സെക്കന്തരാബാദിലെ ബിആർഎസ് എംഎൽഎ ലാസ്യ നന്ദിത (Lasya Nandita) വാഹനാപകടത്തിൽ കൊല്ലപ്പെട്ടു. സ്വന്തം കാറിൽ യാത്ര ചെയ്യവേ അമിൻപൂർ മണ്ഡൽ ഏരിയയിലെ സുൽത്താൻപൂർ ഔട്ടർ (Sultanpur Outer)റിംഗ് റോഡിൽ വച്ച് അവരുടെ കാർ നിയന്ത്രണം നഷ്ടപ്പെട്ട് ഡിവൈഡറിൽ ഇടിക്കുകയായിരുന്നു. അപകടത്തിൽ ഗുരുതരമായി പരിക്കേറ്റ എംഎൽഎ ലാസ്യ നന്ദിത ചികിത്സയിലിരിക്കെയാണ് മരണപ്പെട്ടത്. എംഎൽഎയുടെ കാർ ഡ്രൈവർക്കും ഗുരുതരമായി പരിക്കേറ്റിട്ടുണ്ട്. ഇയാൾ ആശുപത്രിയിൽ Hospital) ചികിത്സയിലാണ്. കാർ ഡ്രൈവർ അപകടനില തരണം ചെയ്തിട്ടില്ല എന്നാണ് റിപ്പോർട്ടുകൾ.
ലാസ്യ നന്ദിതയുടെ ആകസ്മിക നിര്യാണത്തിൽ ബിആർഎസ് മേധാവി കെസിആർ അനുശോചനം രേഖപ്പെടുത്തി. യുവ എംഎൽഎ എന്ന നിലയിൽ ഏറെ പ്രശസ്തയായിരുന്നു ലാസ്യ നന്ദിതയെന്നും അവരുടെ മരണം ഞെട്ടലുണ്ടാക്കിയെന്നും അദ്ദേഹം പറഞ്ഞു. ഈ സാഹചര്യത്തിൽ ലാസ്യ നന്ദിതയുടെ കുടുംബാംഗങ്ങളുടെ ദുഃഖത്തിൽ പങ്കുചേരുന്നുവെന്നും അദ്ദേഹം വ്യക്തമാക്കി.
അതേസമയം യുവ എംഎൽഎയുടെ മരണത്തിൽ ദുഖം രേഖപ്പെടുത്തി തെലങ്കാന മുഖ്യമന്ത്രി രേവന്തി റെഡ്ഡി രംഗത്തെത്തി. സമൂഹമാധ്യമങ്ങളിലൂടെയാണ് അദ്ദേഹം പ്രതികരിച്ചത്. കാൻ്റി എംഎൽഎ ലാസ്യ നന്ദിതയുടെ അസ്വാഭാവിക മരണം തന്നെ വല്ലാതെ ഞെട്ടിച്ചുവെന്നും നന്ദിതയുടെ അച്ഛൻ. സായന്നയുമായി തനിക്ക് അടുത്ത ബന്ധമുണ്ടായിരുന്നുവെന്നും രേവന്ത് റെഡ്ഡി വ്യക്തമാക്കി. കഴിഞ്ഞ വർഷം ഇതേ മാസത്തിയലാണ് അദ്ദേഹം അന്തരിച്ചത്. നന്ദിതയും അതേ മാസത്തിൽ പെട്ടന്ന് മരിച്ചുവെന്നത് വളരെ സങ്കടകരമാണ്. നന്ദിതയുടെ കുടുംബത്തിന് എൻ്റെ അനുശോചനം അറിയിക്കുന്നു…അദ്ദേഹത്തിൻ്റെ ആത്മാവിന് ശാന്തി നൽകട്ടെ എന്ന് ദൈവത്തോട് പ്രാർത്ഥിക്കുന്നുവെന്നും രേവന്ത് റെഡ്ഡി കുറിച്ചു.
