ചെറുതുരുത്തി: കേരള കലാമണ്ഡലത്തില്‍ പ്ലസ് വണ്‍ പ്രവേശനത്തിന് അപേക്ഷ ക്ഷണിച്ചു. 10-ാം ക്ലാസ് വിജയിച്ച, 2024 ജൂണ്‍ ഒന്നിന് 20 വയസ്സ് കവിയാത്ത വിദ്യാർഥികള്‍ക്ക് അപേക്ഷിക്കാം.
പട്ടികജാതി/വർഗ വിഭാഗ വിദ്യാർഥികള്‍ക്ക് രണ്ടു വർഷം ഇളവു ലഭിക്കും.
അപേക്ഷയും വിശദവിവരങ്ങളടങ്ങിയ പ്രോസ്‌പെക്ടസും കലാമണ്ഡലം വെബ്‌സൈറ്റില്‍നിന്ന് www.kalamandalam.ac.in ഡൗണ്‍ലോഡ് ചെയ്യാവുന്നതാണ്. പൂരിപ്പിച്ച അപേക്ഷകള്‍ മേയ് 25 വരെ സ്വീകരിക്കും. പൂരിപ്പിച്ച അപേക്ഷകള്‍ നിശ്ചിത തീയതിക്കകം രജിസ്ട്രാറുടെ പേരില്‍ തപാലില്‍ അയക്കണം. അപേക്ഷകർക്ക് അഭിമുഖപരീക്ഷ ഉണ്ടായിരിക്കും.
