ ശ്രമിച്ചിരുന്നവർക്ക് ഈ ആഴ്ച തന്നെ ഇടപാട് അന്തിമമാകാനിടയുണ്ട്. ജോലിക്കാരായ സ്ത്രീകൾക്ക് വളരെ ഗുണകരമായ ആഴ്ചയാണ്. ചില മുൻകാല പദ്ധതികൾ വഴി ലാഭം നേടും. പ്രണയ ജീവിതം നയിക്കുന്നവർക്കും ദമ്പതികൾക്കും ഏറെ സന്തോഷകരമായ വാരമായിരിക്കും. ആരോഗ്യം സാധാരണ നിലയിൽ മുമ്പോട്ട് പോകും.
കർക്കടകം (പുണർതം ¼, പൂയം, ആയില്യം)
കർക്കടകക്കൂറുകാർക്ക് വളരെ അനുകൂലമായ ഫലങ്ങൾ ലഭിക്കുന്ന ആഴ്ചയായിരിക്കും. സ്ഥിരാവരുമാനക്കാരായവർക്കും ബിസിനസ് ചെയ്യുന്നവർക്കും ഈ ആഴ്ച ആഗ്രഹിച്ച നേട്ടങ്ങൾ കൈവരിക്കാൻ സാധിക്കും. പ്രമോഷൻ, ആഗ്രഹിച്ച സ്ഥലത്തേയ്ക്ക് സ്ഥലംമാറ്റം എന്നിവ ലഭിക്കാനിടയുണ്ട്. പ്രമോഷനൊപ്പം പ്രധാനപ്പെട്ട ചില ഉത്തരവാദിത്തങ്ങൾ കൂടി ലഭിച്ചേക്കാം. സഹപ്രവർത്തകർ, സുഹൃത്തുക്കൾ, കുടുംബാംഗങ്ങൾ എന്നിവരെല്ലാം നിങ്ങൾക്ക് പിന്തുണ നൽകും. നിങ്ങൾ പ്രവർത്തിക്കുന്ന മേഖലയിൽ വിജയം നേടാൻ സാധിക്കും. അധിക വരുമാന സ്രോതസ്സുകൾ സൃഷ്ടിക്കപ്പെടും. സാമ്പത്തിക നേട്ടത്തിനും സാധ്യതയുണ്ട്. വസ്തുസംബന്ധമായ ഇടപാടുകൾക്ക് ശ്രമിക്കുന്നവർക്ക് നേട്ടമുണ്ടാകും. രാഷ്ട്രീയ പ്രവർത്തകർക്ക് സമൂഹത്തിൽ ആദരവ് ലഭിക്കും. ബന്ധങ്ങൾ ദൃഢമാകും. നിങ്ങളുടെ പ്രണയം ഏവരും അംഗീകരിക്കും. പങ്കാളിയുമായി സന്തോഷകരമായ നിമിഷങ്ങൾ പങ്കിടും.
ചിങ്ങം (മകം, പൂരം, ഉത്രം ¼)
ചിങ്ങക്കൂറുകാർക്ക് ഈ ആഴ്ച ചില ആഗ്രഹങ്ങൾ സഫലമായേക്കും. ആഴ്ചയുടെ തുടക്കത്തിൽ തൊഴിൽ സംബന്ധമായി യാത്രകൾ വേണ്ടി വരും. വളരെ നാളുകളായി ജോലി അന്വേഷിച്ചിരുന്നവർക്ക് നല്ല അവസരം ലഭിക്കാനിടയുണ്ട്. മറ്റൊരു ജോലിയിലേക്ക് മാറാൻ ശ്രമം നടത്തുന്നവർക്കും അതിന് സാധിച്ചേക്കും. ബിസിനസ് മെച്ചപ്പെടുത്താനുള്ള പദ്ധതികൾ നടപ്പാക്കുന്നത് വഴി മികച്ച ലാഭം നേടാൻ സാധിക്കും. സമ്പത്ത് വർധിക്കും. സാമൂഹികവും മതപരവുമായ പ്രവർത്തനങ്ങളിൽ പങ്കെടുക്കാൻ അവസരമുണ്ടാകും. ആരോഗ്യം സാധാരണ നിലയിൽ മുമ്പോട്ട് പോകും. പ്രണയ ബന്ധത്തിലെ തെറ്റിധാരണകൾ പരിഹരിക്കപ്പെടും. സന്താനങ്ങളുടെ നേട്ടം കുടുംബത്തിലെ മൊത്തം സന്തോഷത്തിനിടയാക്കും.
