കമ്പനിയുടെ കമ്മ്യൂണിക്കേഷൻ ഡിപ്പാർട്ട്‌മെന്റുകളിൽ ജോലി വെട്ടിക്കുറയ്ക്കുന്നതായാണ് പ്രഖ്യാപനത്തിൽ പറയുന്നത്. തീരുമാനം ആമസോൺ സ്‌റ്റുഡിയോ, ആമസോൺ പ്രൈം വീഡിയോ, ആമസോൺ മ്യൂസിക് ഡിവിഷനുകളെയാണ് ബാധിച്ചത്. അടുത്തിടെയുള്ള പിരിച്ചുവിടലുകൾ കമ്മ്യൂണിക്കേഷൻ ഡിവിഷനുകളിലെ ഏകദേശം 5 ശതമാനം തൊഴിലാളികളെ ബാധിച്ചു.ഡെഡ്‌ലൈനിന്റെ ഒരു റിപ്പോർട്ട് അനുസരിച്ച്, ഈ പിരിച്ചുവിടലുകൾ നിലവിൽ ആമസോണിന്റെ കമ്മ്യൂണിക്കേഷൻ ഡിവിഷനുകളിലാണ് നടക്കുന്നത്. ബാധിക്കപ്പെട്ട ജീവനക്കാർക്ക് അവരുടെ സ്ഥിരമായ ശമ്പളവും ആനുകൂല്യങ്ങളും 60 ദിവസത്തേക്ക് ലഭിക്കുമെന്ന് കമ്പനി ഉറപ്പുനൽകിയിട്ടുണ്ട്.
കൂടാതെ, പിരിച്ചുവിടപ്പെട്ട ജീവനക്കാർ, ഡെഡ്‌ലൈൻ റിപ്പോർട്ട് ചെയ്‌തതുപോലെ, പിരിച്ചുവിടൽ പാക്കേജുകൾ, ട്രാൻസിഷണൽ ആനുകൂല്യങ്ങൾ, തൊഴിൽ നിയമനത്തിനുള്ള സഹായം എന്നിവയ്ക്ക് അർഹരായിരിക്കും.”ഞങ്ങളുടെ ടീമുകളുടെ ഘടന ഞങ്ങൾ പതിവായി അവലോകനം ചെയ്യുകയും ബിസിനസ്സിന്റെ ആവശ്യങ്ങൾ അടിസ്ഥാനമാക്കി ക്രമീകരണങ്ങൾ നടത്തുകയും ചെയ്യുന്നു, അടുത്തിടെയുള്ള അവലോകനത്തെത്തുടർന്ന്, ഞങ്ങളുടെ കമ്മ്യൂണിക്കേഷൻ ടീമിലെ ചെറിയ എണ്ണം ചുമതലകൾ ഒഴിവാക്കാനുള്ള പ്രയാസകരമായ തീരുമാനമാണ് ഞങ്ങൾ എടുത്തത്,” ആമസോൺ വക്താവ് ബ്രാഡ് ഗ്ലാസർ പ്രസ്‌താവനയിൽ പറഞ്ഞു.2022 നവംബറിനും 2023 ജനുവരിക്കും ഇടയിൽ 18,000 തസ്‌തികകൾ ഒഴിവാക്കിയ പിരിച്ചുവിടലുകളെ തുടർന്നാണ് ആമസോണിൽ തൊഴിലാളികളുടെ കുറവ് ഉണ്ടാവാൻ കാരണം.
കമ്പനി അതിന്റെ പ്രവർത്തനങ്ങൾ കാര്യക്ഷമമാക്കുന്നതിനുള്ള കൂടുതൽ നടപടികൾ അടുത്തിടെ സ്വീകരിച്ചിരുന്നു.ആമസോണിന്റെ ചെലവ് ചുരുക്കൽ ശ്രമങ്ങളും നിരവധി സുപ്രധാന മാറ്റങ്ങളിലേക്ക് നയിച്ചു. ടെക് വ്യവസായത്തിന്റെ മൊത്തത്തിലുള്ള ഇടിവ് കണക്കിലെടുത്ത്, കഴിഞ്ഞ ഒരു വർഷമായി ആമസോൺ സ്ഥിരമായി ജീവനക്കാരെ വെട്ടിച്ചുരുക്കുകയാണ്.
ക്ലൗഡ് കമ്പ്യൂട്ടിംഗ്, ഹ്യൂമൻ റിസോഴ്‌സ്, ആഡ്, ലൈവ് സ്ട്രീമിംഗ് സേവനങ്ങൾ ട്വിച്ച് തുടങ്ങിയ മേഖലകളിൽ ശ്രദ്ധ കേന്ദ്രീകരിച്ച് 9,000 ചുമതലകൾ അധികമായി ഒഴിവാക്കാനുള്ള പദ്ധതികൾ മാർച്ചിൽ കമ്പനി അവതരിപ്പിച്ചു.ഈ ചെലവ് ചുരുക്കൽ നടപടികളുടെ ഭാഗമായി ഏപ്രിലിൽ, ആമസോൺ സ്‌റ്റുഡിയോയിൽ നിന്നും പ്രൈം വീഡിയോയിൽ നിന്നുമുള്ള 7,000 ജീവനക്കാരിൽ 100ഓളം ജീവനക്കാരെ പിരിച്ചുവിട്ടു. ലൈവ് ഓഡിയോ സേവനമായ ആമ്പിന്റെ പ്രവർത്തനം നിർത്തുന്നതും സ്ഥിരീകരിച്ചു.കൂടാതെ, ജൂലൈയിൽ ആമസോൺ അതിന്റെ ഫ്രെഷ് ഗ്രോസറി സ്‌റ്റോറുകളിൽ ഒരു പുനർനിർമ്മാണ പ്രക്രിയയിൽ പിരിച്ചുവിടൽ പ്രഖ്യാപിച്ചു.
ചെലവ് ചുരുക്കൽ നടപടിയുടെ ഭാഗമായാണ് ഈ പിരിച്ചുവിടൽ പ്രഖ്യാപിച്ചത്. 27,000 ജീവനക്കാരെ പിരിച്ചുവിടുന്നത് ബുദ്ധിമുട്ടാണെന്നും എന്നാൽ ഈ തീരുമാനം കമ്പനിക്ക് നല്ല ഫലം നൽകുമെന്നും ഷെയർഹോൾഡർമാർ പങ്കെടുത്ത വാർഷിക കത്തിൽ ആമസോൺ സിഇഒ ആൻഡി ജാസി വ്യക്തമാക്കിയിരുന്നു.
