ഹിമാചൽ പ്രദേശിലെ ചമ്പ ജില്ലയിൽ വ്യാഴാഴ്ച ഭൂചലനം. രാത്രിയാണ് റിക്ടർ സ്കെയിലിൽ 5.3 തീവ്രത രേഖപ്പെടുത്തിയ ഭൂചലനം ഉണ്ടായത്.
നാഷണൽ സെൻ്റർ ഫോർ സീസ്മോളജിയുടെ കണക്കനുസരിച്ച്, രാത്രി 9.34 നാണ് റിക്ടർ സ്കെയിലിൽ 5.3 തീവ്രത രേഖപ്പെടുത്തിയ ഭൂചലനം ഉണ്ടായത്.
ഉത്തരേന്ത്യയിലുടനീളം ഭൂചലനം അനുഭവപ്പെട്ടു. ഏപ്രിൽ ഒന്നിന് ഹിമാചൽ പ്രദേശിലെ ചമോലി, ലാഹൗൾ, സ്പിതി എന്നിവിടങ്ങളിൽ തീവ്രത കുറഞ്ഞ ഭൂചലനങ്ങൾ രേഖപ്പെടുത്തിയിരുന്നു.
