അഗർത്തല: ത്രിപുരയിൽ അനുമതിയില്ലാതെ കോവിഡ് കെയർ സെന്‍ററിൽ പ്രവേശിച്ച ബിജെപി എംഎൽഎക്കെതിരെ കേസെടുത്തു. മുൻ ആരോഗ്യമന്ത്രി കൂടിയായ സുദീപ് റോയ് ബർമനെതിരെയാണ് കേസെടുത്തത്.
കോവിഡ് കെയർസെന്‍ററിൽ മതിയായ സൗകര്യങ്ങളിലെന്ന് ഗർഭിണിയായ രോഗി സമൂഹമാധ്യമത്തിലൂടെ ആരോപണം ഉയർത്തിയതോടെയാണ് സുദീപ് റോയ് ഇവിടെ സന്ദർശനത്തിനെത്തിയത്. പിപിഇ കിറ്റ് ധരിച്ചായിരുന്നു എംഎൽഎ കോവിഡ് കെയർ സെന്‍റർ സന്ദർശിച്ചത്.
കോവിഡ് മാനദണ്ഡങ്ങൾ ലംഘിച്ച എംഎൽഎയോട് ജില്ലാ ഭരണകൂടം 14 ദിവസം ക്വാറന്‍റൈനിൽപോകാൻ ആവശ്യപ്പെട്ടു. എന്നാൽ എംഎൽഎ ഇതിന് തയാറായില്ല. ഇതിനെ തുടർന്നാണ് എംഎൽഎയ്‌ക്കെതിരെ കേസെടുത്തത്.
