ഡൽഹി : രാജ്യത്തെ കൊവിഡ് കേസുകൾ 20 ലക്ഷം കടന്നിട്ടും മോദി സർക്കാരിനെ കാണാനില്ലെന്ന് കോൺഗ്രസ് നേതാവ് രാഹുൽ ഗാന്ധി. ഇന്നാണ് രാജ്യത്തെ കൊവിഡ് കേസുകൾ 20 ലക്ഷം കടന്നത്. പത്ത് ലക്ഷത്തിൽ നിന്ന് രാജ്യത്ത് 20 ലക്ഷം കൊവിഡ് കേസുകളുടെ വർധനയുണ്ടായത് കുറച്ച് ദിവസങ്ങൾ കൊണ്ടാണ്.എന്നിട്ടും മോദി സർക്കാരിന്റെ ഭാഗത്തും നിന്ന് ഒരു നീക്കവും നടക്കുന്നില്ലെന്ന് രാഹുൽ ഗാന്ധി വിമർശിച്ചു.
അതേസമയം രാജ്യത്ത് ഇന്ന് കൊവിഡ് കേസുകൾ 20 ലക്ഷം കടന്നു. 24 മണിക്കൂറിനിടെ 62,538 പോസിറ്റീവ് കേസുകളും 886 മരണവും റിപ്പോർട്ട് ചെയ്തു. ആകെ പോസിറ്റീവ് കേസുകൾ 2,027,074 ആയി. ആകെ മരണം 41,585 ആയി. 6,07,384 പേരാണ് നിലവിൽ ചികിത്സയിലുള്ളത്. 1,378,105 പേരാണ് രോഗമുക്തി നേടിയത്.