കന്നി (ഉത്രം ¾, അത്തം, ചിത്തിര ½)
കന്നിക്കൂറുകാർക്ക് ഉയർച്ച താഴ്ചകൾ നിറഞ്ഞ ദിവസമായിരിക്കും. ആഴ്ചയുടെ തുടക്കത്തിൽ തന്നെ ചില പ്രധാനപ്പെട്ട ജോലികൾ തിരക്ക് കൂട്ടി ചെയ്യേണ്ടി വന്നേക്കാം. ജോലിസ്ഥലത്ത് അമിത ജോലിഭാരം അനുഭവപ്പെട്ടേക്കാം. കൂടുതൽ കഠിനാദ്ധ്വാനവും പരിശ്രമവും ആവശ്യമായി വരും. ജോലിക്കാരായ സ്ത്രീകൾക്ക് വീടും തൊഴിലിടവും തമ്മിലുള്ള സന്തുലിതാവസ്ഥ നിലനിർത്തുന്നതിൽ ബുദ്ധിമുട്ട് നേരിടാം. ബിസിനസ് ചെയ്യുന്നവർക്ക് എതിർ ബിസിനസ് ചെയ്യുന്നവരിൽ നിന്ന് കടുത്ത മത്സരം നേരിടേണ്ടി വരും. ബിസിനസ് വിപുലീകരിക്കാനുള്ള പദ്ധതികളിൽ തടസ്സം നേരിടാനിടയുണ്ട്. കുടുംബ വഴക്ക് മൂലം പിരിമുറുക്കം വർധിച്ചേക്കാം. നിങ്ങളുടെ സംസാരവും പെരുമാറ്റവും പരുഷമാകാതിരിക്കാൻ ശ്രദ്ധിക്കുക. പ്രണയ ബന്ധത്തിൽ ജാഗ്രതയോടെ മുമ്പോട്ട് പോകുക.
തുലാം (ചിത്തിര ½, ചോതി, വിശാഖം ¾)
തുലാക്കൂറുകാർ വലിയ ലാഭം നേടാനായി ചെറിയ ലാഭം ഉണ്ടാക്കാൻ സാധിക്കുന്ന അവസരങ്ങൾ നഷ്ടപ്പെടുത്തരുത്. ബുദ്ധിയും വിവേകവും ഉപയോഗപ്പെടുത്തി ലാഭം നേടാവുന്നതാണ്. ചില ആളുകൾ നിങ്ങളെ ലക്ഷ്യത്തിൽ നിന്ന് വഴിതിരിച്ച് വിടാൻ ശ്രമിച്ചേക്കാം. ആരുഡയെങ്കിലും സ്വാധീനത്തിന് വഴങ്ങി തൊഴിൽ-ബിസിനസ് സംബന്ധിച്ച തീരുമാനങ്ങൾ എടുക്കരുത്. അപകട സാധ്യതയുള്ള പദ്ധതികളിൽ പണം നിക്ഷേപിക്കുന്നത് ഒഴിവാക്കുക. ഈ ആഴ്ച ദീർഘദൂര യാത്രകൾ വേണ്ടി വന്നേക്കും. ആത്മീയ കാര്യങ്ങളിൽ കൂടുതൽ താല്പര്യം പ്രകടിപ്പിക്കുന്ന ആഴ്ചയായിരിക്കും. പ്രണയജീവിതം നയിക്കുന്നവർക്ക് വളരെ സാധാരണമായ ആഴ്ചയായിരിക്കും. ദാമ്പത്യ ജീവിതം സന്തോഷകരമായി മുമ്പോട്ട് പോകും.
