മുതലപ്പൊഴിയിൽ ശക്തമായ തിരമാലയിൽ മത്സ്യതൊഴിലാളിയുടെ വള്ളം മറിഞ്ഞ് വീണ്ടും അപകടം. അഴിമുഖത്തുണ്ടായ അപകടത്തിൽ കാണാതായ ആൾ മരിച്ചു. പുതുക്കുറിച്ചി സ്വദേശി ജോണി (50) ആണ് കൊല്ലപ്പെട്ടത്. പുലർച്ച 3:30 മണിയോടെയായിരുന്നു അപകടം. മത്സ്യബന്ധനത്തിനായി പോകവെ അഴിമുഖത്തുണ്ടായ ശക്തമായ തിരയിൽപ്പെട്ട വള്ളം മറിയുകയായിരുന്നു. വള്ളത്തിൽ ആറ് തൊഴിലാളികളുണ്ടായിരുന്നു. ഇതിൽ അഞ്ച് പേര്‍ നീന്തി രക്ഷപ്പെട്ടുകയായിരുന്നു.
പുലർച്ചെ മത്സ്യതൊഴിലാളികൾ കടലിൽ പോകുന്നതിനിടെയാണ് അപകടം ഉണ്ടായത്. തീരദേശ പോലീസും മത്സ്യതൊഴിലാളികളും നടത്തിയ തിരച്ചിലിലാണ് ജോണിൻ്റെ മൃതദേഹം കണ്ടെടുത്തത്. മൃതദേഹം ചിറകിൻകീഴ് ആശുപത്രിയിലേക്ക് മാറ്റി.
പുലിമുട്ട് നിർമാണത്തിലെ അപാകതയാണ് അഴിമുഖത്തിലെ ശക്തമായ തിരമാലയ്ക്ക് കാരണമെന്ന് മത്സ്യതൊഴിലാളികൾ ആരോപിച്ചു. സംഭവത്തെ തുടർന്ന് മത്സ്യതൊഴിലാളികൾ വൻ പ്രതിഷേധത്തിലാണ്.
