കോൺഗ്രസ് (Telangana Congress) അധ്യക്ഷൻ രേവന്ത് റെഡ്ഡി (Revanth Reddy) സംസ്ഥാന മുഖ്യമന്ത്രിയാകാനുള്ള സാധ്യതയാണ് കൂടുതൽ. ഡിസംബർ ഏഴിന് വ്യാഴാഴ്ച രാവിലെ 11 മണിക്ക് റെഡ്ഡി സത്യപ്രതിജ്ഞ ചെയ്തേക്കുമെന്ന് വൃത്തങ്ങൾ ഇന്ത്യാ ടുഡേ ടിവിയോട് പറഞ്ഞു. മുതിർന്ന കോൺഗ്രസ് നേതാക്കളായ ഉത്തം കുമാർ റെഡ്ഡിക്കും ഭട്ടി വിക്രമാർകയ്ക്കും ഉപമുഖ്യമന്ത്രി സ്ഥാനം നൽകുകയോ പ്രധാനപ്പെട്ട സ്ഥാനം നൽകി അവരെ ഉൾപ്പെടുത്തുകയോ ചെയ്തേക്കും. സംസ്ഥാനത്ത് റൊട്ടേഷൻ മുഖ്യമന്ത്രി ഫോർമുല ഉണ്ടാകില്ലെന്നും വൃത്തങ്ങൾ അറിയിച്ചു. അതേസമയം രേവന്ത് റെഡ്ഡി തെലങ്കാനയുടെ പുതിയ മുഖ്യമന്ത്രിയായേക്കുമെന്ന വാർത്തകൾക്കിടയിൽ ഉത്തം റെഡ്ഡി കർണാടക കോൺഗ്രസ് അധ്യക്ഷൻ ഡികെ ശിവകുമാറിനെ കാണാൻ അദ്ദേഹത്തിന്റെ വസതിയിലെത്തി.
രേവന്ത് മുഖ്യമന്ത്രിയാകുമോ ബിആർഎസ്, കോൺഗ്രസ് എംഎൽഎമാരെ സമീപിച്ചോ എന്നീ ചോദ്യങ്ങൾക്ക് ഉത്തം റെഡ്ഡി മറുപടി നൽകിയില്ല. പരിചയസമ്പന്നനായ രാഷ്ട്രീയക്കാരനും മൽകജ്ഗിരിയിൽ നിന്നുള്ള ലോക്സഭാ എംപിയുമായ രേവന്ത് റെഡ്ഡി തെലങ്കാന രാഷ്ട്രീയത്തിലെ ഒരു നിർണായക സ്വാധീനമുള്ള വ്യക്തിയാണ്. 2017-ൽ തെലുങ്കുദേശം പാർട്ടിയിൽ നിന്ന് (ടിഡിപി) കോൺഗ്രസിലേക്കുള്ള അദ്ദേഹത്തിന്റെ മാറ്റം സംസ്ഥാനത്തിന്റെ രാഷ്ട്രീയ ചലനാത്മകതയിൽ കാര്യമായ മാറ്റമുണ്ടാക്കി.രണ്ട് തവണ എം.എൽ.എ.യും ഇപ്പോൾ തെലങ്കാനയിൽ കോൺഗ്രസിന്റെ മുഖവുമാണ് റെഡ്ഡിയുടെ ആക്രമണാത്മക പ്രചാരണ തന്ത്രങ്ങളും മുഖ്യമന്ത്രി കെ.സി.ആറുമായുള്ള നേരിട്ടുള്ള ഏറ്റുമുട്ടലുകളും അദ്ദേഹത്തെ ജനക്കൂട്ടത്തിന്റെ പ്രിയങ്കരനാക്കുകയും മുഖ്യമന്ത്രി സ്ഥാനാർത്ഥിയായി ഉയർത്തുകയും ചെയ്തു.
റെഡ്ഡിയുടെ തെരുവ് പ്രതിഷേധങ്ങളും കേന്ദ്ര കോൺഗ്രസ് നേതാക്കൾക്കൊപ്പം നടന്ന പൊതു റാലികളും അധികാരത്തിലിരിക്കുന്ന ബിആർഎസ് സർക്കാരിന് ശക്തമായ വെല്ലുവിളി ഉയർത്തിയിരുന്നു. അദ്ദേഹത്തിന്റെ സംസാരഭാഷയും മറ്റും തെലങ്കാനയിലുടനീളമുള്ള വോട്ടർമാരിൽ പ്രതിധ്വനിച്ചു. സ്വന്തം മണ്ഡലത്തിനപ്പുറം മറ്റ് സ്ഥലങ്ങളിലും സ്വാധീനം ചെലുത്താൻ അദ്ദേഹത്തിന് കഴിഞ്ഞു. ഭരണ കക്ഷിയായ കെ ചന്ദ്രശേഖർ റാവുവിന്റെ നേതൃത്വത്തിലുള്ള ഭാരത് രാഷ്ട്ര സമിതി സർക്കാരിനെ പുറത്താക്കി 64 സീറ്റുകൾ നേടിയാണ് കോൺഗ്രസ് അധികാരത്തിൽ വരുന്നത്. 119 അംഗ സംസ്ഥാന നിയമസഭയിൽ 39 സീറ്റുകൾ മാത്രമാണ് ബിആർഎസ് നേടിയത്. അതേസമയം കെസിആർ സംസ്ഥാന ഗവർണർക്ക് രാജിക്കത്ത് നൽകി.