വൃശ്ചികം (വിശാഖം ¼, അനിഴം, തൃക്കേട്ട)
വൃശ്ചിക രാശിക്കാർക്ക് വളരെ ശുഭകരമായ ആഴ്ചയായിരിക്കും. സ്വാധീനമുള്ള ഒരു വ്യക്തിയുടെ സഹായത്തോടെ, കഴിഞ്ഞ കുറച്ച് മാസങ്ങളായി നിങ്ങളുടെ ഉത്കണ്ഠയ്ക്ക് പ്രധാന കാരണമായ ഒരു വലിയ പ്രശ്നത്തിന് പരിഹാരം കണ്ടെത്തിയേക്കാം. ജോലിസ്ഥലത്തും ബിസിനസിലും ആസൂത്രിതമായി പ്രവർത്തിച്ചാൽ, നിങ്ങൾക്ക് ആഗ്രഹിച്ച വിജയം നേടാൻ കഴിയും. ജോലിസ്ഥലത്ത് സഹപ്രവർത്തകരുമായി ഏകോപനം നിലനിർത്തുന്നത് നന്നായിരിക്കും. മുതിർന്ന വ്യക്തികളുടെ ഉപദേശം അവഗണിക്കരുത്. പ്രണയ പങ്കാളിയുടെ ജീവിതത്തിൽ അനാവശ്യമായി ഇടപെടുന്നത് ഒഴിവാക്കുക. ദാമ്പത്യ ജീവിതം മികച്ചതായിരിക്കും.
ധനു (മൂലം, പൂരാടം, ഉത്രാടം ¼)
ധനുക്കൂറുകാർക്ക് വളരെ ശുഭകരമായ ആഴ്ചയായിരിക്കും. ആഴ്ചയുടെ തുടക്കം മുതൽ, നേരത്തെ ആസൂത്രണം ചെയ്ത ജോലികളെല്ലാം കൃത്യമായി പൂർത്തിയാക്കാൻ സാധിക്കും. കൂടുതൽ ഊർജ്വസ്വലരായി കാണപ്പെടും. നിങ്ങളുടെ പ്രയത്നത്തിന് ഫലം ലഭിക്കുന്നതാണ്. സ്ഥിരവരുമാനക്കാരായവർക്കും ബിസിനസ് ചെയ്യുന്നവർക്കും വളരെ തിരക്കേറിയ വാരമായിരിക്കും. സമൂഹത്തിൽ സ്വാധീനമുള്ള ചില വ്യക്തികളുടെ സഹായത്തോടെ ലാഭകരമായ പദ്ധതികളുടെ ഭാഗമാകാൻ നിങ്ങൾക്ക് അവസരം ലഭിക്കും. ചില ആരോഗ്യ പ്രശ്നങ്ങൾ ഉണ്ടാകാൻ സാധ്യതയുണ്ട്. ബന്ധങ്ങൾ ദൃഢമാകുന്ന വാരമാണ്. പങ്കാളിയുമായി സന്തോഷത്തോടെ സമയം ചെലവിടും.
മകരം (ഉത്രാടം ¾, തിരുവോണം, അവിട്ടം ½)
മകരക്കൂറുകാർക്ക് ഈ ആഴ്ച ചില സുപ്രധാന തീരുമാനങ്ങൾ എടുക്കുന്നതിൽ ആശയക്കുഴപ്പം നേരിടാം. നിങ്ങളുടെ ജോലി മറ്റൊരാളെ ഏൽപ്പിക്കുന്നത് ഒഴിവാക്കണം. ഓഫീസിൽ നേരിടുന്ന സമ്മർദ്ദം വീട്ടിൽ പ്രതിഫലിപ്പിക്കാതിരിക്കാൻ ശ്രദ്ധിക്കുക. ആരോഗ്യ സംബന്ധമായ പ്രശ്നങ്ങൾ അലട്ടും. വാഹനമോടിക്കുന്നവർ വളരെയധികം ജാഗ്രത പാലിക്കണം. കുടുംബത്തിൽ നിലനിൽക്കുന്ന പ്രശ്നങ്ങൾ മൂലം നിങ്ങളുടെ സമ്മർദ്ദം ഇരട്ടിക്കും. നന്നായി ആലോചിച്ച ശേഷം മാത്രമേ ഏതെങ്കിലും പദ്ധതിയിൽ പണം നിക്ഷേപിക്കാവൂ. പ്രണയ ജീവിതം സാധാരണ രീതിയിൽ മുമ്പോട്ട് പോകും. ജീവിതത്തിലെ പ്രയാസകരമായ സമയങ്ങളിൽ നിങ്ങളുടെ പങ്കാളി നിങ്ങൾക്കൊപ്പം നിൽക്കുന്നത് വലിയ ആശ്വാസമാകും.
കുംഭം (അവിട്ടം ½, ചതയം, പൂരുരുട്ടാതി ¾)
കുംഭക്കൂറുകാർക്ക് വളരെ ശുഭകരമായ ആഴ്ചയായിരിക്കും. ആഴ്ചയുടെ തുടക്കത്തിൽ തന്നെ ജോലി സംബന്ധമായ ചില നല്ല വാർത്തകൾ കേൾക്കാനിടയുണ്ട്. കുടുംബത്തിൽ സന്തോഷത്തിന്റെ അന്തരീക്ഷം നിലനിൽക്കും. ജോലിസ്ഥലത്ത് സ്ഥാനക്കയറ്റം പോലുള്ള നേട്ടങ്ങൾക്ക് സാധ്യതയുണ്ട്. ബിസിനസ് ചെയ്യുന്നവകർക്കും നേട്ടമുണ്ടാകും. ചില പദ്ധതികളിൽ കുടുങ്ങി കിടന്ന നിങ്ങളുടെ പണം അപ്രതീക്ഷിതമായി നിങ്ങളുടെ കൈകളിലെത്താനിടയുണ്ട്. വസ്തു ഇടപാടുകൾ നടത്തുന്നവർക്കും വാങ്ങാൻ ശ്രമിക്കുന്നവർക്കും നേട്ടമുണ്ടാകും. പൂർവിക സ്വത്ത് അനുഭവ യോഗത്തിൽ വന്നുചേരാം. സന്താനങ്ങളുടെ നേട്ടം മൂലം സന്തോഷിക്കും. പ്രണയബന്ധം കൂടുതൽ ദൃഢമാകും. കുടുംബത്തോടൊപ്പം സന്തോഷകരമായി സമയം ചെലവിടാൻ സാധിക്കും.
മീനം (പൂരുരുട്ടാതി ¼, ഉതൃട്ടാതി, രേവതി)
മീനക്കൂറുകാർ ലക്ഷ്യത്തിലേക്കെത്താൻ കുറുക്കുവഴികൾ തേടുന്നത് ഒഴിവാക്കണം. ഏത് പദ്ധതിയും യാഥാർഥ്യമാക്കുന്നതിന് നേരായ പാത പിന്തുടരുക. ആഴ്ചയുടെ മധ്യത്തിൽ നിങ്ങൾക്ക് ആരോഗ്യ സംബന്ധമായ പ്രശ്നങ്ങൾ ഉണ്ടാകാൻ സാധ്യതയുണ്ട്. ബിസിനസ് ചെയ്യുന്നവർ ആഴ്ചയുടെ അവസാനം കൂടുതൽ ലാഭം നേടാൻ സാധിക്കും. മുൻകാല സാമ്പത്തിക നിക്ഷേപങ്ങളിൽ നിന്ന് നിങ്ങൾക്ക് നേട്ടമുണ്ടാകും. പ്രണയ ജീവിതത്തിലെ പ്രശ്നങ്ങൾ ഒഴിവാക്കാൻ പാർട്ണറുടെ ആഗ്രഹങ്ങൾ അവഗണിക്കരുത്. മതപരമായ സ്ഥലങ്ങൾ സന്ദർശിക്കാൻ അവസരമുണ്ടാകും.
